صوت تزييق في الدركسيون

[weeja]

ياجماعة انا معايا جين 2 2007 اوتوماتيك
في صوت تزييق في الدركسيون بصورة مستمرة بس هو صوت زي احتكاك فيبر او بلاستيك في بعضه وقلتلهم عليه في التوكيل قالولي عادي كل الجين 2 كده ومعاملوش فيه حاجة
كان في واحد عفشجي قاللي ده حاجة كده بلاستيك تحت الركسيون مش مربوطة والصوت راح فعلا كام يوم و رجع تاني
ياريت لو حد عنده تجربة مع الموضوع ده يفيدني

وبعد اذنكم في سؤال تاني
انا كان عندي صوت احتكاك جامد في الفرامل رحت لعفشجي قاللي في بستم قافش تقريبا او حاجة زي كده المهم فك التيل ونضف البستم والطنابير اتظبطت في المخرطة وكان في شفة معدن كده اتشالت و ركبت تيل جايبه من بره التوكيل ب 125 جنيه بس المسافة اللي بدوس عليه فيها بقت اطول من قبل كده مش عارف ده عيب من التيل بس ولا في حاجة تانية

[eslam_wega]

مشكلة الدركسيون معنديش خبرة فيها بصراحة
بس بالنسبة للتيل اصبر شوية يكون التيل اطبع وبعدين احكم على الفرامل ومشوراها

[ahmad alshaaer]

حبيبي الصوت ده عندي من سنه ونصف ماتشغلش بالك
وخشونة الطنابير دي من خبرتي بتيجي لما التيل يبدأ يخلص عن تجربه
وماكانش فيه داعي ولاتخرط طنابير ولاتعمل اي حاجه

تحياتي

[mark_milad_95]

انا عندى برده صوت التزييق دا فى 2010 بس اعتقد انه عادى .

ولا ايه ؟

[rony]

انا كمان عندى صوت التزييق دا فى 2010 بس بصراحة مزعج جدأ ومضايقني أوي

[M.Abdelshafi]

الصوت دا كان عندى فى 2009 و عملتو فى التوكيل و مبقاش فى اى صوت خالص

[weeja]

الصوت دا كان عندى فى 2009 و عملتو فى التوكيل و مبقاش فى اى صوت خالص

ماتعرفش ياباشا عملوا ايه يالظبط ؟؟؟؟؟؟؟؟؟

[M.Abdelshafi]

فكو الدركسيون و الايرباج و رشو ماده لونها ابيض شحم تقريبا و رجعو كل حاجه زى ما كانت و الصوت راح

[M.almaghraby]

لا حول ولا قوة الا بالله

الصوت عندي مكانش موجود خالص بس ظهر بعد الحادثة!!!

[khaledmontero]

ايه ياجدعان موضوع الدريكسيون اللي بيزيق في 2010 ... أنا كده هاقلق ..

[M.almaghraby]

انا الي متاكد منه انه صوت هايف جدا و حله سهل يعني...

وانا مظهرش معايا غير بعد الحادثة

[mahmoud_magdy]

طيب هو صوت الدركسيون ده بيظهر في كل الاوقات وانت بتحرك الطاره ؟؟
انا عندي مفيش صوت من الدركسيون
لكن في صوت من التابلوه وانا ماشي في اماكن متعرجه على سرعه هاديه
وكل يوم الصبح ادايق بسبب الموضوع ده
في حل يا جماعه ولا ايه
العربيه 2010 :((((((((

[weeja]

شكرا يا جماعة لكل اللي ردوا

طيب هو صوت الدركسيون ده بيظهر في كل الاوقات وانت بتحرك الطاره ؟؟
انا عندي مفيش صوت من الدركسيون
لكن في صوت من التابلوه وانا ماشي في اماكن متعرجه على سرعه هاديه
وكل يوم الصبح ادايق بسبب الموضوع ده
في حل يا جماعه ولا ايه
العربيه 2010 :((((((((

تقريبا هو ده الصوت اللي بنتكلم عنه هو حاجة هايفة اوي وبسيطة ان شاء الله بس كنت بسأل عشان اعرف لو حد له تجربة مع الموضوع ده وايه الحل ويمكن لو اكدنا عليهم في التوكيل يهتموا بالموضوع ده والصوت يروح ان شاء الله

[XXXMEMOXXX]

فكو الدركسيون و الايرباج و رشو ماده لونها ابيض شحم تقريبا و رجعو كل حاجه زى ما كانت و الصوت راح

بس الحل ده مؤقت وشويه ويرجع تاني ولا خلاص كده ؟؟
حاسس ان مش ده الحل النهائي

[M.Abdelshafi]

الكلام دا كان من 4 شهور و الصوت مرجعش تانى لغاية دلوقتى