تجربتى الاولة والاخيرة مع التوكيل

[eslam_wega]

الحمدلله العربية تمام بس ظهرت عندى مشكلة من مشاكل التقفيل
وهى ان الباب الى وراء السائق الكوتشة بتاعت الازاز بتاعة بايظة وبتدخل هواء وبتعمل صفارة بعد 100 كم
المهم نزلت النهردا الصبح بدرى عشان اروح اغيرها تابع الضمان وكلى تفائل فى الحياة دة انا حتى لسة مكملتش اسبوع
وبعد ما وصلت فضلت بتاع ساعة اعقبال ما عرفت اكلم حد لان المهندسين بتوع الاستقبال تايهين وعاملين يلفوا حولين نفسهم
وناس واقفة بارة وعاملة تشتكى وعايشة اخر حلوة
واخيرا بعد اللف لقيت المهندس احمد وخليته يشوف العربية
وكان الرد لا دى مش تابع الضمان وطبعا كانت صدمة ليا
قولتة حضرتك انا لسة مكملتش اسبوع بالعربية
قالى طيب انت ممكن تستنا لاخر النهار على الساعة 5 كدة
وهما هيشوفها وممكن تتصلح وممكن مينفعش تتصلح
( يعنى بعد الانتظار دة كله 6 ساعات احتمال كبير متتصلحش لانها كوتشة هيصلحوا فيها اية دى )
بصراحة الى حصل دة مش فارق معيا خالص لانى عارف
ومتوقع معملة التوكيل من الى كل هدفة الربح باعلى درجة ممكنة
و مش زعلان والله لانى اساسا ناويها انى اعمل صيانتى بارة
بس الى خلينى اروح انى لقيت حاجة بايظة وقولت هتبقا اكيد تابع الضمان دة انت حتى مكملتش اسبوع بس اى حاجة طبيعى مع الناس دى
عموما العربية جديدة ما شاء الله مش هتحاج منك غير زيت وفلتر ومعملة طيبة
لكان شغل توكيلات والكلام دة دحك على الدقون
لانى ليا خالى معه النترا كان جايبها زيرو عامل بيها ما شاء الله 110 الف كليو
ومش بيعمل فيها حاجة غير تغير زيت وفلتر وفلتر البزين بس على فترات
وما شاء الله العربية لغايت دلوقتى كانه لسة مستملها وتركبها تشم رايحة الزيرو
فعشان كدا يا جماعة خلوا بلكم من التوكيل لانى الى بيروح هناك بيتنصب عليه اللهم بلغت اللهم فاشهد

[ahmed_h_g]

كلام جميل وربنا يستر بعد التقفيل المصرى
متزعلش وقول الحمد لله انها فى كاوتشه ...

[A. Ibrahim]

welcome into EZZ world " the dark side"

معلش انا عارف انت حاسس بايه لان كلنا حسينه نفس الاحساس ولكن دخلت لامر لان الكلام ده 10000000في ال100 كلام فاضي العربيه كلاها في الضمان و اكيد امر هيحلها و اذا لاقدر الله محصلش حماية المستهلك ناس محترمه و هيخلصوها بس لازم تحاول مع التوكيل و تخد منهم ورق بكده زي اللي معاك من الزياره ده

و خد بالك ان عربيات كتير الكاوتش و البلاستك بتاخد وقت علي متطبع زي الدسك و الفرامل

[momopersona]

روح قابل حد من المسئولين الكبار هناك وزعقله كل حاجة هاتتحل اسنع كلامى مش هاتندم وانا صوتى اتنبح كل صيانة لازم ازعق شوية واذا طبعا ما جابش نتيجة يبئا على حماية المستهلك وعلى فكرة مش هاتبئا اول واحد يعمل شكوة فى حماية المستهلك وماتسيبئ الضمان عشان فى حاجات هاتعوزها منه زى المالتى فانكشن مثلا مايروحش عليك اعمل الصيانة بره عادى بس برده روحلهم زيى كده
انا بغير الزيوت والفلاتر بره واروحلهم يربطو على العفشة وخلاص عشان ماخروجش من الضمان ولما بتبئى فى مشكلة مابمشيش الا وهى محلولة بالزوق او بالعافية

[ESLAM WEGA]

والله يا جماعة مش مستهلة حماية مستهلك وزعايق وكل دة لانى اصل مش بتاع مشاكل ومليش فى السكة دى
انا هروح اصلحه وان شاء الله هتبقا تمام
واصلا مش هتاخد فلوس كلام فاضى 20 او 30 جنية بالكتير
ولو منفعش اصلحها هحولة ابدلها من الضمان او اشتريها
والحمدلله على كل شيى

[eslam_wega]

سورى يا جماعة دخلت بعضويتى القديمة عشان كنت داخل من سيبر

[batoot556]

واللة انت راجل محترم بس معلش لو سمحتم يا جماعة حد يحط رقم مهندس\أمر وبس حضرتك كلمة وقولة على الموضوع وهو يساعدك وانا برضة بطالب بتدخل ايمن باشا معلش غلشان بجد موضوع بسيط بس يحرق الدم

[ramyar]

ربنا يستر علينا من عمو عز

[mimo3000]

انا رايي ياباشا روحابو رواش واتكلم هناك مع المهندسين ناس محترميين وكويسيين ولو ماتحلش الموضوع روح على بشمهندس أمر هو فابو رواش برضو كلمه وشوف وهتتحل انشاء الله بس انتا متسيبش حقك
وعلى فرض انها ماتحلتش ابقى تعالى فالمنتدى هنا قولنا انها ماتحلتش وربنا هيسهلها وكل اللى هيقدر يساعدك هيساعدك
بس متسيبش حقك

[أبومعاذ]

المشكلة يا اخوانا ان اسلام شاب محترم مش بتاع مشاكل وعشان كدا سكت ومشي لكن هو لو كان قال للمهندس: نعم ....يعني ايه مش في الضمان انت اكيد بتهرج كان ساعتها كل حاجة هتتحل وهو واقف

[khpopo]

فى الضمان طبعا ...ومتسيبش حقك والموضوع كتير احجز بالتليفون وروح بميعاد وكله هايبقى تمام انشاالله
ربنا يوفق

[m.3abdel3al]

الحمدلله العربية تمام بس ظهرت عندى مشكلة من مشاكل التقفيل
وهى ان الباب الى وراء السائق الكوتشة بتاعت الازاز بتاعة بايظة وبتدخل هواء وبتعمل صفارة بعد 100 كم
المهم نزلت النهردا الصبح بدرى عشان اروح اغيرها تابع الضمان وكلى تفائل فى الحياة دة انا حتى لسة مكملتش اسبوع
وبعد ما وصلت فضلت بتاع ساعة اعقبال ما عرفت اكلم حد لان المهندسين بتوع الاستقبال تايهين وعاملين يلفوا حولين نفسهم
وناس واقفة بارة وعاملة تشتكى وعايشة اخر حلوة
واخيرا بعد اللف لقيت المهندس احمد وخليته يشوف العربية
وكان الرد لا دى مش تابع الضمان وطبعا كانت صدمة ليا
قولتة حضرتك انا لسة مكملتش اسبوع بالعربية
قالى طيب انت ممكن تستنا لاخر النهار على الساعة 5 كدة
وهما هيشوفها وممكن تتصلح وممكن مينفعش تتصلح
( يعنى بعد الانتظار دة كله 6 ساعات احتمال كبير متتصلحش لانها كوتشة هيصلحوا فيها اية دى )
بصراحة الى حصل دة مش فارق معيا خالص لانى عارف
ومتوقع معملة التوكيل من الى كل هدفة الربح باعلى درجة ممكنة
و مش زعلان والله لانى اساسا ناويها انى اعمل صيانتى بارة
بس الى خلينى اروح انى لقيت حاجة بايظة وقولت هتبقا اكيد تابع الضمان دة انت حتى مكملتش اسبوع بس اى حاجة طبيعى مع الناس دى
عموما العربية جديدة ما شاء الله مش هتحاج منك غير زيت وفلتر ومعملة طيبة
لكان شغل توكيلات والكلام دة دحك على الدقون
لانى ليا خالى معه النترا كان جايبها زيرو عامل بيها ما شاء الله 110 الف كليو
ومش بيعمل فيها حاجة غير تغير زيت وفلتر وفلتر البزين بس على فترات
وما شاء الله العربية لغايت دلوقتى كانه لسة مستملها وتركبها تشم رايحة الزيرو
فعشان كدا يا جماعة خلوا بلكم من التوكيل لانى الى بيروح هناك بيتنصب عليه اللهم بلغت اللهم فاشهد

على فكرة المشكلة دي سهلة جدا تنزل عند اي بتاع بيبان و معاك علبة كوله و هيفك الجلد كله و يحط الكوله و يلزقه تاني بسسسسسسسسسسسس

[rony]

المشكلة يا اخوانا ان اسلام شاب محترم مش بتاع مشاكل وعشان كدا سكت ومشي لكن هو لو كان قال للمهندس: نعم ....يعني ايه مش في الضمان انت اكيد بتهرج كان ساعتها كل حاجة هتتحل وهو واقف

للأسف محدش بيعرف ياخد حقه غير كده لازم خناق وصوت عالي

[m.3abdel3al]

:s_thum1[1]:

للأسف محدش بيعرف ياخد حقه غير كده لازم خناق وصوت عالي

ليه ممكن تاخد حقك بالاحترام بس بشده مش معنى انك تطالب بحق بصوت عالي يبقى انت مش محترم بالعكس الي قدامك هو الي مش محترم لانه اجبرك انك متحترموش

----------------------------------------

و بعدين بالنسبة لرد الاستاذ ابو مريم مش معنى ان الانسان يكون محترم انه يسيب حقه دي حاجة ودي حاجة تانية

[eslam_wega]

ربنا يكرمك يا جماعة اقسم بالله انا مش عايز اى حاجة كفاية بس وقفتكم جانبى