Tweet
بسم الله الرحمن الرحيم
الحمد لله امبارح عملت صيانة أول الف كيلو لعربيتي برتون واجا موديل 2009 .
انا من المنصوره فكان الطبيعي بدام عندنا مركز صيانة لبروتون تبع الوكيل في المنصوره والدلتا كلها الي هوا توكيل الغد والله المعامله فيه محترمه وناس مؤدبه ..كنت مجربهم قبل كدا مراية اكسرت ورحت عندهم وجبت وحده جديده
وانا رايح بقي كنت عامل كمية ملاحظات شيفها في العربيه وكانت عوزه تتظبط
1-في تزيق كدا في العفشه تحت كرسي السواق بالظبط لما اخد مطب وبيتسمع اكتر مع قفل الزجاج .
2-الباور تقيل فعلا وبيدايق جدا وخصوصا لو غاوي تسوق بأيد وحده .
3-الابواب الخلفيه لازم تشد جامد عشان تتقفل غير كدا بتجي من المره التانيه ولا التالته .
4-الانوار بتاعة الصالون بتعلق ومش ديما بشتغل .
5-كلاكس العربيه لازم تحارب عشان يطلع صوت .
6-صوت السمعات بعد 25 ميسمعش تحس ان انتا قاعد في حظ بلدي .
7-النور العالي الشمال تحس ان فيه كسره ومش واضح اوي .
8-العربيه سعات تحدف يمين .
9-طبعا العيب الي مش ممكن وبيطلع روحي زراير الملتي فنكشن بتعلق وحاجه تجيب شلل الصراحه .
10-الفرامل لازم تدوس حولي 4سنتي ولا حاجه عشان تقف تمام .
دخلت عندهم حوالي الساعه وحده الضهر بدأو شغل فيها الساعه 2كدا وخلصت بالظبط الساعه 5ونص 
والله ناس قمة في الزوق والاحترام العربيه قعدو يشتغلو فيها بضمير ومفيش ملاحظه قولت عليها الا واشتغلو عليها
في الصيانة اتغير فلتر الزيت ب60جنيه
والزيت نفسه توتال 5000ب110
الحساب كان 170وظبط الناس الي اشتغلت ب20جنيه يعني الليلة كلها 190جنيه
الناس ظبطو كل حاجه في العربيه معدا حكاية زراير الملتي فنكشن والراجل المسؤل هناك قالي انا خلاص كتبت اسم حضرتك وهنجيب لك جهاز جديد في خلال اسبوع بالظبط واسف يا فندم لو عندي كنت غيرته المهم شكرت الناس كلها وخدت العربيه وطلعت اجرب
العربيه مشاء الله اتغيرت 180درجة بجد فرق جامد ولاول مره اعدي ال80لقيت العربيه فايقه اوي وبتجري وبتجمع بسرعه وكل العيوب الي فيها اختفت والعفشه حستها انعم وصوت التزيق دا اختفي خالص وكمان الباور بقي تحفه والله يا جماعه وتتحكم فيه بأيد وحده بسهوله وخدت كام غرزه كدا اجرب ايه النظام في نعومه في الباور وبردو ثبات عالي جدا
الفرامل بصراحه بقت اسطوريه يعني تقدر تفتري وتجري وبردو هتقدر تقف في الوقت الي انتا عوزه .
بصراحه يا جماعه من خلال تجربتي للوجا حسيت انها عربيه محترمه جدا
انا شايف ان الواجا ومن خلال تجربتي احسن من عربيات كتير في نفس الفئه السعريه يعني مثلا اليارس وكمان ألنترا والله كمان الكيا سيراتو كل دول عربيات اصحابي وركبتهم والله حسيت ان الوجا كعبها عالي عليهم اوي
بصراحه اكتر النيسان صني مع واحد صحبي للاسف المقارنه في صالح الصني طبعا عربيه ناعمه وثابته وكمان التسارع بتعها ممتاز والباور طبعا ممتع جدا دي العربيه الوحيده الي حسيت انها احلا من الواجا .
الميزه الي عجباني وبتحسسني بالتميز والله يا جماعه كل مروح في مكان بالعربيه الناس تسألني هوا نوع العربيه دي ايه لانها مش منتشره في المنصوره وناس تبصلها بصات اعجاب كدا سعتها بجد بحس بفخر اني بروتناوي .
خلاصة الموضوع الواجا عربيه محترمة وشكلها متميز وتحس انك راكب عربيه ممتازه جدا بسعر معقول وفيها كل الكمليات الي بتحلم بيها صدقني والله مع واجا هتحس انك كسبان مش خسران ابدا
والله ناس قمة في الزوق والاحترام العربيه قعدو يشتغلو فيها بضمير ومفيش ملاحظه قولت عليها الا واشتغلو عليها
في الصيانة اتغير فلتر الزيت ب60جنيه
والزيت نفسه توتال 5000ب110
الحساب كان 170وظبط الناس الي اشتغلت ب20جنيه يعني الليلة كلها 190جنيه
الناس ظبطو كل حاجه في العربيه معدا حكاية زراير الملتي فنكشن والراجل المسؤل هناك قالي انا خلاص كتبت اسم حضرتك وهنجيب لك جهاز جديد في خلال اسبوع بالظبط واسف يا فندم لو عندي كنت غيرته المهم شكرت الناس كلها وخدت العربيه وطلعت اجرب
العربيه مشاء الله اتغيرت 180درجة بجد فرق جامد ولاول مره اعدي ال80لقيت العربيه فايقه اوي وبتجري وبتجمع بسرعه وكل العيوب الي فيها اختفت والعفشه حستها انعم وصوت التزيق دا اختفي خالص وكمان الباور بقي تحفه والله يا جماعه وتتحكم فيه بأيد وحده بسهوله وخدت كام غرزه كدا اجرب ايه النظام في نعومه في الباور وبردو ثبات عالي جدا
الفرامل بصراحه بقت اسطوريه يعني تقدر تفتري وتجري وبردو هتقدر تقف في الوقت الي انتا عوزه .
بصراحه يا جماعه من خلال تجربتي للوجا حسيت انها عربيه محترمه جدا
انا شايف ان الواجا ومن خلال تجربتي احسن من عربيات كتير في نفس الفئه السعريه يعني مثلا اليارس وكمان ألنترا والله كمان الكيا سيراتو كل دول عربيات اصحابي وركبتهم والله حسيت ان الوجا كعبها عالي عليهم اوي
بصراحه اكتر النيسان صني مع واحد صحبي للاسف المقارنه في صالح الصني طبعا عربيه ناعمه وثابته وكمان التسارع بتعها ممتاز والباور طبعا ممتع جدا دي العربيه الوحيده الي حسيت انها احلا من الواجا .
الميزه الي عجباني وبتحسسني بالتميز والله يا جماعه كل مروح في مكان بالعربيه الناس تسألني هوا نوع العربيه دي ايه لانها مش منتشره في المنصوره وناس تبصلها بصات اعجاب كدا سعتها بجد بحس بفخر اني بروتناوي .
خلاصة الموضوع الواجا عربيه محترمة وشكلها متميز وتحس انك راكب عربيه ممتازه جدا بسعر معقول وفيها كل الكمليات الي بتحلم بيها صدقني والله مع واجا هتحس انك كسبان مش خسران ابدا
صور للعربية بتاعتي :
Comment