خبطة فى الاكصدام

[Dr.lancer]

أسرع خابطة ممكن تحصل.النهاردة المدام و هى راجعة من المرور خبطت فى الرصيف جامد. لاأظن أن الإكصدام بالحالة دى ينفع يتصلح (شوف الصورة) يا ترى حل المشكلة دى ايه؟ ده فيه حته كاملة طارت من الإكصدام بس معايا فى الشنطة. هل ينفع فيه تصليح؟ علشان أنا متوقع المزيد من الخبطات قريبا و مستحرم أجيب جديد. ولو حجيب جديد من فين أبدأ رحلة البحث عن الإكصدامات وبكام تقريبا؟ برجاء المساعدة بسرعة من أصحاب الكانشل. شكرا

[NoRmAl]

أولا الحمد لله على قد كده
ومش عارف أحساسك أيه لما مراتك تخبط العربيه :)) بس أنا بتعصب أوى من الحكايه دة "مع أنى مش متجوز اساسا :))))"
بهدى النفوس أنا :))
المهم أنا كان عندى شاهين كنت بلحم الاكصدام وكان بيبقى كويس مش عارف هينفع تلحمه ولا لأ
على العموم الحمد لله
وربنا معاك يا دوك

[nab!l]

سيبه شويه يمكن المدام تكملك عليه وتعمله مره واحده
طالما بتقول انك متوقع المزيد سيبه شويه بجد

[Dr.lancer]

ومش عارف أحساسك أيه لما مراتك تخبط العربيه :)) بس أنا بتعصب أوى من الحكايه دة "مع أنى مش متجوز اساسا :))))"

يا حبيبى كلنا بنتنرفز بس لما تتجوز حتلاقى نفسك بتغلى من جوه و أنت بتقولها ولا يهمك كسرى وأنا أصلح علشان كده الرجالة بيجيلها و أمراض القلب.

سيبه شويه يمكن المدام تكملك عليه وتعمله مره واحده
طالما بتقول انك متوقع المزيد سيبه شويه بجد

انا ممكن أسيبه بس متهيألى ممكن يعملها مشكلة فى اللجان.

[eslameoo]

الف سلامه يا دكتور وربنا معاك
علي فكره انا عملت حادثه اكبر من كده وصلهته في الحرفيين عند بتاع الفيبر وشغال زي الفل
وعلي فكره ه
الاقصدام موجود جديد عند اوشين بتاع الحرفيين بس مش فاكر جديد عامل كام بس مستعمل انا لفيته ب 400 ج عند ديهاتسوا لاند وربنا يعوض عليك

[Dr.lancer]

الف سلامه يا دكتور وربنا معاك
علي فكره انا عملت حادثه اكبر من كده وصلهته في الحرفيين عند بتاع الفيبر وشغال زي الفل
وعلي فكره ه
الاقصدام موجود جديد عند اوشين بتاع الحرفيين بس مش فاكر جديد عامل كام بس مستعمل انا لفيته ب 400 ج عند ديهاتسوا لاند وربنا يعوض عليك

ألف ألف شكر يا eslameoo أنا رحت الحرفيين النهارده و لقيت عند أوشين الإكصدام الأمامى بالشكل الجديد و بصراحة تحفة و جبت كمان الشبكة الاستانليس بتاعته و للأسف مالقيتش فوانيس الإشارة فرحت للتوكيل و جبت الإثنين. إن شاء الرحمن سوف أعمل مشاركة كاملة بالتفصيل بعد التركيب. شكرا للمساعدة

[NoRmAl]

ألف ألف شكر يا eslameoo أنا رحت الحرفيين النهارده و لقيت عند أوشين الإكصدام الأمامى بالشكل الجديد و بصراحة تحفة و جبت كمان الشبكة الاستانليس بتاعته و للأسف مالقيتش فوانيس الإشارة فرحت للتوكيل و جبت الإثنين. إن شاء الرحمن سوف أعمل مشاركة كاملة بالتفصيل بعد التركيب. شكرا للمساعدة

مبروك يا دكتور

[Ahmed Galal]

الحمد لله على كل شىء حضرتك هاتجيب اكصدام استيراد لان ده خلاص مش هاينفع و لو بلون العربية و لقيته يبقا مش هاترش و لو تعرف بقا تركب لها الدعامة الامامية بتاعت العربيات الجيب اللى بتركب على الماتريكس عشان ممكن تركب عندك كنوع من الحماية و ربنا يستر طريقك لان فعلا توقع المزيد من الترزيع طالما ابتدت بخبط الارصفة

[Dr.lancer]

الحمد لله على كل شىء حضرتك هاتجيب اكصدام استيراد لان ده خلاص مش هاينفع و لو بلون العربية و لقيته يبقا مش هاترش و لو تعرف بقا تركب لها الدعامة الامامية بتاعت العربيات الجيب اللى بتركب على الماتريكس عشان ممكن تركب عندك كنوع من الحماية و ربنا يستر طريقك لان فعلا توقع المزيد من الترزيع طالما ابتدت بخبط الارصفة

شفتها فى توكيل هاشم بص بس كان شكلها مش حلو كانت كبيرة على الكانشل. و غالية 400 جنية.