مشكله افيو - دخان ازرق - عمره ولا شورت بلوك

[Mostafa1988]

السلام عليكم

العربيه بتاعتى افيو 2009 عامله 155000 كيلو اول يد والعربيه 1500 مانيوال .. العربيه كانت كويسه لحد تقريبا الاسبوع الى فات .. فجاه لقيتها بتعمل دخانه خفيفه من الشكمان وابتدت تزيد .. انا افتكرته من البرد ف الاول وبعدين الموضوع زاد بانى ابتديت اشم ريحه الدخان دا جوا العربيه و فؤجئت انها ابتدت تاكل زيت .. غيرت ليها الزيت ومشيت عليها حوالى 1000 كيلو لقيت ان الزيت نقص جامد تقريبا مبقاش فيها غير كيلو ونص .. وديتها ل 2 ميكانيكيه .. وكان فيه رائيين مختلفين .. اول راي انى اجيب شورت بلوك استيراد وبيتكلم ف تكلفه حوالى 5000 جنيه والميكانيكى التانى قالى هتحتاج بساتم وكدا وقالى هتبقى حوالى ف تكلفه الف جنيه .. المشكله ان الميكانيكى الاول قالى انه لو هغير بساتم هتقعد معايا حوالى شهرين والدخانه واكلان الزيت هيرجع تانى.لكن الميكانيكى التانى قالى لا الضامن ربنا واضمنهالك وعلى مسئوليتى سنتين ان شاء الله.
انا مش عارف بصراحه .. خصوصا انه فيه جماعه صحابى خوفونى من موضوع الشورت بلوك دا لانه ممكن تكون المكنه تعبانه وكدا. انا معنديش مكانيكى بتعامل معاه .. لانى قليل لما بروح لمكانيكى علشان اغير زيت او لو فيه حاجه خفيفه.يا ريت لو حد عنده افاده يقولى اعمل ايه ؟!

[OSAMA.NUBIRAWY]

انا مش هقولك رأيي بس هقولك حاجه تانيه افضل وانت اختار :

الحل الاول : انى اعمل عمره كامله ودى قبل الشغل فى العربيه كنت حاسب انها هتتكلف حوالى 4 تلاف لكن للاسف دخلت فى 7 تلاف جنيه

مميزات العمره :
1) انك مش هتحتاج تغير رقم الموتور فى الرخصه وتدخل فحص وترخص من جديد .
2) انك مهما كلفت هيبقي اريح واضمن من الشورت بلوك من حيث الترخيص وقرفه وفى نفس الوقت مغامرتش بفلوسك فى شورت بلوك لانه عامل زى البطيخه انت وحظك + ان التاجر هيقرفك على ما يديك ورق الافراج الجمركى وغالبا هتدفع الف جنيه عشان تاخده .
3) موتورك مهما كان مش هيحتاج قطع غيار كتير .


عيوب العمره :
1) انك هتضيع وقت ومجهود مع الصانعي .
2) ان تكلفة العمره اعمل حسابك انها ممكن تفتح اكتر مما كنت حاسبلها ( يعنى يقولك الفين وساعة الشغل تلاقيهم بقو 5 ) .
3) هتحتاج فتره للتليين غالبا 3 ايام على السلانسيه و 500 كيلو بالمشي بالعربيه .


الحل التانى هو الشورت بلوك :

مميزاته :
1) انك هتشيل ده وتحط ده وخلاص .
2) مش هتحتاج تلين فتره كبيره .
3) مش هتضيع وقت مع الصنايعي .


عيوبه :
1) انك هتحتاج تدخل فحص وترخص .
2) التاجر غالبا هيقرفك على ما يبعت ورق الافراج الجمركى للمرور .
3) انت وحظك فيه يا يعيش معاك ويطلع احسن من موتورك يا شهرين ويبوظ زى موتورك .


ملاحظه بقي على الشورت بلوك: الشورت بلوك لما هتجيبه مش هتركبه على طول ....... لا .... ده هيحتاج طقم جوانات وسيور واحتمال بلى ( بكر ) .
بمعنى ان الموضوع مش هيقف عند تمنه وبس .

ملاحظه 2 : لو مفيش عندك ترزيع فى عمود الكرنك نصيحه اعمل عمره احسن او نص عمره .

[Colin Chapman]

دخان ازرق معناه بنزين زيادة !!! اكشف على الرشاشات واحتمال كبير الدخان يتمنع !!!

[Mostafa1988]

انا مش هقولك رأيي بس هقولك حاجه تانيه افضل وانت اختار :

الحل الاول : انى اعمل عمره كامله ودى قبل الشغل فى العربيه كنت حاسب انها هتتكلف حوالى 4 تلاف لكن للاسف دخلت فى 7 تلاف جنيه

مميزات العمره :
1) انك مش هتحتاج تغير رقم الموتور فى الرخصه وتدخل فحص وترخص من جديد .
2) انك مهما كلفت هيبقي اريح واضمن من الشورت بلوك من حيث الترخيص وقرفه وفى نفس الوقت مغامرتش بفلوسك فى شورت بلوك لانه عامل زى البطيخه انت وحظك + ان التاجر هيقرفك على ما يديك ورق الافراج الجمركى وغالبا هتدفع الف جنيه عشان تاخده .
3) موتورك مهما كان مش هيحتاج قطع غيار كتير .


عيوب العمره :
1) انك هتضيع وقت ومجهود مع الصانعي .
2) ان تكلفة العمره اعمل حسابك انها ممكن تفتح اكتر مما كنت حاسبلها ( يعنى يقولك الفين وساعة الشغل تلاقيهم بقو 5 ) .
3) هتحتاج فتره للتليين غالبا 3 ايام على السلانسيه و 500 كيلو بالمشي بالعربيه .


الحل التانى هو الشورت بلوك :

مميزاته :
1) انك هتشيل ده وتحط ده وخلاص .
2) مش هتحتاج تلين فتره كبيره .
3) مش هتضيع وقت مع الصنايعي .


عيوبه :
1) انك هتحتاج تدخل فحص وترخص .
2) التاجر غالبا هيقرفك على ما يبعت ورق الافراج الجمركى للمرور .
3) انت وحظك فيه يا يعيش معاك ويطلع احسن من موتورك يا شهرين ويبوظ زى موتورك .


ملاحظه بقي على الشورت بلوك: الشورت بلوك لما هتجيبه مش هتركبه على طول ....... لا .... ده هيحتاج طقم جوانات وسيور واحتمال بلى ( بكر ) .
بمعنى ان الموضوع مش هيقف عند تمنه وبس .

ملاحظه 2 : لو مفيش عندك ترزيع فى عمود الكرنك نصيحه اعمل عمره احسن او نص عمره .

شكرا يا باشا ع الرد

[Mostafa1988]

دخان ازرق معناه بنزين زيادة !!! اكشف على الرشاشات واحتمال كبير الدخان يتمنع !!!

وبتاكل زيت كمان يا غالى ... هل ممكن يبقا فيه سبب تانى غير الشامبر ؟ مع العلم ان العربيه عزمها عادي ومش حاسس بتغيير فيها عموما

[Colin Chapman]

وبتاكل زيت كمان يا غالى ... هل ممكن يبقا فيه سبب تانى غير الشامبر ؟ مع العلم ان العربيه عزمها عادي ومش حاسس بتغيير فيها عموما

كشف على الرشاشات+ تغيير كاوتش صباب وان شاء الله تمنع دخان وتبطل نقص زيت مع تنضيف حساس شكمان وان شاء الله ولا تحتاج شمبر ولا شورت بلوك !!

[mustafa kasab]

انت اعمل عمرة احسن