شيفروليه سبارك تقطيع فى المكنه الصبح

[Ahmed.most]

السلام عليكم

انا عربيتى شيفروليه سبارك 2008 عندى مشكله ان العربيه وهيه بارده بيبقى فى رجه فى الموتور على السلانسيه ولازم افضل دايس بنزين فتره لحد متسخن قبل ممشى لو معملتش كده العربيه تقعد تنط منى وانا ماشى غيرت البوجيهات ونضفت فلتر الهوا ومفيش فايده

ارجو الافارده :(

[Abo_Mazen]

سؤال ممكن تحس منه إنه بعيد عن المشكلة ..ثرموستات الكوع راكب ...نضف بوابة وشوف إيه اللي هيتم

[Ahmed.most]

معلش انا اسف بس انا مش فاهم المصطلحات اوى ممكن تقولى المسمى كامل وممكن انا ادور على النت :(

[Abo_Mazen]

معلش انا اسف بس انا مش فاهم المصطلحات اوى ممكن تقولى المسمى كامل وممكن انا ادور على النت :(

طيب أنا هسألك سؤالين هعرف من إجابتهم ثرموستات الكوع راكب ولا لأ ..أولا ..العربيه بتاخد وقت قد إيه عشان تسخن معاك قبل ما تمشي ..ثانيا ..وحضرتك ماشي على سرعه عاليه على طريق مفتوح ..مؤشر الحرارة بينزل عن النص ..أنا بقول بينزل مش بيطلع ..مؤشر الحرارة بينزل عن النص

وتنضيف البوابة ممكن أي ميكانيكي كويس يعملهولك ..

[Ahmed.most]

هو العربيه بتاخد حوالى 10 دقايق عشان الرجه او الرجفه الى فى الموتور تروح بالنسبه للحراره الشيفروليه سبارك مفيهاش امبير حراره فيها لمبه بتنور بس لو الحراره زادت غير كده مفيش مؤشرات ودى مش بتنور طبعا

[Abo_Mazen]

واضح إن ثرموستات الكوع مش شغال ..إما إنه متشال أو معلق على وضع الفتح ..عموما نبتدي بالأسهل ..نضف بوابه وإتأكد إن ثرموستات الكوع موجود وشغال

[Ahmed.most]

المشكله طلعت كابلات البوجيهات كان فى اتنين شغالين بكفائه قليله مخليه الكويل مش بيطلع كهربه للبوجيه غيرتهم والمشكله اتحلت الحمد لله

[a_maher76]

الف مبروك انا عندي نفس مشكلتك بس عملت كشف كمبيوتر و سجل البوابة و عملت تنظيف للبوابه بس محستش بالمشكلة لمدة يوم واحد بس و لمبة الموتور شغاله مش بتطفي