ايه الحل فى غربله البيرسونا

[meramor81]

السلام عليكم ورحمه الله وبركاته

كنت عاوزة اسأل كل اللى معاهم البيرسونا
عن الرعشه اللى فى التارة بعد ال 90 الف كيلو
انهردا والدى كان سايق على طريق الاسماعليه والطريق فاضى ومش عارف يزود سرعهه
العربيه عن 90 الدريكسيون فيه رعشه غير عاديه تفتكروا ايه الحل ؟؟
علما بأن الشكوى دى قديمه والتوكيل غير علبه الدريكسيون ولكن بدون فائده
ارجوا كل اللى معاهم البيرسونا يقولى هل عنده نفس المشكله؟؟

[eslam_wega]

مشكلة بسيطة العربية محتاجة ترصيص اعملى ترصيص وجربى هتلقى كله تمام ان شاء الله

[ahmad alshaaer]

اختي العزيزه

عن تجارب كثيره واصرار مني اني اخلي العربيه مافيهاش اي غربله هتتبعي ان شاء الله الاتي بالترتيب

اولا ترصيص الكاوتشات كلها ومش عند اي حد اما في التوكيل او عند بريدجستون اللي في اخر شارع عباس العقاد في مدينة نصر داخل محطة كالتكس
ليه بأه لان جنوط البيرسونا والجن 2 بتحتاج ترصيص من الداخل اسبور عباره عن جلد ومن الخارج عباره عن رصاص وكل بتوع الكاوتش بيرصصوا الرصاص فقط زي اي عربيه

المرحله الثانيه ودي هتعمليها لو كانت العربيه تعرضت لخبطه جامده في الجنوط او الكاوتش
وانك هتغيري الجنوط والكاوتش بالكامل او الفرده اللي اتخبطت فقط

المرحله الثالثه انك هتغيري الكوبلن كامل بالعمود بتاعه وده طبعا تمنه في التوكيل 2370 جنيه اليمين
2150 الشمال

المرحله الرابعه بتكون من الفتيس
كل دي احتمالات تؤدي لرعشه وغربله في السياره عن تجربه

طبعا انا مش بقول تغيري كاوتش ولا جنوط ولا كبالن ولافتيس
لاني ان شاء الله متأكد انها من الترصيص
بس انا حبيت اديلك فكره كامله عن موضوع الغربله

انا عموما حصل معايا الموضوع ده وطلع من الترصيص في مره
والمره التنايه طلع من الكوبلن اليمين

تحيااااتي وربنا يكرمك واعملي اللي قلتلك عليه وان شاء الله هيطلع من الترصيص بس التزمي بالاماكن اللي قلتلك عليها

السلام عليكم ورحمة الله

[meramor81]

مشكلة بسيطة العربية محتاجة ترصيص اعملى ترصيص وجربى هتلقى كله تمام ان شاء الله

ميرسى يااسلام وان شاء الله هانعمل ترصيص

[meramor81]

اختي العزيزه

عن تجارب كثيره واصرار مني اني اخلي العربيه مافيهاش اي غربله هتتبعي ان شاء الله الاتي بالترتيب

اولا ترصيص الكاوتشات كلها ومش عند اي حد اما في التوكيل او عند بريدجستون اللي في اخر شارع عباس العقاد في مدينة نصر داخل محطة كالتكس
ليه بأه لان جنوط البيرسونا والجن 2 بتحتاج ترصيص من الداخل اسبور عباره عن جلد ومن الخارج عباره عن رصاص وكل بتوع الكاوتش بيرصصوا الرصاص فقط زي اي عربيه

المرحله الثانيه ودي هتعمليها لو كانت العربيه تعرضت لخبطه جامده في الجنوط او الكاوتش
وانك هتغيري الجنوط والكاوتش بالكامل او الفرده اللي اتخبطت فقط

المرحله الثالثه انك هتغيري الكوبلن كامل بالعمود بتاعه وده طبعا تمنه في التوكيل 2370 جنيه اليمين
2150 الشمال

المرحله الرابعه بتكون من الفتيس
كل دي احتمالات تؤدي لرعشه وغربله في السياره عن تجربه

طبعا انا مش بقول تغيري كاوتش ولا جنوط ولا كبالن ولافتيس
لاني ان شاء الله متأكد انها من الترصيص
بس انا حبيت اديلك فكره كامله عن موضوع الغربله

انا عموما حصل معايا الموضوع ده وطلع من الترصيص في مره
والمره التنايه طلع من الكوبلن اليمين

تحيااااتي وربنا يكرمك واعملي اللي قلتلك عليه وان شاء الله هيطلع من الترصيص بس التزمي بالاماكن اللي قلتلك عليها

السلام عليكم ورحمة الله

اشكرك كتير للشرح الوافى
وان شاء الله المشكله تكون فى الترصيص لان العربيه والحمدلله ماخدتش اى خبطات فى الكاوتش
ان شاء الله نروح بريدجيستون غدااا ونحل المشكله
بس ان لم تكن مشكله الترصيص اكيد تتعمل فى الضمان لان دى مشكله فى العربيه نفسها
والا ايه ؟؟؟
ده يبقى وقعتهم بيضاا ساعتها

[ahmad alshaaer]

اه لو حاجه غير الترصيص لاقدر الله هتتعمل في الضمان

وممكن يقوللك زي ماقالولي انهم هيعملوا ترصيص لاننا مش واثقين في ترصيص بره وفي الحاله دي اشرطي عليهم انك مش هتدفعي ال 120 جنيه بتاع الترصيص لو العيب ماطلعش ترصيص لانك مرصصه بره
وبالمناسبه الترصيص في بريد جيستون الفرده ب 10 جنيه ولما تقوليلوا انك من نايل موتورز هيبقى 7 جنيه

ملحوظه كمان في التوكيل لو قالولك العيب من الجنوط او الكاوتش جهزيلهم رد انتي بأه
بس ان شاء الله انا متأكد انه طالما مافيش خبطه او حد لعب في العفشه يبقى ترصيص فقط

ومستني ردك وتطمنينا بعد ماتروحي بريدجيستون اللي قلتلك عليه

تحياتي

[ahmad alshaaer]

اه نسيت اقولك وانتي في بريد جستون قولي للراجل يخلي الجنوط اللي فيها رفه خفيفه ورا وينقي اتنين حلوين ويخليهم قدام بتفرق اوي في نعومة العربيه

[eslam_wega]

فعلا يا ا احمد احنا لينا خصم عند بريدجيستون بس شرط ان يكون معها الاستيكر
وان شاء الله مش هيطلع معكى اى حاجة تانية

[meramor81]

فى فروع للبريدجيستون على مااعتقد
هل بيفرق فرع عن الاخر ؟؟

[أبومعاذ]

لو بعد ما بيعدي ال 90 يعني على 110 او 120 الغربلة بتروح تبقى ترصيص ولو الغربلة بتفضل مستمرة يبقى حاجة في العفشة لا قدر الله

[M.almaghraby]

ترصيص ان شاء الله

[amronegm]

يعنى يا جماعة نفهم من الموضوع ده ان البيرسونا و الجين 2 بنلاقى فيهم عيوب تحكم
فى القيادة بدليل وجود غربلة وهل لو حصل ده اثناء الضمان التوكيل هو اللى بيتكفل بكله ولا ايه
طبعا انا ذكرت الجين2 كمان لان السيارتين مكوناتهم واحدة
برجاء التوضيح لانى عاوز اخد قرار الشراء وخايف من كل المشاكل ديه

[meramor81]

يعنى يا جماعة نفهم من الموضوع ده ان البيرسونا و الجين 2 بنلاقى فيهم عيوب تحكم
فى القيادة بدليل وجود غربلة وهل لو حصل ده اثناء الضمان التوكيل هو اللى بيتكفل بكله ولا ايه
طبعا انا ذكرت الجين2 كمان لان السيارتين مكوناتهم واحدة
برجاء التوضيح لانى عاوز اخد قرار الشراء وخايف من كل المشاكل ديه

لا طبعا حضرتتك انا مقولتش ان فيهم عيوب تحكم اطلاقا لانى معايا جين تو وبيرسونا
والجين تو الحمدلله تمام ولكن البيرسونا سبب الغربله طلع من مطب جامد اخويا اخده
فعوج الجنطين الامامين والموضوع خلص ولله الحمد انهردا .

[meramor81]

والدى راح انهردا بريدجيستون ورصرصوا الكاوتش ولكن طلع العيب من الجنوط الاماميه لان العربيه اخدت مطب جامد عوج الجنطين
العمليه اتكلفت 200 جنيه والحمدلله تمام
اه نسيت اقول ان الجنوط اتعملت فى الملك الصالح مكان وصفوه لينا بتوع بريدجيستون

[eslam_wega]

الف الف مبروك بس 200 ج كتير شوية على تصليح جنطين
بس عموما الحمدلله انها بقيت تمام