اصحاب الجين 2

[monooo]

عايزة اطلب من كل المستلمين للسيارة جين 2 2010 سواء اتوماتيك او مانيوال يعطونا ارائهم فى العربية من حيث:-


1- الاداء
2- الامكانيات
3- التقفيل
4- معاملة التوكيل
5- هل تستحق ما دفع فيها
6- اجمل الوانها وعرضهم جميعا





---------------

ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

مشرف القسم

[eslam_wega]

1- الاداء
ممتاز
2- الامكانيات
كتير واغلبها مش موجودة فى نفس الفئة السعرية
3- التقفيل
حظوظ و ياخد 6.5 من 10
4- معاملة التوكيل
معملة وحشة اخر حاجة
5- هل تستحق ما دفع فيها
وتستحق اكتر من سعرها
6- اجمل الوانها وعرضهم جميعا
كل الونها جميلة بس ابعد عن الاسود عشان محتاج اهتمام جامد وبالتوفيق ان شاء الله

[Ayman_52]

طب ينفـع -2009-

.
.

نوع السياره : جين2 -2009- اوتو :

.
.

1- الاداء >>> ممتــــازه

2- الامكانيات >>> كتير جدا ومافيش عربيه فى نفس الفئه بنفس امكانياتهــا (غير الصينى)

3- التقفيل >>> جيد جدا

4- معاملة التوكيل >>> جيده

5- هل تستحق ما دفع فيها >>> تستحق اكـتــر

6- اجمل الوانها وعرضهم جميعا >>> كل الالوان حلوه عليها (وفى الاخر دى اذواق)

-----

الوان الجين (2009-2010)


















تحيــــــــــــــــــاتــــى

[mimo3000]

انا رايي انها من حيث ادائها فهى موتورها كويس بسم الله ماشاء الله وسحبه حلو ومش بتحرق بنزين جامد فالمعقول يعنى
الامكانيات زى استاذ اسلام مقال فيها اوبشنز جمده جدااااا مش موجود فالعربيات اللى ففئتها السعريه
التقفيل فالعادى بالنسبه لتمنها يعنى مش تقفيل مرسيدس ولا تقفيل 127 اناشايفها معقوله وكويسه
معامله التوكيل دى بقى هى المشكله ناس كتيره بتشتكى من التوكيلوناس بتقول انهم كويسيين بس انا ماتعاملتش معاهم فحاجه الا فصيانه الالف وكانوا الناس كويسيين وقلتلهم دراع النور بيعلق فحصوه وقالوا مفيهوش حاجه فانا شخصيا محصلش منهم حاجه وحشه معايا فالله اعلم بقى
اجمل الوان الجين انا من وجهه نظرى اللون الازرق اللى فتوقيع استاذ اسلام ده احلى لون فالجين وطبعا ازواق
وربنا يوفقك بالعربيه اللى فيها خير ليكى

[mark_milad_95]

1- الاداء : اكتر من ممتاز .

2- الامكانيات : كتيرة اوى برده اكتر من ممتازة

3- التقفيل : لغاية دلوقت اكتر من ممتاز و ربنا يستر و تكمل كدة

4- معاملة التوكيل : اكتر من سيئة

5- هل تستحق ما دفع فيها : تستحق اكتر بكتير

6- اجمل الوانها وعرضهم جميعا : انا رأى الرمادى و دى اراء

[monooo]

بالنسبة لك يا ايمن مفيش مشكلة يتفع 2009

ده بس علشان خاطر المجهود اللى بتبذله هنا لكل اللى بيمتلك بروتون وخصوصا جين 2

[monooo]

اية يا جماعة محدش استلم جين 2 2010 غير 4 بس ؟ ارجو الرد الى كل من استلم العربية ويكون الموضوع ده مفيد لكل واحد بيفكر يشترى العربية من خلال كتابة التقييم

وشكرا لكل من قام بالرد

[mboma]

- الاداء : ممتاز .

2- الامكانيات : كتيرة اوى( ممتازة )

3- التقفيل : متوسط إن لم يكن سيئ

4- معاملة التوكيل : لغاية دلوقتي أنا شايفهم متوسطين (لسة حتى معملتش صيانة الألف :d

5- هل تستحق ما دفع فيها : تستحق اكتر

6- اجمل الوانها : الاسود
عربيتي جن ٢ اسود :d