كانشيل او ماروتي

[sarawe511]

مين احسن ي شباب الكاشيل ام الماروتي من حيث الاعتمادية و قطع الغيار

[S O P H O S]

عن تجربة الماروتي مع صديق
العربية دي مدام بتحافظ عليها
بجد تعتبر عربية كويسة جدا والله اعلم ..

[aliabdo]

انا عندى ماروتى من 2008 و دى العربيه الصغيره الى فى البيت مراتى بتروح بيها الشغل كل يوم و انا ساعات بركبها و حماى بيركبها يعنى مظبطينها؛ بصراحه العربيه كويسه جدااا و اعتماديه جدا بس لازم تبقى عارف انت عايز ايه من العربيه عشان ترتاح بعد كده

[egawady]

انا معايا كانشيل موديل 1999 اوتوماتيك جميع الكماليات .. اشتريتها لمراتى سنة 2008 ولسه معانا لغاية دلوقتى .. العربية والله ممتازة بجد .. قطع غيارها هى هى الدايهاتسو ميرا الشكل بتاع موديل 92 ... كل قطع الغيار اللى بتشتريها هى الدايهاتسو يعنى أى محل قطع غيار يابانى حتلاقى عنده ان شاء الله .. غير كده فى محلات متخصصة فى الدايهاتسو فى الحرفيين ده لو لزم الأمر ....
أما بالنسبة للمقارنة مع الماروتى .. انا ماركبتش الماروتى .. بس لو عاوز كماليات واوتوماتيك وعربية يابانى تجميع ماليزى يبقى الكانشيل

[sarawe511]

شكرا ي شباب و انا ميال جدا للماروتي بس حاسس انها اضعف من الكانشيل. انا سقت الكانشيل الاتوماتيك عربية مرحة جدا تحس انك بتلعب مش بتسوق و صاجها ناشف و حلوة بس مشكلتها ندرة قطع الغيار و ارتفاع اسعارها و موديلها القديم بعكس الماروتي صاج ضعيف بس موديل حديث فوق 2006 مثلا نفس السعر و قطع غيار رخيصة و اسف ع الاطاله