الحمدلله رخصت

[eslam_wega]

نزلت النهردا الصبح عشان ارخص ولما وصلت اكتشفت انى نسيت البطاقة راجعت تانى العبور
مع العلم ان المرور فى العباسية وجبيت البطاقة ومشيت فى الاجرات
واستنيت شوية واخيرا استلمت الرخصة والنمر
كنت شايل هم المشور دة بس الحمدلله انها تمت على خير

[javacoder]

بقولك يا أخى هوا انت دفعت فلوس للناس الموظفين بتوع المرور و لا إيه النظام؟

أصل أنا بصراحة لما عملت رخصة السواقة جبت واحد واسطة و خلص هو القصة كلها لأن بتوع المرور "بدون ذكر اسم الإدارة منعا للإحراج" معقدين نفسيا و قالولى لازم تجيب عربية و صاحب العربية و صك ملكية العربية عشان تختبر
عشان كده جبت واحد واسطة و زهقونى برضوا حتى شهادة التخرج خلونى أمضى إقرار إن أنا حاصل على شهادة التخرج و طلبو منى إن مهندس الفحص يمضى على ورق الرخصة بتاعة السواقة قام المهندس باصصلى و قال لى "هات عربية واقعد جواها و أنا أمضى"
و الراجل دخل لرئيس المرور بس الحمد لله ربنا عداها , دانا حتى رحت أصلى الظهر على ما الرخصة تطلع يعنى عشر دقائق كده فلما رجعت الراجل نده على اسمى فا و أنا بستلمها لقيت الراجل الموظف بيزعقلى بجد و لا لما يكون مأمور القسم و مسك حرامى و بيقولى "هوا إنت كنت فين لما ندهت عليك أول مرة" قلت له "أصلى كنت بصلى فراح مدينى الرخصة من كسوفه!!!"
بس على فكرة انا والله رحت مدرسة سواقة و سقت فيها و مشيت على الدائرى و ركنت و جبت أخويا و اختبرنى و كان كله تمام الحمد لله.
بس بأمانة مشوار المرور ده عامل زى ما يكون واحد واقف فوق موتور أتوبيس العتبة و هو فى نص الطريق عطلان فوق كبرى 6 أكتوبر و هو زحمة الساعة واحدة الظهر و مفيش منزل قبل 2 كيلو.
الغريبة إن و أنا واقف فى كل الموضوع ده ما لقيتش واحد من الناس اللى استلمت رخص معايا اختبر بعربية أو أى حاجة من الحاجات اللى الواحد بيسمع عنها فى الافلام!!! طيب اشمعنى أنا بهدلونى انا و الراجل الواسطة اللى كان معايا مع العلم إنه كان من طرف واحد ""مرعب""

بس مش عارف لما أشترى عربية إنشاء الله , أروح اجيب الراجل الواسطة ده تانى و اللا ترخيص العربية أسهل من رخصة السواقة بصراحة أنا أبيض يا ورد؟!
الحقيقة إن استخراج الباسبورت و البطاقة و شهادة الميلاد يعتبر نزهة فى جزيرة هونولولو بالنسبة لاستخراج رخص القيادة و السيارات من إدارة مرور "تل أبيب"

[ramyar]

رخصت بروتون ايه يا باشا وبكام ومن فين وايه اخبار الخصم
يارب تكون واجا

[مصطفى_صديق]

نزلت النهردا الصبح عشان ارخص ولما وصلت اكتشفت انى نسيت البطاقة راجعت تانى العبور
مع العلم ان المرور فى العباسية وجبيت البطاقة ومشيت فى الاجرات
واستنيت شوية واخيرا استلمت الرخصة والنمر
كنت شايل هم المشور دة بس الحمدلله انها تمت على خير

الف مبروك.......ومعلش كل تأخيرة وفيها خيرة
الحمد لله انها خلصت.....
دلوقتى انت تعتبر بروتونى رسمى وقانونى

[مصطفى_صديق]

بقولك يا أخى هوا انت دفعت فلوس للناس الموظفين بتوع المرور و لا إيه النظام؟

أصل أنا بصراحة لما عملت رخصة السواقة جبت واحد واسطة و خلص هو القصة كلها لأن بتوع المرور "بدون ذكر اسم الإدارة منعا للإحراج" معقدين نفسيا و قالولى لازم تجيب عربية و صاحب العربية و صك ملكية العربية عشان تختبر
عشان كده جبت واحد واسطة و زهقونى برضوا حتى شهادة التخرج خلونى أمضى إقرار إن أنا حاصل على شهادة التخرج و طلبو منى إن مهندس الفحص يمضى على ورق الرخصة بتاعة السواقة قام المهندس باصصلى و قال لى "هات عربية واقعد جواها و أنا أمضى"
و الراجل دخل لرئيس المرور بس الحمد لله ربنا عداها , دانا حتى رحت أصلى الظهر على ما الرخصة تطلع يعنى عشر دقائق كده فلما رجعت الراجل نده على اسمى فا و أنا بستلمها لقيت الراجل الموظف بيزعقلى بجد و لا لما يكون مأمور القسم و مسك حرامى و بيقولى "هوا إنت كنت فين لما ندهت عليك أول مرة" قلت له "أصلى كنت بصلى فراح مدينى الرخصة من كسوفه!!!"
بس على فكرة انا والله رحت مدرسة سواقة و سقت فيها و مشيت على الدائرى و ركنت و جبت أخويا و اختبرنى و كان كله تمام الحمد لله.
بس بأمانة مشوار المرور ده عامل زى ما يكون واحد واقف فوق موتور أتوبيس العتبة و هو فى نص الطريق عطلان فوق كبرى 6 أكتوبر و هو زحمة الساعة واحدة الظهر و مفيش منزل قبل 2 كيلو.
الغريبة إن و أنا واقف فى كل الموضوع ده ما لقيتش واحد من الناس اللى استلمت رخص معايا اختبر بعربية أو أى حاجة من الحاجات اللى الواحد بيسمع عنها فى الافلام!!! طيب اشمعنى أنا بهدلونى انا و الراجل الواسطة اللى كان معايا مع العلم إنه كان من طرف واحد ""مرعب""

بس مش عارف لما أشترى عربية إنشاء الله , أروح اجيب الراجل الواسطة ده تانى و اللا ترخيص العربية أسهل من رخصة السواقة بصراحة أنا أبيض يا ورد؟!
الحقيقة إن استخراج الباسبورت و البطاقة و شهادة الميلاد يعتبر نزهة فى جزيرة هونولولو بالنسبة لاستخراج رخص القيادة و السيارات من إدارة مرور "تل أبيب"

رخصة السيارة أسهل بكتير من رخصة القيادة ، وخصوصا لما تكون العربية جديدة

بس حلوة نزهة فى جزيرة هونولولو ومرور تل ابيب دى

اللى انا متأكد منه ، ان المرور اللى هنا يعنبر هو الجحيم بعينه بالنسبة لمرور تل أبيب

[jisso82]

الف مبروك.......ومعلش كل تأخيرة وفيها خيرة
الحمد لله انها خلصت.....
دلوقتى انت تعتبر بروتونى رسمى وقانونى

1000 مبروك الترخيص يا معلم و معلش أنا بختلف مع أستاذ مصطفى صديق إن إسلام بقى بروتونى رسمى من أول ما كانت عنده النية يجيب العربية

[مصطفى_صديق]

1000 مبروك الترخيص يا معلم و معلش أنا بختلف مع أستاذ مصطفى صديق إن إسلام بقى بروتونى رسمى من أول ما كانت عنده النية يجيب العربية

طبعا ياباشا

أنا بس قصدى انه بقى مسجل رسميا وفى اوراق حكومية كمان

[m.3abdel3al]

الف مبروك يا اسلام على الرخصة

[mark_milad_95]

الف الف الف مبروك يا اسلام .

[Osama.shihata]

1000
مبروك
يا اسلام
وعقبال باقى الزملاء الى حجزين

[A. Ibrahim]

نزلت النهردا الصبح عشان ارخص ولما وصلت اكتشفت انى نسيت البطاقة راجعت تانى العبور

و يا تري روحت بالعربيه ولا مع واحد صحبك

1000 مبروك يا باشا و المقبله الجيه لازم تكون موجود بالاموره (و متنساش البطاقه)

[Abo.Mayyam]

ألف مبروك يا إسلام باشا

وإدعيانا بقى نستلم ونرخص على خير

[eslam_wega]

الله يبراك فيكم وان شاء الله الى لسة مرخصش يرخص على خير
ان شاء الله بكرة هروح التوكيل عشان اغير الجلدة بتاعت زجاج الابواب الخلفية تابع الضمان

[Ayman_52]

مبــــــــــــــــــــروووووووووووووك مبـــــــــــــــــــروووووووووووووك الف الف مبـــــــــروووك


وربنا يباركلك فيهــا يارب ويحفظهالك ويكفيك شر الطريــق

الف مبروك يا باشــا

تحيـــــــــــــــــاتـــى