مشكلة مش فاهمها في جين 2010

[kareem_aljamal]

1-انا استلمت العربية من اسبوعين بس رخصت السبت اللي فات بس
و خلال اليومين دول ظهرلي صوت صفارة بسيطة كده بتظهر لمدة ثانية او اقل و بعدين تختفي لمدة دقائق و تظهر كل شوية

و متزامن معاها ان الكاسيت صوته بيروح الثانية اللي بيظهر فيها الصوت
الصوت مش اكتر من تكة صغيرة
و مع العلم مفيش اي لمبة منورة في التابلوه و الحزام مربوط و كله تمام تبقى ايه ؟؟؟

2-في حاجه تانية كمان لما بجيب الجير على ال r و احرك الدريكسيون بسمع صوت زي ما يكون حديد بيخبط في بعضه ؟؟؟؟

[amir_ezzat]

ريح دماغك وروح التوكيل

[NaGaTy_1]

عندك زرار في الكاسيت اسمة ta اضغط علية بحيث كلمة ta متكونش ظاهره في شاشة الكاسيت و الصفارة هتروح .. الموضوع دة جنني اول ما جبت العربية برضة .. ولحد دلوقتي مش عارف الزرار بتاع اية ..

الدركسيون مش فاهم و انت ماشي يعني ولا بتكون دايس فرامل ؟

[kareem_aljamal]

عندك زرار في الكاسيت اسمة ta اضغط علية بحيث كلمة ta متكونش ظاهره في شاشة الكاسيت و الصفارة هتروح .. الموضوع دة جنني اول ما جبت العربية برضة .. ولحد دلوقتي مش عارف الزرار بتاع اية ..

الدركسيون مش فاهم و انت ماشي يعني ولا بتكون دايس فرامل ؟

لا و انا دايس فرامل

[NaGaTy_1]

هو لو صوت تزييق فده طبيعي لأن العربية بتبقي عايزة تتحرك كمان انت بتحرك العجل و التيل مثبتعها فبتعمل صوت و دة لما يكون التيل جديد بعد كدة هتروح ..
لكن لو صوت تاني مش عارف بصراحة ممكن يكون اية !

[gagareen]

الصوت ده طبيعى وده اختبار عمل منظومه الــ abs ومكتوب فى الكاتالوج

تحياتى

[khaledmontero]

و النبي يا جدعان طمنونا علي موديل 2010 عشان أنا حاجز و هستلم قريب ان شاء الله

[ahmad alshaaer]

صوت الصفاره دي عادي وانا ماعرفش ده بتاع ايه ولكن
دوس على زرار mode في الدريكسيون دوسه طويله وهتلاقي العلامه في الكاسيت اختفت او زي ماقال الاستاذ نجاتي من الكاسيت

اما صوت الحديد اللي بتقول عليه ده صوت من التيل وده طبيعي ماتقلقش لان العربيه بتبقى عاوزه تتحرك وانت ماسكها بالفرامل وبتلف الدريكسيون
ولسه تيل التوكيل وحش
التيل الكويس اسمه fbk من بره التوكيل 125 جنيه وريح بالك

تحياتي

[batoot556]

تمااااااااااااام يا جماعة اللة يطمنكم

[rony]

صوت الصفاره دي عادي وانا ماعرفش ده بتاع ايه ولكن
دوس على زرار mode في الدريكسيون دوسه طويله وهتلاقي العلامه في الكاسيت اختفت او زي ماقال الاستاذ نجاتي من الكاسيت

اما صوت الحديد اللي بتقول عليه ده صوت من التيل وده طبيعي ماتقلقش لان العربيه بتبقى عاوزه تتحرك وانت ماسكها بالفرامل وبتلف الدريكسيون
ولسه تيل التوكيل وحش
التيل الكويس اسمه fbk من بره التوكيل 125 جنيه وريح بالك

تحياتي

هو مفروض نغير التيل ده امتى ؟ في صيانة معينة ولا أول ما نستلم العربية ؟

[eslam_wega]

هو مفروض نغير التيل ده امتى ؟ في صيانة معينة ولا أول ما نستلم العربية ؟

التيل الالمانى الى جاى مع العربية هو انضف واحسن تيل ومش هنغيرة قبل اول 30 الف على الاقل وويزيد عن كدا او ينقص حسب الاستخدام
او لما نسمع صوت تكحيت عند الضغظ على الفرامل معنا كدا ان التيل بيقول الوداع ساعتها نغيره فورا

[Abo.Mayyam]

التيل الالمانى الى جاى مع العربية هو انضف واحسن تيل ومش هنغيرة قبل اول 30 الف على الاقل وويزيد عن كدا او ينقص حسب الاستخدام
او لما نسمع صوت تكحيت عند الضغظ على الفرامل معنا كدا ان التيل بيقول الوداع ساعتها نغيره فورا

هو يا لإسلام مافيش سينسور للتيل ؟

اللى هو بينور أما التيل يكون قرب يخلص؟

[eslam_wega]

لا مفيش بس سهل عن طريق الصوت وللتاكيد ان التيل الخلفى مش عايز يتغير هو كمان
شد فرامل اليد جامد وانت ماشى فى حدود سرعة 40 -50 لو مسمعتش صوت ودة غالبا
يبقا التيل الامامى فقط الى عايز يتغير
وانت رايح تغير التيل استخدم فرامل اليد عشان متبوظش الطنابير وتدخل فى حوار خراطة وكدة

[XXXMEMOXXX]

وانت رايح تغير التيل استخدم فرامل اليد عشان متبوظش الطنابير وتدخل فى حوار خراطة وكدة

معلش يا اسلام ممكن توضح النقطه دي

[eslam_wega]

معلش يا اسلام ممكن توضح النقطه دي

لما يكون التيل الامامى خلص وسمعت صوت التكحيت الى قولنا علية
صوت التكحيت دة بيكون الحديد بتاع التيل مع الحديد بتاع الطنابير
عشان الكوتش او البلاستك المقوى الى فى التيل بيكون انتهاء
ومش بيتفضل غير الحديد الى فى التيل وبالتالى الحديد بتاع التيل دة اكيد هيجرح فى الطنابير جامد
وتحتاج تغير الطنابير او تعملهم خراطة على الاقل
وعشام متدخلش فى القصة دى اول لما تعرف ان التيل خلص غيرة فورا
وانت فى طريقك لتغير التيل امشى بسرعة هادية واستخدم فرامل اليد عشان فرامل اليد بتفرمل العجلى الخلفى فقط
وبكدا يبقا انت بعيد عن التيل الامامى الى هو انتهاء عمرة