Tweet
تجربتي مع برودوا كليسا الجميلة علي مدار 5 سنوات
انا حبيت اعمل الموضوع ده علشان انا مش لاقي مواضيع كتير بتتكلم علي برودوا كليسا و مش مدياها حقها
عشان كده انا هحاول اكتب المزايا و العيوب عشان العربية معايا بقالها 5 سنوات من الزيرو و عشان يبقي مرجع للي بيفكر يشتريها و اي حد يحب يستفسر عن حاجة انا في الخدمة.
و بالمناسبة انا عربيتي كليسا مانيوال موديل 2005 بس انا رخصتها في 2008 لانها كانت مركونة, و مشيت بيها 100 الف كيلو و مريت بحادثين
اولا: التصنيع
كليسا هي نفس الدايهاتسو ميرا لكن التقفيل في ماليزيا و ده مش عيب فيها بالعكس دي ميزه لانهم اضافوا كماليات زياده فيها و عدلوا شوية في الشكل الخاررجي زي الفوانيس الامامية و الخلفية و الكبوت و الاكصدام لكن جزء كبير من المكونات الداخلية هي نفس مكونات الميرا و حاجات كتير فيها ياباني ده طبعا الي جانب الموتور الجبار 1000 cc ثنائي الكامة ياباني.
ثانيا: المزايا
1- الموتور
من اكتر الحاجات المميزة للكليسا هو الموتور مع ان العربية 3 سلندر لكن زي ما قولت قبل كده ان الموتور 1000 سي سي ثنائي الكامة و اكتر من مناسب لحجم العربية , الكليسا سحبها تحفة و اي حد بيحب يشد معايا بيستغرب ان العربية الصغيرة دي بتعمل فيه كدة ده طبعا لغاية سرعة 100 او 120 بالكتير لكن بعد كدة مينفعش
2- التحكم
هو احساس رائع صعب يتوصف , تحس كدة ان انت لو قولت للعربية نطي هتنط بجد تحكم عالي جدا جدا جدا و احساس ممتع في السواقة مش هيعرفوا غير اللي جرب يسوقها.
3- الاعتمادية
العربية قطع غيارها معمرة جدا و حمالة قسية , يا دوب تغيير الزيوت و الفلاتر و التيل في المتابعة الدورية و شكرا متفكرش بقي في اي حاجة تاني يمكن مره بس للامانة غيرت سلك الدبرياش. بس انا بعد كده عملت حادثة في حادثة تانية و غيرت حاجات تانية لكن قبل كده و لغاية 70 الف كيلو مكنتش محتاج اغير فيها حاجة لدرجة اني لما كنت بروح التوكيل كنت بقولوهم بصوا كويس لو في حاجة محتاجة تتغير نغيرها و هما يقولولي العربية زي الفل بس مش عارف بقي انا اتحسدت ولا ايه بس الحمد لله علي كل شيء.
4- التوفير
العربية بتعمل حوه البلد كحد ادني 350 كيلو في الصفيحة يعني لتر البنزين بيعمل تقريبا 17.5 كيلو و ده جوه البلد لكن في السفر بالامانة بتعمل حوالي 450 كيلو في الصفيحة , و سعة التانك 35 لتر يعني من الاخر فول و انسي.
5- قطع الغيار
اما بالنسبة لقطع الغيار في منها غالي و في منها رخيص علي حسب يعني مثلا تيل الفرامل الاصلي في التوكيل 220 جنية و التايواني 110 جنية ,الفانوس الخلفي بره التوكيل 120 جنية جديد من غير الدواية ,الفانوس الامامي 320 جنية برة التوكيل جديد, الاكصدام الامامي صيني برة التوكيل 325 جنية باب الشنطة جديد بيعمل 1000 في التوكيل , زجاج امامي 350 جنية بره التوكيل , كومبسور التكييف 500 جنية استيراد , قنطرة اصلي استيراد 400 جنية طبلة الباب الامامي شمال 500 جنية اصلي توكيل و هكذا...
6- الكماليات
الكماليات اللي بتنزل في العربية هي ( تكييف - باور - سنتر - زجاج كهربا امامي - فتح الشنطة و التانك من الداخل - و طبعا كاسيت شرايط بس انا مغير الكاسي ل cd) و علي فكرة التكييف بتاعها كويس جدا بالرغم من انها 3 سلندر
و في بردوا ميزايا تانية زي مثلا حجم الكليسا في الركنة عملي جدا في الزحمة اللي احنا فيها دي. و مساحة الشنطة الخلفية تعتبر كويسة بالنسبة لحجم الكليسا. و علي فكرة كمان العربية مش واطية يعني مش بتحك في المطبات لو اتنين او تلاتة اللي راكبين لكن لو اكتر من كده ممكن.
ثالثا: العيوب
1- مساحة الصالون
الكنبة الخلفية ضيقة و دا بردوا عشان العربية صغيرة
2- العفشة ناشفة في المطبات يعني لو حفر او عين السمكة اللي بتبقي في الارض بتحس بيهم جامد.
3- الثبات لغاية 120 يعتبر كويس لكن بعد كدة بلاش احسن
رابعا: اماكن بيع قطع الغيار
1- التوكيل هاشم باص طريق مصر اسماعيلية و علي فكرة ممكن تفاصل معاهم
2- اوشين في حرفيين السلام ( جديد اصلي و تايواني)
3- سيد الفراش حرفيين السلام ( استيراد )
4- دايهاتسو لاند حرفيين السلام د/ علاء (استيراد)
ده الي جانب ان معظم الحاجات هتلاقيها في اي مكان بيبيع قطع غيار دايهاتسو ماعادا الحاجات اللي مختلفة عن الميرا.
اتمني اكون قدرت افيد الناس اللي مقبلين علي شراء الكليسا الجميلة و اسف علي الاطالة
سامي
عشان كده انا هحاول اكتب المزايا و العيوب عشان العربية معايا بقالها 5 سنوات من الزيرو و عشان يبقي مرجع للي بيفكر يشتريها و اي حد يحب يستفسر عن حاجة انا في الخدمة.
و بالمناسبة انا عربيتي كليسا مانيوال موديل 2005 بس انا رخصتها في 2008 لانها كانت مركونة, و مشيت بيها 100 الف كيلو و مريت بحادثين
اولا: التصنيع
كليسا هي نفس الدايهاتسو ميرا لكن التقفيل في ماليزيا و ده مش عيب فيها بالعكس دي ميزه لانهم اضافوا كماليات زياده فيها و عدلوا شوية في الشكل الخاررجي زي الفوانيس الامامية و الخلفية و الكبوت و الاكصدام لكن جزء كبير من المكونات الداخلية هي نفس مكونات الميرا و حاجات كتير فيها ياباني ده طبعا الي جانب الموتور الجبار 1000 cc ثنائي الكامة ياباني.
ثانيا: المزايا
1- الموتور
من اكتر الحاجات المميزة للكليسا هو الموتور مع ان العربية 3 سلندر لكن زي ما قولت قبل كده ان الموتور 1000 سي سي ثنائي الكامة و اكتر من مناسب لحجم العربية , الكليسا سحبها تحفة و اي حد بيحب يشد معايا بيستغرب ان العربية الصغيرة دي بتعمل فيه كدة ده طبعا لغاية سرعة 100 او 120 بالكتير لكن بعد كدة مينفعش
2- التحكم
هو احساس رائع صعب يتوصف , تحس كدة ان انت لو قولت للعربية نطي هتنط بجد تحكم عالي جدا جدا جدا و احساس ممتع في السواقة مش هيعرفوا غير اللي جرب يسوقها.
3- الاعتمادية
العربية قطع غيارها معمرة جدا و حمالة قسية , يا دوب تغيير الزيوت و الفلاتر و التيل في المتابعة الدورية و شكرا متفكرش بقي في اي حاجة تاني يمكن مره بس للامانة غيرت سلك الدبرياش. بس انا بعد كده عملت حادثة في حادثة تانية و غيرت حاجات تانية لكن قبل كده و لغاية 70 الف كيلو مكنتش محتاج اغير فيها حاجة لدرجة اني لما كنت بروح التوكيل كنت بقولوهم بصوا كويس لو في حاجة محتاجة تتغير نغيرها و هما يقولولي العربية زي الفل بس مش عارف بقي انا اتحسدت ولا ايه بس الحمد لله علي كل شيء.
4- التوفير
العربية بتعمل حوه البلد كحد ادني 350 كيلو في الصفيحة يعني لتر البنزين بيعمل تقريبا 17.5 كيلو و ده جوه البلد لكن في السفر بالامانة بتعمل حوالي 450 كيلو في الصفيحة , و سعة التانك 35 لتر يعني من الاخر فول و انسي.
5- قطع الغيار
اما بالنسبة لقطع الغيار في منها غالي و في منها رخيص علي حسب يعني مثلا تيل الفرامل الاصلي في التوكيل 220 جنية و التايواني 110 جنية ,الفانوس الخلفي بره التوكيل 120 جنية جديد من غير الدواية ,الفانوس الامامي 320 جنية برة التوكيل جديد, الاكصدام الامامي صيني برة التوكيل 325 جنية باب الشنطة جديد بيعمل 1000 في التوكيل , زجاج امامي 350 جنية بره التوكيل , كومبسور التكييف 500 جنية استيراد , قنطرة اصلي استيراد 400 جنية طبلة الباب الامامي شمال 500 جنية اصلي توكيل و هكذا...
6- الكماليات
الكماليات اللي بتنزل في العربية هي ( تكييف - باور - سنتر - زجاج كهربا امامي - فتح الشنطة و التانك من الداخل - و طبعا كاسيت شرايط بس انا مغير الكاسي ل cd) و علي فكرة التكييف بتاعها كويس جدا بالرغم من انها 3 سلندر
و في بردوا ميزايا تانية زي مثلا حجم الكليسا في الركنة عملي جدا في الزحمة اللي احنا فيها دي. و مساحة الشنطة الخلفية تعتبر كويسة بالنسبة لحجم الكليسا. و علي فكرة كمان العربية مش واطية يعني مش بتحك في المطبات لو اتنين او تلاتة اللي راكبين لكن لو اكتر من كده ممكن.
ثالثا: العيوب
1- مساحة الصالون
الكنبة الخلفية ضيقة و دا بردوا عشان العربية صغيرة
2- العفشة ناشفة في المطبات يعني لو حفر او عين السمكة اللي بتبقي في الارض بتحس بيهم جامد.
3- الثبات لغاية 120 يعتبر كويس لكن بعد كدة بلاش احسن
رابعا: اماكن بيع قطع الغيار
1- التوكيل هاشم باص طريق مصر اسماعيلية و علي فكرة ممكن تفاصل معاهم
2- اوشين في حرفيين السلام ( جديد اصلي و تايواني)
3- سيد الفراش حرفيين السلام ( استيراد )
4- دايهاتسو لاند حرفيين السلام د/ علاء (استيراد)
ده الي جانب ان معظم الحاجات هتلاقيها في اي مكان بيبيع قطع غيار دايهاتسو ماعادا الحاجات اللي مختلفة عن الميرا.
اتمني اكون قدرت افيد الناس اللي مقبلين علي شراء الكليسا الجميلة و اسف علي الاطالة
سامي
Comment