إعـــــــلان

Collapse

.

,
See more
See less

تقرير صيانة الالف وانطباعي عن السياره

Collapse
X
 
  • Filter
  • الوقت
  • Show
Clear All
new posts

  • تقرير صيانة الالف وانطباعي عن السياره

    السلام عليكم ورحمة الله وبركاته
    بفضل من الله
    عملت صيانة اول ألف كيلو لل جين2
    رغم اني روحت بدري شويه 888 كيلو
    لكن وانا راجع من التوكيل عملت حوالي 100 كيلو
    باقيلي حوالي 10 كيلو مثلا واخلص اول الف

    امبارح اتصلت برقم الحجز رد عليا الاستاذ: محمود
    قلتلو عاوز احجز صيانة الالف
    قالي تحب في يوم ايه
    قلتلو ياريت في اقرب فرصه لان العربيه بتنقط زيت
    قالي تعالى بكره الساعه 11

    طبعا نقطة ان العربيه بتنقط زيت السبب اني اخدت مطب جامد على سرعه عاليه
    وفلتر الزيت تقريبا زي ما قالت المهندسه انو مكانش مربوط كويس
    يعني اتفك مثلا من المطب ولا ايه مش قادر افهم

    المهم تاني يوم اللي هو النهارده
    وصلت التوكيل على الساعه 1.30 تقريبا
    ووقفت تحت التنده وسلمت العربيه
    المشاكل اللي كنت ملاحظها :-
    1- طبعا الزيت اللي بينزل من العربيه
    2- الفرامل بقت خفيفه ومداها بعيد
    3- لمبة الشنطه مش بتنور مع فتح الشنطه

    وكفايه كدا

    المهم قلت للمهندسه على المشاكل دي
    وجه واحد حط كيس على كرسي السائق وعلى الدركسيون
    وعلى مقبض الفتيس واخيرا حط دواسه ورق

    ودخلت الاستراحه اللي بقالي كتير بشوفها في الصور بس
    وكنت متخيل انها في دور تاني مثلا وحجمها أكبر من كدا
    لكن طبعا الواقع غير كدا تماما
    لكن في نفس الوقت مناسب لعدد الافراد اللي كانو موجودين
    من 5 الى 7 أفراد تقريبا وبيزيدو وبيقلوا
    وطبعا في تلفزيون ووايرلس وانا عارف الكلام ده
    لكن قمت اخد جوله كدا واشوف مكان صيانة العربيات
    والعربيات الكتير اوي اللي موجوده بره مكان الصيانه
    اخدت جولتي الصغيره أوي دي
    وأنا في طريقي قابلتني عربيه مش غربيه عليا
    شفتها قبل كدا وكانت بروتون (savvy )
    وكان لونها أسود ومترخصه زي اي عربيه
    صورتها (وانا بصور واحد جه وقالي ممنوع التصوير )
    قلتلو طيب وانا كنت خلصت تصوير اصلا
    وطلعت بره المركز وشفت تاني واحده بس المره دي لونها اخصر فاتح
    وبردو صورتها
    وبعد كدا اخدت لفه في داندي مول (كيلو الا شويه تقريبا من التوكيل )
    ورجعت وكانت العربيه خلصت بس محدش قالي انها خلصت
    رحت للمهندسه وقلتلها العربيه خلصت ؟!!
    قالتلي هي دي عربيتك !!!!!!!
    قلتلها اه
    قالتلي مش عارفه (هههههههههههه) ومش فاهم بتضحك ليه
    رحت عملت بارد اوي وقلت بهزار (مش تاخدي بالك من شغلك )
    قالتلي بهزار بردو (معلش اصل انا مهمله في شغلي ههههههههههههههه)
    (هههههههه دي ضحكه بجد )
    المهم قالتلي استريح وهشوف ولو خلصت هقولك
    دخلت الاستراحه ولسا بقول يا هادي لقيتها جت بتقول العربيه خلصت
    ورحت دفعت الفلوس 171 بندق و 60 قرش
    مع انها كانت قيلالي ساعة الاستقبال ان الصيانه بتتكلف 180 وانا عارف انها المفروض تكون 177 بس قلت اوكي
    طبعا العربيه للاسف متغسلتش برغم اني شفت عربيه اتغسلت قبل كدا
    الراجل اللي سلمني العربيه وشال الاكياس قلتلو انتو مبتغسلوش العربيه
    قالي هو ممكن نغسلها بس دي حاجه مش مفروضه علينا
    لو تحب اغسلهالك اوكي وكدا قلتلو لا شكرا
    واخدت العربيه وهربت من التوكيل عشان كنت زهقت جدا

    تقريبا أيمن كان موجود في التوكيل النهارده بس مش متأكد بصراحه
    شفت واحد كان بيتكلم مع مهندس وكان نفس أسلوب أيمن في الكلام
    (يامعلم) هو انا سمعتو اتكلم كام كلمه كدا وعرفت انو هو
    لكن مكنتش متأكد بصراحه
    وطبعا الشغل في التوكيل كان على قدم وساق وكراتين قطع الغيار بتتنقل لمكان الصيانه

    الشغل اللي اتعمل في العربيه اتعمل بضمير تقريبا ( انا مقدرش اقيم علشان اول مره )
    لكن لمبة الشنطه اتصلحت
    والفرامل بقت حساسه على السرعات الصغيره فقط ومداها بقى اقصر
    لكن على السرعات الكبيره لفرامل مداها كبيره شويه ( هل دا طبيعي ؟؟)
    والحمد لله مفيش زيت نزل من العربيه
    كان ناقص بس غسيل السياره عشان اتبهدلت جدا

    وبكدا اكون انتهيت من اللي حصل
    في الصيانه النهارده
    وشكرا

    (الجزء القادم تقرير عن اداء السياره )

    [CENTER]إلى القمه
    :vctry:
    [/CENTER]
    musiccairo سابقا

  • #2
    الجزء الخاص بتقرير عن اداء السياره (باختصار)

    بعد ما عملت الصيانه قلت اجري شويه بالعربيه
    واشوف اخبارها ايه على الطريق
    وبالذات اني ماشي على طريق سريع لحد البيت
    (محور ,دائري , مصر اسماعيليه )
    فضلت ماشي على 80 طول الطريق
    ومن مصر اسماعيليه زودت لحد من 80 ل 100
    وقبل مدينة العاشر جبت 140
    انا محاولتش احرق على الموتور جامد
    لكن مشيت طبيعي وجبت سرعتي بطريقه عاديه جدا
    من غير حرق خالص

    العفشه طبعا ناشفه ودا مدي ثبات حلو اوي للعربيه
    حتى في أسوء الاحوال العربيه ثابته

    الفتيس زي ماهو مفيش تغير (تقيل شويه ) مش سلس في النقل (مش هيحتاج قوه جباره يعني ) لكن أكيد تقدر تتحكم فيه لكن مش زي أي عربيه تانيه

    تجميع الموتور للسرعات كويس جداا برغم اني محرقتش لكن ممتاز في التجميع بتاعو على السرعات الصغيره لحد 100 وبعد كدا مقدرش احكم لاني مجربتش احرق على سرعات كبيره
    لكن بالهدوء في السرعات ما بعد 100 كويس جداا بل ممتاز

    الدركسيون مرن جدااا برغم انو تقيل شويه على السرعات الصغيره
    لكن على السرعات الكبيره ماسك نفسو جدااااااااا

    الفرامل استجابتها سريعه زي ما انت عاوزها هتكون

    التكيف مجربتوش على الطريق مستني شويه لحد ما اخلص الالف بالظبط او اكثر شويه عشان اكون مطمن وانا مشغلو

    استهلاك البنزين زي ما العداد بيقول 6.4 لتر لكل 100 كيلو
    لكن لسا مجربتش مخصوص معدل استهلاك البنزين

    أي استفسار انا في الخدمه

    اعذروني لان التقرير مش قد كدا ومش احترافي (خبره قليله)
    اتمنى تكونوا استفدتوا ولو 1% من الموضوع
    شكرا جزيلا
    السلام عليكم ورحمة الله وبركاته
    [CENTER]إلى القمه
    :vctry:
    [/CENTER]
    musiccairo سابقا

    Comment


    • #3
      عربيتى التوائم
      مبروك على الصيانة واعقبال 100 الف ان شاء الله ربنا يباركلك فيها ويحفظهلك
      [CENTER]http://img844.imageshack.us/i/dscf0140c.jpg/[/CENTER]

      Comment


      • #4
        حبيبي مبروك عليك الصيانه وهي دي توكيلات مصر عموما من كبيره لاصغرها ويمكن عز العرب من افضلهم شويه

        تحياتي ومبروك عليك عربيتك وماتحاولش تجري عمال على بطال
        والتقرير جامد وواضح وصريح

        تحياتي
        tweety26980 سابقاً

        Comment


        • #5
          على فكره هي فرامل الجن 2 كده ولكنها كويسه والعربيه ناشفه شويتين ولكن ثبات عالي حتى ال 170 حقيقي
          ولكن طبعا استهلاك البنزين هيزيد معاك مع القرص والسرعات العاليه بشكل ملحوظ خصوصا بعد سرعة 90 كم
          tweety26980 سابقاً

          Comment


          • #6
            ألف مبروك العربية وخلي بالك منها ...
            وأنا في طريقي قابلتني عربيه مش غربيه عليا
            شفتها قبل كدا وكانت بروتون (savvy )
            وكان لونها أسود ومترخصه زي اي عربيه
            صورتها (وانا بصور واحد جه وقالي ممنوع التصوير )
            قلتلو طيب وانا كنت خلصت تصوير اصلا
            وطلعت بره المركز وشفت تاني واحده بس المره دي لونها اخصر فاتح
            وبردو صورتها
            السافي السوداء دي بتاعت المهندس آمر الكوافي مدير مركز الصيانة
            السافي الخضراء بتاعت المهندس هاني الغندور.. مهندس الورشة
            [aldl]http://a7.sphotos.ak.fbcdn.net/hphotos-ak-snc6/168147_1550165198896_1378080268_31320378_1917853_n.jpg[/aldl]

            Comment


            • #7
              الف مبروووك صيانه الـ 1000 وعقبال 100 الف ان شاء الله على خير

              بس ليا كام استفسار كده :

              -لما جرييت بالعربيه على ال 140 يعني بعد 120 التسارع كان كويس (( مش عارف اذا حضرتك سوقت الالنترا ولا لا )) المؤشر بيرفع بسرعه ولا ببطئ ؟؟

              - كان في تسريب هواء من الابواب زي المشكله اللي عند اسلام ؟؟

              -موضوع الفرامل ده, تقيمك الشخصي ليه بالظبط ,لو قدر الله في حاجه تمسك كويس ولا بطيئه ؟؟


              شكرا لحضرتك على التقرير ونقل خبرتك
              وربنا يباركلك فيها



              [CENTER][shfaf2]http://www14.0zz0.com/2010/04/27/11/979408859.jpg[/shfaf2][/CENTER]

              Comment


              • #8
                المشاركة الأصلية كتبت بواسطة eslam_wega مشاهدة المشاركة
                عربيتى التوائم
                مبروك على الصيانة واعقبال 100 الف ان شاء الله ربنا يباركلك فيها ويحفظهلك
                اسلام (مع حفظ الالقاب) ربنا يبارك فيك ويباركلك في عربيتك

                المشاركة الأصلية كتبت بواسطة tweety26980 مشاهدة المشاركة
                حبيبي مبروك عليك الصيانه وهي دي توكيلات مصر عموما من كبيره لاصغرها ويمكن عز العرب من افضلهم شويه

                تحياتي ومبروك عليك عربيتك وماتحاولش تجري عمال على بطال
                والتقرير جامد وواضح وصريح

                تحياتي
                ربنا يبارك فيك يا فندم
                انا شايف ان مستوى الصيانه الاولى كويس
                ربنا يستر في اللي جاي
                وبخصوص السرعه
                دا كان على سبيل التجربه
                شكرا ليك

                المشاركة الأصلية كتبت بواسطة tweety26980 مشاهدة المشاركة
                على فكره هي فرامل الجن 2 كده ولكنها كويسه والعربيه ناشفه شويتين ولكن ثبات عالي حتى ال 170 حقيقي
                ولكن طبعا استهلاك البنزين هيزيد معاك مع القرص والسرعات العاليه بشكل ملحوظ خصوصا بعد سرعة 90 كم
                شكرا للافاده ومسيري اجرب على الاقل مره واحده سرعه كبيره
                للتأكد من السياره بس بعد شوية وقت اكون قدرت اثق في نفسي اكتر من كدا

                المشاركة الأصلية كتبت بواسطة boodyfone مشاهدة المشاركة
                ألف مبروك العربية وخلي بالك منها ...


                السافي السوداء دي بتاعت المهندس آمر الكوافي مدير مركز الصيانة
                السافي الخضراء بتاعت المهندس هاني الغندور.. مهندس الورشة
                الله يبارك فيك يافندم
                والعربيه في عنيا
                شكرا على المعلومتين الجداد عليا
                انا معرفش الا منك دلوقتي
                شكرا ليك

                المشاركة الأصلية كتبت بواسطة XXXMEMOXXX مشاهدة المشاركة
                الف مبروووك صيانه الـ 1000 وعقبال 100 الف ان شاء الله على خير

                بس ليا كام استفسار كده :

                -لما جرييت بالعربيه على ال 140 يعني بعد 120 التسارع كان كويس (( مش عارف اذا حضرتك سوقت الالنترا ولا لا )) المؤشر بيرفع بسرعه ولا ببطئ ؟؟

                - كان في تسريب هواء من الابواب زي المشكله اللي عند اسلام ؟؟

                -موضوع الفرامل ده, تقيمك الشخصي ليه بالظبط ,لو قدر الله في حاجه تمسك كويس ولا بطيئه ؟؟


                شكرا لحضرتك على التقرير ونقل خبرتك
                وربنا يباركلك فيها



                الله يبارك فيك
                عقبالك ان شاء الله
                بخصوص السرعه 140 انا مأخدتش بالي من موضوع المؤشر لاني اول مره اجيب السرعه دي وكنت مركز جدا في الطريق بس اللي اقدر اقولو ليك ان العربيه جابت الرقم دا بسرعه جدا
                وانت ودوستك للبنزين بردو يعني لو كبست اكيد الموتور هيشد معاك ولو مكبستش اكيد هتجيبها بطريقه عاديه

                اما موضوع تسريب الهواء مكانش في عندي تسريب هواء الحمد لله خالص حتى الان
                ولا قدر الله ان لاحظت الموضوع ده أكيد هقولو

                الفرامل قويه جدا ما شاء الله وزي ما قلت زي ما انت عاوزها هتكون زي تسارع العربيه بالزبط يعني لو دوست فرامل جامد هتكلبش في الارض وهتلاقي ان استجابة الفرامل سريعه وقويه واذا دوست فرامل عشان تهدي هتلاقي انك بتهدي بالعربيه
                يعني حسب دوستك للفرامل
                اتمنى تكون اجاباتي واضحه لحضرتك
                وأي استفسار تاني انا مستعد ان شاء الله
                شكرا
                [CENTER]إلى القمه
                :vctry:
                [/CENTER]
                musiccairo سابقا

                Comment


                • #9
                  مبروك يا باشا صيانة ال 1000 و عقبال صيانة ال 1000000000 . التقرير بتاعك ممتاز و يطمن (أصل أنا حاجز) و عاوزك تطمني كل شوية أنت و إسلام و باقي ملاك جينا 2010
                  [SIGPIC][/SIGPIC]

                  Comment


                  • #10
                    ألف مبروك يا باشا على صيانة الألف الأولى و عقبال كل صيانة و إن شاء الله دائما مبسوط و مرتاح و ميظهرش مشاكل أبدا أبدا .... و ربنا يباركلك في الجين 2 الجميلة ......... و يحفظك من الطريق و يحفظها لك .

                    و بعد أذنك ..... هارد على الأسئلة دي ......



                    المشاركة الأصلية كتبت بواسطة xxxmemoxxx مشاهدة المشاركة
                    الف مبروووك صيانه الـ 1000 وعقبال 100 الف ان شاء الله على خير

                    بس ليا كام استفسار كده :

                    -لما جرييت بالعربيه على ال 140 يعني بعد 120 التسارع كان كويس (( مش عارف اذا حضرتك سوقت الالنترا ولا لا )) المؤشر بيرفع بسرعه ولا ببطئ ؟؟

                    تسارع العربية دي من 80 لغاية 170 من أحسن ما يكون ...... بس الإلنترا بعد 150 بتفرق شوية عن الجين 2 و ده طبيعي الموتور بتاعها أقوى شوية
                    إنما تسارع الجين 2 ممتاز لغاية 170 كدا أو 175 ..... بتجمع سرعات حلو قوي .
                    و برضه أنا عربيتي بالموتور القديم ........ مش الجديد ..... و بالتالي ممكن يكون الجديد مختلف أختلاف بسيط لأن الجديد تسارعه أحسن من القديم من 0 لغاية 80 لأنه تفادى موضوع العزم القليل على عدد لفات أر بي أم صغير .


                    - كان في تسريب هواء من الابواب زي المشكله اللي عند اسلام ؟؟

                    -موضوع الفرامل ده, تقيمك الشخصي ليه بالظبط ,لو قدر الله في حاجه تمسك كويس ولا بطيئه ؟؟

                    بالنسبة للفرامل ..... مدى الدواسة أطول شوية من عربيات تانية
                    بس ساعة ما تكبس عليها ......
                    العربية بتقف محلك سر .......................


                    شكرا لحضرتك على التقرير ونقل خبرتك
                    وربنا يباركلك فيها




                    أنا جاوبت و أتمنى أنا أن الأجابة تكون وضحت أي ألتباس في الرأي و شكرا
                    [img2]http://i59.tinypic.com/2vxpukz.jpg[/img2]

                    Comment


                    • #11
                      الف مبروك على الصيانة...وعقبال صيانة 1000000 كم
                      [CENTER][CENTER][COLOR=Blue][B][FONT=&quot]لكى يا مصر السلامة :: وسلاما يا بلادى :: إن رمى الدهر سهامه :: أتقيها بفؤادى :: واسلمى في كل حين[/FONT][/B][/COLOR][/CENTER]
                      [/CENTER]

                      Comment


                      • #12
                        مبروك و زي الفل و كل حاجة ....




                        صور الsavvy فين ؟

                        :)

                        Comment


                        • #13
                          ألف مبروك يا باشا وربنا يحفظهالك من أى سوء
                          [url=http://www.islamstory.com][img]http://www.islamstory.com/Banners/Propagation/IslamStory_468X60_1.gif[/img][/url]

                          Comment


                          • #14
                            المشاركة الأصلية كتبت بواسطة musiccairo مشاهدة المشاركة

                            الله يبارك فيك
                            عقبالك ان شاء الله
                            بخصوص السرعه 140 انا مأخدتش بالي من موضوع المؤشر لاني اول مره اجيب السرعه دي وكنت مركز جدا في الطريق بس اللي اقدر اقولو ليك ان العربيه جابت الرقم دا بسرعه جدا
                            وانت ودوستك للبنزين بردو يعني لو كبست اكيد الموتور هيشد معاك ولو مكبستش اكيد هتجيبها بطريقه عاديه

                            اما موضوع تسريب الهواء مكانش في عندي تسريب هواء الحمد لله خالص حتى الان
                            ولا قدر الله ان لاحظت الموضوع ده أكيد هقولو

                            الفرامل قويه جدا ما شاء الله وزي ما قلت زي ما انت عاوزها هتكون زي تسارع العربيه بالزبط يعني لو دوست فرامل جامد هتكلبش في الارض وهتلاقي ان استجابة الفرامل سريعه وقويه واذا دوست فرامل عشان تهدي هتلاقي انك بتهدي بالعربيه
                            يعني حسب دوستك للفرامل
                            اتمنى تكون اجاباتي واضحه لحضرتك
                            وأي استفسار تاني انا مستعد ان شاء الله
                            شكرا

                            الف شكر على رد حضرتك وتوضيحك لـ استفساراتي
                            والحمد لله ان مافيش تسريب هواء وان شاء الله مايطلعش اي مشكله في التقفيل
                            والمهم انك راضي عنها ودي مطمنه الواحد عشان اشتريها ان شاء الله

                            تحياتي



                            المشاركة الأصلية كتبت بواسطة tutankhamoun مشاهدة المشاركة


                            و بعد أذنك ..... هارد على الأسئلة دي ......





                            أنا جاوبت و أتمنى أنا أن الأجابة تكون وضحت أي ألتباس في الرأي و شكرا

                            اكييييد كل الالتباسات هتوضح لما استاذ توت يرد
                            بالنسبه للتسارع لو اقل حاجه بسيطه من الالنترا يبقى ممتاز فعلا ,يمكن عشان انا شايف دي احسن ميزه فيها.

                            والفكره وصلت بالنسبه للفرامل

                            شكرا استاذ توت لردك بموضوعيه
                            تحياتي
                            [CENTER][shfaf2]http://www14.0zz0.com/2010/04/27/11/979408859.jpg[/shfaf2][/CENTER]

                            Comment


                            • #15
                              الف مبروك عقبال صيانة ال100000
                              [INDENT][B][SIZE=6][COLOR=black][I]لا تقل من أين أبدأ ..طاعة الله البداية[/I][/COLOR][/SIZE][/B]
                              [/INDENT]

                              Comment

                              Working...
                              X