رجرجة مع الفرامل عل السرعات العالية

[Maged_Samy]

كنت اعانى من رجرجة وهزة شديدة مع الفرامل على السرعات العالية وقمت بتغيير الطنابير بطنابير جديدة اوبتيما وكذلك التيل وراحت المشكلة ثم عادت مرة اخرى بعد 10000 كم فقمت بتغيير الطنابير بأخرى استيراد و غيرت التيل تانى والمشكلة راحت او بمعنى اصح قلت اوى وبعد 300 كم رجعت نفس الهزة تانى ... انا محتار ورحت لناس كتير محدش افادنى وبفكر امسح الطنابير الجديدة الاوبتيما عند خراط ومش عارف ايه اللى بيحصل فى الطنابير ... انا عمر المشكلة دى ما قابلتنى فى اى عربية ركبتها قبل كدة .
السيارة نوبيرا 2 موديل 2006

[rotanamasoud]

اللى يقصر عمر الطنابير غير الاستهلاك الطبيعى انك تكون مسافر مثلا والطنابير سخنه جدا وتدخل فى ميه ده حيخلى اجزاء تتمدد واجزاء لا ويعمل ريجه فى الطنابير
فلو بيحصل معاك الموقف ده خلى بالك بعد كده

[Maged_Samy]

مجاش عليهم نقطة مياه من اول ما ركبتهم

[د.محمود صلاح]

التيل في الغالب بوظلك الطنابير
تروح مخرطة طنابير شغلها نظيف مخصصة للطنابير مش اي مخرطة
وتخرط الطنابير مس كويس لل 4 عجلات
وتركب تيل جديد أصلي من التوكيل
وان شاء الله تتحل المشكلة
وماتغسلش الطنابير وهي سخنة خالص

[Maged_Samy]

تم عمل مسح خفيف للطنابير عند خراط طنابير ووجد احداهما سليم والاخر به رفه بسيطة ولسه لم اركبهم بعد ، لما اركبهم الاسبوع القادم هتابع معاكم ان شاء الله بالنتيجة و شكرا

[Maged_Samy]

تم عمل مسح خفيف للطنابير الجديدة عند خراط طنابير ووجدت احداها بها عالي وواطي ، وتم حل المشكلة والهزة اختفت تماما
وشكرا لكل من شارك بالموضوع

[Samir_Adel]

ممكن الطنابير اللي انت جبتها استيراد دي تكون متكلة ( مريجة) فا كل التيل بسرعة.. و ظهرت المشكلة تاني بسرعة.. لو هتخرط طنابير، لازم تعمل تيل اوفر.. محمل مش استاندار.

[omrkhaled]

غيرت الكبالن واى بي اس فيها مشكله
ماتركس