حسيت بصوتين غراب

[ahmedalihomos]

كل سنة وكل الشعب العربي بخير اما بخصوص الصوتين الصوت الاول حسيت بية جاي من التابلوة بس مش محدد مكانة بالضبط وخصوصا لما بقفل الزجاج والصوت الثاني لما بدوس علي الفرامل في اخرها بحس بصوت تزييق ارجو الافادة وهل دي مشاكل جامدة وسببها ؟؟؟ معايا جين2 عاملة 9350 كيلو

[eslam_wega]

المشكلة الاولة الصوت الى جاى من التبلوة تقريبا موجودة فى اغلب الجين 2
الصوت التانى لو بيظهر معك لما بتدوس جامد على الفرامل يبقا طبيعى دة صوت ال abs وهتحس كمان بية اكتر فى دوسة الفرامل نفسها
لكن لو بيظهر معك فى اى دوسة متوسطة على الفرامل يبقا التيل محتاج يتغير (طبعا دة صوت وصت ال abs صوت تانى خالص بس عشان انا مش فاهم الشرح بتاع حضرتك كويس قولتك الاحتمالين ) المهم عشان تعرف التيل الامامى او الخلفى الى محتاج يتغير
وانت ماشى فى سرعة 40 كليو شد الهاند
لو لقيت مفيش صوت يبقا التيل الامامى فقط الى محتاج يتغير
وبالتوفيق ان شاء الله .

[eslam_wega]

بالمناسبة امبارح عرفت مكانيكى فى الحرفين مش بيشتغل غير فى البروتون وسالتة لية الفرامل بتاعت الجين 2 مشوراها طويل ولازم تدوس جامد عشان تمسك كويس قالى ان دة عيب تيل وانه عندة تيل اسبانى بى 250 ج بيظبط الموضوع دة وبيخلى الفرامل من اول لمسة الصارحة انا لسة مجربتش التيل دة بس هستنا شوية على التيل الى عندى وبعدين هجربة وان شاء الله خير
بس هو عموما مكانيكى ممتاز والله لانى كنت قرفت من لبمة اتشيك انجينك كانت منورة عندى بستمرار روحتلة غيارلى حساس الشكمان والحمدلله اللمبة اتطفت وكله تمام
على فكرة هو من طرف استاذ مصطفى صاحب محل المدنية واسمة محمد

[ahmad alshaaer]

ماتسيبلنا رقم الميكانيكي ده ياأستاذ اسلام
بعد اذنك

تحياتي ليك وكل عام واتم بخير

[ahmad alshaaer]

بالمناسبه ارد على الاستاذ احمد حمص

صوت التزييقه مع الفرامل دي وانت واقف بيكون عادي جدا بيبقى التيل عليه ميه او تراب وكمان خصوصا لو العربيه اوتوماتيك بتبقى العربيه عاوزه تمشي وانت مديها الغيار ودايس فرامل

اما صوت التزييق اللي تحت التابلوه ده عادي جدا وانا معايا من وقت شراء اليسياره ومش بيتسمع كتير
ماتشغلش بالك

تحياتي ليك وكل عام وانت وجينا بخير

[eslam_wega]

ماتسيبلنا رقم الميكانيكي ده ياأستاذ اسلام
بعد اذنك

تحياتي ليك وكل عام واتم بخير

اتفضل يا مستر احمد
0104139703
لو هتكلمة قولة انا من طرف اسلام الى غير عندك حساس الشكمان
وان شاء الله هيعمل معك الواجب
كل سنة وحضرتك طيب وبجد بتمنى اقبل حضرتك وزعلت جدا لما عرفت انك مش جى المقابلة

[ahmad alshaaer]

تحياتي وشكرا ليك يااستاذ اسلام وياسيدي انا اقابلك مخصوص كمان من غير مقابله انت تأمر انت والاخوه الاعضاء

تحياتي ليك اخي الكريم

[M.almaghraby]

يا جماعة دا اصدع علي صوت تزييق مش تصفير

يا باشا دي حاجة هايفة جدا من الدواسة نفسها اعتقد

اسلام

هوا التيل دا الريمسا ولا واحد تاني؟

[eslam_wega]

مش عارف بصراحة اسمة بس انا كدا كدا رايح عنده بعد العيد ان شاء الله
هبقا اسالة على اسم التيل بالظبط