مشكل

[kazoma2010]

السلام عليكم
دلوقتى انا معايا عربيه افيو 2011 صوت المكنه عالى وسحبه ضعيف قوي غالبا غاله اتنين سلندر
المهم رحت لميكانيكي وفك ال هيد فلاقينا الكامه متاكله بسبب عدم تغيير الزيت
المهم غيرت الكامه واشتريت واحده جديده بتاعت لانوس وركبناها ونضفنا الكوستبانات وغيرنا كوستبانين
بعد ما قفلنا الموتر والميكانيكي ظبط التقسيمه بتاعه سير الكاتينه العربيه ما دارتش
لعب في التقسيمه فالعربيه دارت وبعد دقيقه سمعت صوت حاجه اتكسرت
المهم فك الموتر تانى فلاقي صباب وبستم مكسور وكمان فرده شيميس اتاكلت من جوه
بعد كده المور راح للخراط وعمل فرده شيميس بنفس المقاس وركب صباب وبستم بدل المكسورين والدلايل والقصه دي والميكانيكي غير الشنبر و
الموتور اتقفل ودورنا العربيه ولسه الصوت زى ما هوا
فتحنا الموتور لاقينا الكامه متخربشه جامد وتقريبا شاكوش نطر من مكانه والعربيه ب تلت
الميكانيكي دلوقتى بيقولي اجيبله وش سلندر كامل بالكوستبانات والشواكيش
انا عاوز افهم العيب فين واعمل ايه لانى حاسس ان المشكله في الميكانيكي
ولو العيب في الميكانيكي يا ريت اعرف ايه الغلط اللى عمله هل هو غلط في التقسيمه مثلا وده اللى كبر المشكله

[Abo_Mazen]

يعني الميكانيكي خلف التقسيمه وعمل المصيبه بتاعته ..وجاي يقولك وش سلندر تاني ..يا شيخ ربنا يحرق الميكانيكية اللي مبيراعوش ربنا في حاجة الناس وفلوس الناس ..هو إحنا لاقيين الفلوس في الشارع عشان ميكانيكي إبن $$##$#$#$َ%^ يقعد يجرب في فلوسنا ..ده أنا هطق من الميكانيكيه ولاد الكلاب اللي ما بيراعوش ربنا في حاجتنا ..آنا آسف إن تعليقي على مشاركتك مفيهوش حل لمشكلتك ..بس لو تعرف إن أنا بسبب ميكانيكي كلب ..قعدت بتاع سنة ونص في حوارات وش سلندر بسبب إنه المستهتر قال إيه ..ما بيربطش وش السلندر كويس ..عشان العربيه تلاتة سلندر والوش ما ينفعش يتربط عليه جامد ..جهل وتخلف وحاجه تحرق الدم ..مش عارف أقول لحضرتك إيه ..المكنه عند حضرتك إتلعب فيها البخت بسبب إنسان عايز قطع إيديه ..شوف ميكانيكي تاني ويكون شغال في العربيات دي وخد رأيه ..والله ما عارف أقول إيه ..العربيه ما ردتش تدور يقوم يخلف التقسيمه ..آه ه ه ه يا غيظي ..ده أنا نفسي أشوفه الميكانيكي اللي عملك كده وأنا أبطحه في دماغه بمصيبه هو والميكانيكي المتخلف اللي توهني في العربيه بتاعتي

[borio1704]

يعني ميكانيكي لمؤاخذة يبوظلك كل ده وعايزك تشتري كمان وش سلندر؟؟؟ وده إيه بقى ؟؟ على حسابك؟؟؟

حسبي الله ونعم الوكيل في عدم الضمير واللامبالاه.

عموما هي مالهاش حل دلوقتي إلا إن حضرتك تجيب وش سلندر جديد بس على شرط..

لو ناوي تكمل مع الـ#$%$##$ ده يبقى وش السلندر هو يدفع تمنه... يإما تروح لميكانيكي محترم يظبطلك العربية تكمل عنده الشغل.

وكده كده الميكانيكي ده ما تديلوش ولا نكلة.


...