جين 2 الجديده ولا المستعمله

[ayman_83]

انا عايز اجيب جين 2 بس بصراحه مش عارف اجيبها زيرو ولا مستعمله
انا معايا 56 الف وممكن اتصرف في 15 تاني سلف بس خايف اجيبها زيرو واخسر جامد لما اجي ابيعها وده العيب الوحيد وميزيتها اني هكون اول شخص ياخد خيرها
تاني حاجه مقلق اني اجيبها مستعمله الا يكون الشخص اللي قبلي بهدلها او هانها وخد خيرها كله وده عيبها وميزيتها اني لو فكرت ابيعها خسارتها مش هتبقئ كبيره
ولو جيبتها علي التمن اللي معايا ممكن يجبلي موديل كام وتكون حالتها حلوه ولا لا
ولا اجيبها تقسيط ياريت تفيدوني عشان العربيه دي داخله دماغي جدا ولا اكنها بنت وبحبها والله

[M.almaghraby]

لو مستعملة اوك تمام بس حالة نضيفة و ماتستعجلش

[mark_milad_95]

باشا العربية اصلا لو جديدة من المحتمل حتى لو الاحتمال ضعيف ان يظهر فيها عيوب تقفيل حتى و لو عيوب بسيطة اوى .

فلو مستعملة ...... ؟؟؟

انا رأيى اضغط على نفسك و استنى شوية و خليك فى الزيرو . و الزيرو زيرو برده .

[mahmoud_magdy]

طبعا استعمال يكون حااله نضيفه
بس في المقوله المعروفه اللي تقول
الجديد جديد لا تعب ولا حاجه تدايقك ولاهتبقى في حاجه مستخبيه
كدا يعني

[memoo305]

بص ياباشا
القاعدة أن الجين تو عربية شبابي زيها زي الجولف. فممكن يكون صعب أنك تلاقيها حاجة مستعملة منها مالكها مش قاسي عليها جري وفحت وخلافه.
ولكن ده مايمنعشي طبعاً أن لكل قاعدة شواذ....

[m.3abdel3al]

مستعملة ودا رايييييييييييييييييييييييييييييي

[khaledmontero]

انا كنت عامل زيك كده بالظبط .. بس استقريت ع الزيرو

[ayman_83]

انا عارف يامحمد ان المستعمل احسن بس الخوف الا يطلع واحد فاحت وناحت ومبهدلها ونفسي الاقي عربيه مستعمله يكون ماتورها حلو ومش متهانه واللي قدامه اي حاجه كده يقولي واكون شاكر وشكرا لكل الاعضاء اللي ردوا

[ahmed_h_g]

لو باصص لموضوع سعر اعادة البيع
هتشترى مستعمل وهتقول يا ريتنى ...
الجديد جديد .. متع نفسك وعيش بفولسك .

[MuhammedSoliman]

بص يا أيمن باشا لو أنت بتحب تغير عربيات كتير اشترى المستعمله عشان ما تخسرش وتكون حالتها تنظيفه ديه حاجه

لو انت ناوي تجبها وتخليها 5 أو 6 سنين أو أكتر للركوبه يبقا الزيرو أحسن

وتحياتى

[rony]

مستعملة لو بتشتريها من واحد انت عارفه كويس وعارف استعماله وحالة ممتازة

غير كدة 56 ألف + 15 أكيد تحويشة العمر يبقا زيرو واستمتع بيهم من غير تفكير

[jisso82]

الزيرو أضمن و بلاش تفكير هخسر فيها لما أبيع
كفاية بقى تفكير فى البيع قبل ما نشترى
طيب إيه رأيك تختصر و تجيب العربية اللى كنت هتجيبها بعديها أحسن أهو توفر وقت و فلوس
أنا آسف إذا كان كلامى فى نوع من التهكم بس أنا ما أقصدش أضايق حضرتك أنا بس بنتقد نوعية تفكير معينة فرضت نفسها علينا فى سوق العربيات و هى العربية هتخسر أد إيه لما تتباع و أنا أصلا لسه ما اشترتهاش

[rony]

الزيرو أضمن و بلاش تفكير هخسر فيها لما أبيع
كفاية بقى تفكير فى البيع قبل ما نشترى
طيب إيه رأيك تختصر و تجيب العربية اللى كنت هتجيبها بعديها أحسن أهو توفر وقت و فلوس
أنا آسف إذا كان كلامى فى نوع من التهكم بس أنا ما أقصدش أضايق حضرتك أنا بس بنتقد نوعية تفكير معينة فرضت نفسها علينا فى سوق العربيات و هى العربية هتخسر أد إيه لما تتباع و أنا أصلا لسه ما اشترتهاش

[ayman_83]

الزيرو أضمن و بلاش تفكير هخسر فيها لما أبيع
كفاية بقى تفكير فى البيع قبل ما نشترى
طيب إيه رأيك تختصر و تجيب العربية اللى كنت هتجيبها بعديها أحسن أهو توفر وقت و فلوس
أنا آسف إذا كان كلامى فى نوع من التهكم بس أنا ما أقصدش أضايق حضرتك أنا بس بنتقد نوعية تفكير معينة فرضت نفسها علينا فى سوق العربيات و هى العربية هتخسر أد إيه لما تتباع و أنا أصلا لسه ما اشترتهاش

علي فكره حلوه اوي موضوع اني اشتري العربيه اللي بعدها والله فكره لذيذه بس مين يعلم الغيب ياباشا وفي نفس الوقت نفسي اتمتع بعربيه اول واحد يكون انا ومش عارف اجيبها كاش ولا تقسيط ولو تقسيط انا هدفع كل اللي معايا عشان مش عايز فوايد كتير ومش عارف اجيبها اوتو ولا منوال ناس كتير بتقولي الاوتو مش اي حد يصلحها وكده يعني عشان كده الواحد متلغبط ياجماعه دي تحويشه العمر فعلا والف شكر لردكم جميعا

[M.almaghraby]

طيب ما تجيب برسونا هاف اوبشن ؟