new member

[yassor]

Hi every body

Could you please accept me in this forum, I will receive my new gen2 inshallah on next Saturday 11/11 and what encourage me to buy this car is your comments and participates in this forum so everyone fell free to advise what I should do to get good car ,my reserved car is gen2 2007 1600cc AT sport package your views and advices will be highly appreciated

Regards,


Yasser Abdel Tawab ;)

[fahd_628]

اهلا بيك معانا يا باشا فى المنتدى و اختيار موفق :lol: و الف الف مبروووووووووووووووك و ان شاء الله تستلم على خير

و متنساش التليين مهم جدا

و عاوزين بقى رأيك و انطباعك عنها لما تستلمها ان شاء الله

و الف مبروووووووووووووووووووك كمان مرة :D

[Heshaam]

مرحبا بيك يا أ. ياسر

وألف مبروك... إختيار موفق ما شاء الله

نصيحتي الأساسية هي حاول ما تأساش على العربية أوي لحد ما تأخد عليها وتفهمها وتفهمك - سحب الموتور ومسافات الفرملة وأبعاد العربية وكده يعني.

البنزين 92 على الأقل، واظب على الصيانة الدورية - وطبعا اتأكد إن كتيب الضمان مختوم من الوكيل.

أأمن على العربية عشان تريح بالك.

وأكيد طبعا تطلع حاجة لله إعترافا بفضله ونعمته.

واستمتع بقى وربنا يباركلك فيها :lol:

[fahd_628]

البنزين 92 على الأقل،

اة صحيح نسيت اقولك علشان لو حطيت 90 لمبة ال CHECK ENGINE حتنور ( انا سمعت كدة )

[mohamed el hussien]

الف مبروك يا باشا
وتعيش وتجيب

هيا نصيحتي الوحيدة وانت بتستلم
انك تشيك بس علي التكييف والسنتر والزجاج

وحتي لو معملتش تشيك عليهم مش مشكلة
لان 99 % مش بيكون فيها حاجة
بس انا بقولك امان اكتر يعني

فاهم
وربنا يباركلك فيها
ومفيش موضوع الختم بتاع الضمان مفيش
الكلام دة
انت اصلا مش حتستخدم كتيب الضمان والصيانة خالص

[Heshaam]

ومفيش موضوع الختم بتاع الضمان مفيش
الكلام دة
انت اصلا مش حتستخدم كتيب الضمان والصيانة خالص Surprised

يختمه أفضل ويخلي مهندس الصيانة كمان يمضي في جدول الصيانات الدورية تحسبا لأي ظرف

الخدمة في التوكيل محترمة؛ بس أنا بقول لضمان حقه مش أكتر

[yassor]

Oh it is really great advices and I’ll follow them and I hope to be always helpful for each other and question plz if I will go to Alex and come back again to Haram st. if this enough for talieen

Sorry if I write in English but my PC doesn’t support the Arabic language

[fahd_628]

التليين يا باشا 1000 كم و بعدين اعمل الصيانة

و بعد الصيانة استمتع بالعربية :D شد و احرق و اعمل الى انت عاوزة

[aboalm]

مجموع الملاحظات :-
1- عند الاستلام راجع الاشياء الصغيره بالسياره مثل طفاية السجائر الخلفيه الولاعه الاشياء الصغيره التى من السهل نسيانها
2- زى ما الاخوه قالو الضمان مش محتاج ختم و لا حاجه انت فى اول صيانة المهندس بيمضى فى خانة الجدول به مش اكتر
3- اثناء التليين اول 500 كم لاتزيد عن 60 كيلو/الساعه ثانى 500 ممكن لحد 80 كم ده فى حالة رغبتك فى التمتع بموتور بصحه جيده اطول وقت ممكن ان شاء الله
4- الحمد لله الجو دلوقتى بقى حلو جدا فلن تحتاج للتكييف فلاداعى لشغيله اثناء التليين
5-ياريت تخرج اى نقود على سبيل شكر النعمه لله فلها فوائد عظيمه
6- ربنا يبارك لك فيها و يعطيك خيرها و يكفيك شرها و لا تنسى دعاء الركوب

[abo3bdolrahman]

تقدر تحط بنزين 90 عادى مفيش مشكلة و راجع كل حاجة أثناء التليين علسان تقولهم يعملوها فى صيانة الألف و إن شاء الله مش هاتلاقى أى مشكاكل و إن شاء الله تحط تقييمك للعربية بعد ما توصل للخمس آلاف إن شاء الله.
و مبروك مقدما. :D

[Heshaam]

تقدر تحط بنزين 90 عادى مفيش مشكلة

بس ده ميأثرش على أداء العربية على المدى البعيد على أداء السيارة يا أبو عبد الرحمن.

أنا كنت سألتهم في التوكيل فنصحوني بأن يتم إستخدام بنزين 92 على الأقل عشن مش عارف هيسد حاجات وهيرسب على حاجات.

أنا مبفهمش في الميكانيكا أوي فيهمني أسمع وجهة نظرحضرتك للإستفادة

[وائل السويفي]

مرحبا بيك يا أ. ياسر

وألف مبروك... إختيار موفق ما شاء الله

نصيحتي الأساسية هي حاول ما تأساش على العربية أوي لحد ما تأخد عليها وتفهمها وتفهمك - سحب الموتور ومسافات الفرملة وأبعاد العربية وكده يعني.

البنزين 92 على الأقل، واظب على الصيانة الدورية - وطبعا اتأكد إن كتيب الضمان مختوم من الوكيل.

أأمن على العربية عشان تريح بالك.

وأكيد طبعا تطلع حاجة لله إعترافا بفضله ونعمته.

واستمتع بقى وربنا يباركلك فيها :lol:

+100000000
نورت منتدانا يا أ/ ياسر وفي انتظار تقييمك

[abo3bdolrahman]

العربية مع أخويا موديل 2007 أتوماتيك و من ساعة ما أشتراها من شهر 2 اللى فات بيحط بنزين 90 و مافيش أى مشكلة و سحب العربية ممتاز و فى بعض الأحيان لما باخدها منه بحط فيها 92 و ما بحسش بأى فرق فى الأداء . :-)
نسيت أقولك على حاجة تانية:
خد بالك كويس من مشوار الفرامل ال ABS لأنها مختلفة عن الفرامل العادية.
و ربنا يباركلك فى العربية. :D

[Heshaam]

شكرا على التوضيح يا أبو عبد الرحمن

ربنا يبارك فيك

بس هأخليني في الأضمن برضه - وربنا يسلم