متركبش كوري هيدروماتيك ( حقيقه أم شائعة)

[hazem_khidr]

لحظة
انا سوقت سيراتو اتوماتيك 2008 ولقيت فيها نتشة برضه في الفتيس لما تقرص عليه

الله يطمنكم - ربنا يستر

ما تقلقش اوي كده يا باشا
مش معني ان فيه نتشه خفيفه انه يبقي تعبان
انت لو داومت علي الصيانه مش حيحصل حاجه
بس احنا بنقول ان الياباني اقوي و ان الكوري لسه ما وصلش للياباني.
بس مش اكتر

[mokhtar]

اليابانى الاتوماتيك حاجه تانيه وبيعمل كيلومترات عاليه جدا وشغال زى الفل لو دورتوا فى المنتديات الخليجيه او مواقع المستعمل هتلاقوا التويوتا كامرى والكرسيدا والهوندا الاكورد والنيسان الماكسيما ومعظم اليابانى فوق ال300000 كم وفيه اللى معدى ال500000 كم ومفيهوش مشاكل ولسه بيمسك سعر بالنسبه للعربيات الامريكانى والكورى ....الكلام ده كله مايقللش من كفاءه الكورىوتطوره المستمر بس الاتوماتيك بتاعهم لسه عليه شويه


..mokhtar..

[morabet79]

طيب لو عربيه كوري مانيوال وركبتلها فيتيس هيدروماتيك ، هيركب عليها برده كوري ولا ممكن نوع تاني؟

[Ramy.Gamal]

انا ابن خالتى معاه صنى 2002 يابانى مغيرش زيت الفيتيس الاوتو لحد 180 الف كيلو ومع ذلك محصلش اى حاجه للفيتيس اعتقد ان ده مش ممكن يحصل فى عربيه كورى

[emadosman63]

اليابانى الاتوماتيك حاجه تانيه وبيعمل كيلومترات عاليه جدا وشغال زى الفل لو دورتوا فى المنتديات الخليجيه او مواقع المستعمل هتلاقوا التويوتا كامرى والكرسيدا والهوندا الاكورد والنيسان الماكسيما ومعظم اليابانى فوق ال300000 كم وفيه اللى معدى ال500000 كم ومفيهوش مشاكل ولسه بيمسك سعر بالنسبه للعربيات الامريكانى والكورى ....الكلام ده كله مايقللش من كفاءه الكورىوتطوره المستمر بس الاتوماتيك بتاعهم لسه عليه شويه


..mokhtar..

طب ايه اخبار اتوماتيك نسسان صنى التقفيل المصرى

[zamalek26]

طب يا جماعة اية انضف عربية اتوماتيك وتكون ارخص حاجة ومايكونش فيها عيوب؟؟؟يا ريت بالترتيب من الحجم الصغير للعائلى؟

[morabet79]

طيب العربيات الكوري الهيدروماتيك مينفعش يتعدل فيها الفتيس والجير بوكس بمكونات ياباني أو أوروبي ؟؟

[Adham]

طب يا جماعة اية انضف عربية اتوماتيك وتكون ارخص حاجة ومايكونش فيها عيوب؟؟؟يا ريت بالترتيب من الحجم الصغير للعائلى؟

انضف......... وأرخص ............. و مافيهاش عيوب..................

أستحالة

مكانش حد غلب

[mokhtar]

طب ايه اخبار اتوماتيك نسسان صنى التقفيل المصرى

..والله انا مجربتش الصنى الاتوماتيك التقفيل المصرى بس فى هنا اعضاء كتير معاهم وممكن يفيدوك عنها هتلاقى كل حاجه فى منتدى نيسان بس انا عايز اقولك ان كون الصنى متجمعه فى مصر ولا فى اى بلد تانيه ممكن ده يفرق فى التقفيل نفسه او التشطيب من حيث درجه جوده الخامات انما الموتور والجيربوكس يابانى اصلى مفيش فيهم لعب بنفس درجه كفاءه اختها اللى مصنعه فى اليابان ومن الاخر والكلام ده ينطبق على الهوندا سيتى اللى بتتجمع فى تايلاند....ومن الاخر اليابانى يابانى


..mokhtar..

[cody02]

اسمحولي يا شباب .. لو هاكلم تحديداً على دايو كسيارة كوري .. فيجب الانتباه ان الفتيس المستعمل فيها وتحديداً (لانوس) هو الموديل 4t40-e .. وهو صناعة شركة جنرال موتورز .. كبرى شركات صناعة السيارات.. ويتم تجميعة في كندا .. ويستخدم في بعض سيارات جنرال موتورز اخرى مثل بعض موديلات شيفورليه و بوناتيك

[Adham]

مش بس كدة

أصلا معظم الفتيسات الاوتوماتيك في معظم شركات الدنيا بتبقى من شركة جنرال موتورز

المعلومة دي انا سمعتها من زمان قوي, ان جنرال موتورز هي اكبر و اشهر شركات اللي بتصنع فتيسات اوتوماتيك و رائدة في المجال دة و بتورد الفتيسات دي لمعظم الشركات التانية المانية و كورية و يابانية و غيرها و غيرها

يعني فتيس الفرونتيرا (الايسوزو روديو) هو فتيس البي ام الدبانة (الأيزن هاوزن) تصنيع وتوريد جنرال موتورز

[A_H_M_A_D]

طب يا جماعه إيه رأيكم في الأوتوماتيك الماليزي
وحش برضه زي الكوري كده ولا كويس
عربية زي البروتون ويرا مثلا؟؟

[احمدعبدالعزيز]

طب يا جماعة اية انضف عربية اتوماتيك وتكون ارخص حاجة ومايكونش فيها عيوب؟؟؟يا ريت بالترتيب من الحجم الصغير للعائلى؟

اللى متاكد منها ومفيش فيها مشاكل مع الاوتوماتيك

1- الماتريكس وعن تجربه .
2- الكيا سيراتو معظم الناس بتشكر فيها

[m_marmoush]

طب يا جماعه إيه رأيكم في الأوتوماتيك الماليزي
وحش برضه زي الكوري كده ولا كويس
عربية زي البروتون ويرا مثلا؟؟

معرفش الويرا أيه نظامها بس اللى أنا متأكد أن الجين تو فتيسها الأوتوماتيك يابانى وهوه: ميتسوبيشى F4A41

[M.Osman]

و اية بقى الهيدروماتيك ده ؟؟ بيشتغل بالماء مثلا ؟؟؟