معلومات عن صيانة ال20 الف كيلو

[M.almaghraby]

السلام عليكم

كل سنة وانتوا جميعا طيبين يا جماعة

لو سمحت كنت عايز اعرف معلومات عن صيانة ال 20 الف لاني اعرف ان بيتغير حاجات فيها غير الزيت والفلتر...فا كنت عايز اعرف...

ايه الي بيتغير؟؟

و التكلفة قد ايه؟

[tutankhamoun]

أعتقد بيتم تغيير الآتي :
بوجيهات .
فلتر البنزين .
الزيت .
الفلتر .

و دي التفاصيل :


و تعمل الصيانة على خير إن شاء الله .

[M.almaghraby]

الف شكر يا توت باشا

بس ماذا عن فلتر الهواء

انا سمعت انه لازم كل 20 الف...وبصراحة بصيت عليه لاقيته لونه اسود!!

انا بسال عشان بفكر اجيب فلتر سيموتا و بوجيهات اريديوم

[tutankhamoun]

الف شكر يا توت باشا

العفو يا باشا .......... و صيانة تعدي على خير بإذن الله تعالى .

بس ماذا عن فلتر الهواء

فلتر الهواء ........ بيتم تغييره تقريبا كل 30 ألف أو حسب الحالة .

انا سمعت انه لازم كل 20 الف...وبصراحة بصيت عليه لاقيته لونه اسود!!

لو لونه أسود ....... إذن وجب التغيير

انا بسال عشان بفكر اجيب فلتر سيموتا و بوجيهات اريديوم

و الله واحد صاحبي مركب فلتر سبورت بس مش عارف نوعه أيه
و مركب بوجيهات برضه و تقريبا اريديوم ....... بس جايب معاهم سلوك بوجيهات تناسب البوجيهات الجديدة .

و العربية ما شاء الله عليها ............. طلقة و أستجابتها حلوة قوي ( الموتور القديم ..... موديل 2006 ...... معدية 120 ألف كم ....... و ممكن يكون أكتر ........ مش عارف كام بالظبط علشان بقالي فترة كبيرة مش بقابله )
و أعتقد أن عربيتك 2009 ...... صح ؟

يعني نظام iafm ..... يعني العزم العالي ...... يعني أوعى وشك .
أصلي لسة شايف لقطة من فيلم و كان فيه معازيم و فرح و نقوط .....

ربنا يباركلك إن شاء الله .

[A. Ibrahim]

و الله واحد صاحبي مركب فلتر سبورت بس مش عارف نوعه أيه
و مركب بوجيهات برضه و تقريبا اريديوم ....... بس جايب معاهم سلوك بوجيهات تناسب البوجيهات الجديدة .

و العربية ما شاء الله عليها ............. طلقة و أستجابتها حلوة قوي ( الموتور القديم ..... موديل 2006 ...... معدية 120 ألف كم ....... و ممكن يكون أكتر ........ مش عارف كام بالظبط علشان بقالي فترة كبيرة مش بقابله )
و أعتقد أن عربيتك 2009 ...... صح ؟

يعني نظام iafm ..... يعني العزم العالي ...... يعني أوعى وشك .
أصلي لسة شايف لقطة من فيلم و كان فيه معازيم و فرح و نقوط .....

ربنا يباركلك إن شاء الله .

الله ينور عليك يا توت (الكبير كبير) "نفس اللقطه"

ولكن ليه نقطه في موضوع الفلتر الجديد التعديل مش بس في الفلتر و لكن التعديل في الموتور و السوفت ويير . اما عن تعديل الموتور هو تعديل صغير في توقيتات الكامات و ده عشان يحسن الاداء وفي نفس الوقت يحسن استخدام الوقود. انا فعلا جربة اشد مع جين2 عامل نفس الكلام هو طلع مني حاجه بسيطه الاول و بعدين انا علمت عليه

[Reventon]

يتم تغيير البوجيهات , فلتر البنزين,الزيت وفلتر الزيت
كمان بيكشفوا علي مياه الردياتير و كهرباء العربية بالكامل
و التكلفه الاجماليه كانت 640 جنيه
96 جنيه.... زيت 5 الالاف
45 جنيه ....فلتر الزيت
130 جنيه....فلتر بنزين
120 جنيه....بوجيهات
و الباقي مصنعيات و ضريبه
عايزك تجرب بعد تغيير البوجيهات و فلتر البنزين تحط بنزين 95
و شوف ايه اللي هايحصل

[Ayman_52]

وماتنساش تخفيض 10% (غير شامل الزيت والفلتر) ... باستيكــر المنتدى

وكل صيانه وانت و بيرسونتــا بخيـــر

تحيــــــــــــاتـــى

[M.almaghraby]

شكرا ليكوا جميعا يا رجالة.......

ان شاء الله انا ناوي اعمل الصيانة بس حعمل شوية تغييرات

1. حجيب زيت تخليقي شيل او فيسكو

2. بوجيهات ngk اريدوم مبدايا ولو نفع السلوك

3. ححاول اجيب cold air intake كويس سواء سيموتا او k&N


ادعولي بقا يا جدعان

[M.almaghraby]

[waleedfesal]

تعمل الصيانه على خير ان شاء الله

ومنتظرين التقرير الوافى بعدها

[XXXMEMOXXX]

ربنا يباركلك فيها وتعمل الصيانه على خير ان شاء الله

[momenhamdy]

يا جماعه انا كان عندي سؤال بالنسبه للمكان الخاص بفلتر البنزين

بيكون عند التانك و لا فين ؟؟؟

تحياتي