واجا ولا برسونا

[AbuHusam]

والله يا باشمهندس مش عارف أقولك إيه.. آرائك سديدة ومقنعة جداً.. ومعاك حق تماماً في النقاط اللي حضرتك ذكرتها زي المرايات والرؤية والكنبة اللي واخدة وضعها بارتياح.. أنا شفت الكلام ده امبارح فعلاً..
لكن أرجع وأقولك على حاجات صغيرة لكن ليها معنى في جودة التقفيل.. زي مثلاً سلك الإضاء اللي في الشنطة ورا.. في الواجا ظاهر ومعمول بكليبسات زي اللي بنثبت بيها المسامير في الحيطة.. ومنظره مش حلو بالمرة.. مع ممكن بسهولة كان يمر من داخل ماسورة أو دراع رفع الشنطة.. اللي هو متثبت فيها فعلاً بس من برة!
حاجة تانية.. قضيب التثبيت اللي ماسك العربية بالعرض.. صدقني أنا ماعرفش ده مهم قد إيه وكويس ولا مش فارق.. أنا بس أخدت من الحاجات دي مؤشر على مدى الاهتمام بالعربية بتقفيلها..
وكل المسائل النفسية والتردد والتشكك اللي حضرتك اتكلمت عنهم موجودين فعلاً من دلوقتي.. وأؤيدك تماماً في إنهم هايزيدوا وهاسمع فتاوي وكلام كتير.. وبالتأكيد هافضل قلقان لغاية ما أطمئن للعربية تماماً.. بس انت مش شايف إن ده طبيعي؟ خصوصاً مع البروتون بما نعرفه عنها جميعاً من عيوب بسيطة وتوكيل مزعج ما يحسسش أي حد بالأمان؟
الحقيقة يا باشمهندس لولا إنك في الأسكنتدرية أنا كنت غلست عليك وطلبت منك أقابلك وأشوف العربية معاك.. لكن كفاية ذوقك وكلامك المقنع..
وربنا يقدر اللي فيه الخير..
أنا لسة منتظر بقية ردود وحوش البرسونا علشان أعرف ليه اختاروها وسابوا الواجا..
وياريت يا جماعة لو أي حد سواء معاه واجا أو برسونا يخليني أقابله وأسأله بنفسي وأسمع صوت العربية وأركبها معاه علشان أحس بيها.. علشان فعلاً أقتنع 100% وما قولش يا ريتني.. دي عربية مش كيس مناديل..

[Mohamed.Ramah]

موضوع جميل وياريت توضيح الفرق فى الكماليات بين البيرسونا والواجا ولحسم الموضوع لان العربيتن محترمين فعلا

[ehab49]

ان معايا الواجا موديل 2006 يس اول شخص يقول علي التقفيل العربية الواجا الكلام دة كل الاشخاص بيقول العكس يعني سوء التقفيل في الجين واليبرسونا اما بالنسبة الي الثبات معروف علي البروتون جميع الثبات المغالي فية و الاداء والتسارع المعروف عنهم في جميع الموديلات مع امتياز اكتر الي الجين وايضا البيرسونا قطع الغيار بالنسبة الي الجين اصبحت منتشرة والواجا مش اوي بس موجودة .
قطع غيار البروتون غالية عموماااااااااااااااااااااااا.
وفي تقرير كثيرة عن البروتن واجا في المنتدي ومنتديات اخري...........

[mahmoud_magdy]

انا كنت عاوز اكتب رد الصبح لكن مكنتش عارف اقول ايه
شوف حضرتك
الواجا عربيه فخمه كلاسيكيه محترمه عائليه وهيبتبها وطلتها حلوه اوي
البيرسونا عائليه شبابيه حماسيه ودا باين عليها اووي
انا لو مكانك هجيب الواجا
مادام هاخد عربيه سيدان يبقى اخد الافخم بقى والاحلى شكلا (وجهة نظر)
البيرسونا انا بفضل الجين عنها
لان مش حابب شكل السيدان في الجين( بيرسونا)
اما عن اساسيات السياره اتقال عنها كتير في ردود ذوي الخبره
والكماليات كذلك
انا برشح الواجا بصراحه يمكن يكون ارتياح نفسي ليها واعجاب
عموما ربنا يدلك على اللي فيه الخير ان شاء الله
ومبروك العربيه مقدما

[AbuHusam]

طيب يا جماعة فيه حاجتين:
الأولى إن أخونا إسلام معاه واجا 2009 وبيقول إن صاجها ضعيف مقارنة بالواجا القديمة وكمان بعربيات تانية.. وده فكرني إني في المعرض كنت بارفع وبانزل غطا الشنط وغطا الكبوت (الموتور) بصعوبة لأنهم تقال جدا..
في الواجا أنا رفعت غطا الشنطة بكل سهولة وكمان لما رفعته لقيته مش متبطن والصاج بتاعه فعلاً مش مليان.. وكمان باين فيه التقسيمات بتاعته ظاهرة وواضح إنها رفيعة.. ولما جيت أقفله كان خفيف وكذلك الغطا الأمامي.. مش أنا اللي فتحته لكن لما قفلته كان خفيف برضه مقارنة بالبرسونا.. فما رأيكم؟؟؟؟

الحاجة التانية: ما حدش جاوبني على مسألة العفشة والمكونات في الواجا الجديدة (2009) هل لا تزال هي هي بتاعة ميتسوبيشي؟ ولا اتغيرت زي الموتور؟ أحد الأخوة قال إن المساعدين الخلفيين ونظام التعليق الخلفي شبه الميتسوبيشي ومافهمتش يعني "شبه الميتسوبيشي"؟ زميل تاني (أعتقد المهندس رفيق لو أنا مش ناسي) قال لأ العفشة الخلفية إنجليزي من لوتس..
ياريت لو حد يعرف يدلنا هل عفشة الواجا ونظام التعليق فيها مختلف عن البرسونا؟ ومختلف بحيث هو بتاع الميتسوبيشي ولا مختلف انجليزي ولا مش مختلف وهو هو.. والمهم في المسألة دي مدى توافر أي قطعة لو الواحد احتاج حاجة..
آخر حاجة معلش.. هي البرسونا مافيهاش abs ولا ebd؟
أنا جبت البروشور بتاعها وبتاع الجين من المعرض امبارحولقيت مكتوب فيه إن الجين موجود فيها أما البرسونا فمش مذكور.. وده اللي قاله أحد الزملاء إن البرسونا مفيهاش.. فهل ده صحيح؟
وبعدين موتور البرسونا والجين فيهم فلتر الهوا iafm والواجا لأ؟؟ هل ده صحيح؟ يعني الواجا لسة بتنزل بالموتور الكامبرو القديم؟
منتظر ردود عمالقة البروتون أستاذ مهاب والأخ توت والسادة الأعزاء أصحاب البرسونا..

[ahmadelsaeed]

طيب يا جماعة فيه حاجتين:
الأولى إن أخونا إسلام معاه واجا 2009 وبيقول إن صاجها ضعيف مقارنة بالواجا القديمة وكمان بعربيات تانية.. وده فكرني إني في المعرض كنت بارفع وبانزل غطا الشنط وغطا الكبوت (الموتور) بصعوبة لأنهم تقال جدا..
في الواجا أنا رفعت غطا الشنطة بكل سهولة وكمان لما رفعته لقيته مش متبطن والصاج بتاعه فعلاً مش مليان.. وكمان باين فيه التقسيمات بتاعته ظاهرة وواضح إنها رفيعة.. ولما جيت أقفله كان خفيف وكذلك الغطا الأمامي.. مش أنا اللي فتحته لكن لما قفلته كان خفيف برضه مقارنة بالبرسونا.. فما رأيكم؟؟؟؟

الحاجة التانية: ما حدش جاوبني على مسألة العفشة والمكونات في الواجا الجديدة (2009) هل لا تزال هي هي بتاعة ميتسوبيشي؟ ولا اتغيرت زي الموتور؟ أحد الأخوة قال إن المساعدين الخلفيين ونظام التعليق الخلفي شبه الميتسوبيشي ومافهمتش يعني "شبه الميتسوبيشي"؟ زميل تاني (أعتقد المهندس رفيق لو أنا مش ناسي) قال لأ العفشة الخلفية إنجليزي من لوتس..
ياريت لو حد يعرف يدلنا هل عفشة الواجا ونظام التعليق فيها مختلف عن البرسونا؟ ومختلف بحيث هو بتاع الميتسوبيشي ولا مختلف انجليزي ولا مش مختلف وهو هو.. والمهم في المسألة دي مدى توافر أي قطعة لو الواحد احتاج حاجة..
آخر حاجة معلش.. هي البرسونا مافيهاش abs ولا ebd؟
أنا جبت البروشور بتاعها وبتاع الجين من المعرض امبارحولقيت مكتوب فيه إن الجين موجود فيها أما البرسونا فمش مذكور.. وده اللي قاله أحد الزملاء إن البرسونا مفيهاش.. فهل ده صحيح؟
وبعدين موتور البرسونا والجين فيهم فلتر الهوا iafm والواجا لأ؟؟ هل ده صحيح؟ يعني الواجا لسة بتنزل بالموتور الكامبرو القديم؟
منتظر ردود عمالقة البروتون أستاذ مهاب والأخ توت والسادة الأعزاء أصحاب البرسونا..

هو بالنسبة لصاج الواجا فجايز يكون القديم أحسن - الله أعلم .. بس أنا شايف الجديد مرضى بالنسبالى جدا

بالنسبة لموضوع العفشة إنجليزى و لا لأ فعلا مش هقدر أفتيلك ... بس هى ناشفة شوية عن العربيات التانية عشان العربية مرتفعة عن الأرض شوية ... فعشان كده نشفان العفشة مع وزن العربية مساعد فى ثباتها

الواجا الجديد كله كامبرو فقطع غيار الميتسوبيشى مش شغالة معاه على حد علمى

عشان تريح نفسك البروتون كله (قصدى على الجين تو و البيرسونا و الواجا) الفول أوبشن فيه abs + ebd .... بس الواجا مفيهاش ebd
الفلتر الجديد فى الجين و البيرسونا بس مش فى الواجا

أنا إخترت الواجا ليه بقى , عايزله بوست لوحده
بس أنا أرشحهالك و أنا مرتاح و راضى نفسيا ... بس إنت كلمنى أعرف منك إنت إيه دماغك فى إحتياجاتك للعربية و إن شاء الله أدلك

و ربنا يقدملك اللى فيه الخير إن شاء الله.

[Mohamed.Ramah]

متابع باهتمام بس غريبة ان الواجا مفيهاش ebd

أنا إخترت الواجا ليه بقى , عايزله بوست لوحده
ياريت حضرتك تعمل موضوع فى تجربتك وسبب اختيارك للواجا حتى يستفيد الجميع من تجربتك

[Eng. Rafy Samy]

قضيب التثبيت اللي ماسك العربية بالعرض.. صدقني أنا ماعرفش ده مهم قد إيه وكويس ولا مش فارق..

لو مهندسي بروتون شايفين ان العامود ده مهم في الواجا كانوا اكيد حيحطوه ... بس اعتقد ان البيرسونا بس هي اللي محتاجة عمود الضم ده

في الواجا أنا رفعت غطا الشنطة بكل سهولة وكمان لما رفعته لقيته مش متبطن والصاج بتاعه فعلاً مش مليان..

بالنسبة للواجا عندي الكبوت متبطن من جوه والكبوت ثقيل جداً مش خفيف نهائي

العفشة والمكونات في الواجا الجديدة (2009) هل لا تزال هي هي بتاعة ميتسوبيشي؟ ولا اتغيرت زي الموتور؟

اسف جداً مش حقدر افيدك بس ححاول اسألك مهندس في التوكيل عن كل المعلومات عن العفشة في الواجا والفرق في البيرسونا

زميل تاني (أعتقد المهندس رفيق لو أنا مش ناسي) قال لأ العفشة الخلفية إنجليزي من لوتس..

hesham_soaida
بالنسبة للعفشة فهي
ماكفرسون
أما التعليق الخلفي فهو متعدد الوصلات

ارجو من احد خبراء بروتون الرد على هذا السؤال ..؟

وبعدين موتور البرسونا والجين فيهم فلتر الهوا iafm والواجا لأ؟؟ هل ده صحيح؟ يعني الواجا لسة بتنزل بالموتور الكامبرو القديم؟

فعلاً الواجا مفهاش فيلتر الiafm ولكن لا يوجد اي اختلاف بين الموتورين غير الفلتر فقض وده كلام المهندس محمد صالح في فرع الاسكندرية

الحقيقة يا باشمهندس لولا إنك في الأسكنتدرية أنا كنت غلست عليك وطلبت منك أقابلك وأشوف العربية معاك.. لكن كفاية ذوقك وكلامك المقنع..

يا فندم ان يكون ليا عظيم الشرف اني اقابلك واتشرف بمعرفت حضرتك وان شاء الله نتقابل في احد مقابلات بروتون
انا مريت بنفس المرحلة دي وقعد فيها 9 شهور بقارن بين 6 عربيات والحمد لله استقريت على الواجا وبعد عشرت 8 شهور احب ااكد انها حقاُ صفقة رابحة لكل ملاكها

بالتوفيق ان شاء الله

[AbuHusam]

فعلاً محتاجين منك يا أستاذ أحمد موضوع عن اختيار الواجا وتجربتك معاها.. ويدخل معاك كمان الزملاء أصحابها وكل واحد يقول تجربته وتقييمه بعد ما ركبها فترة..

وكمان محتاجين نتأكد من السادة خبراء البروتون.. هل فعلاً الفلتر الجديد مش موجود في الواجا؟ وكمان مفيهاش EBD مع إني أسمع إن ال ABS وال EBD بيبقوا مع بعض يعني تقريباً جهاز واحد بيتركب مرة واحدة.. مش عارف ده صح ولا لأ..

أما مسألة الصاج ومنشأ العفشة فمحتاجة تدخل مباشر وسريع من الأستاذ أيمن.. هو اللي هايقول الخلاصة.. قطع غيار الواجا "الجديدة" موجودة ولا لأ.. ومشابهة للجين أو غيرها ولا لأ؟
وصاج الواجا الجديدة أضعف فعلاً من البرسونا؟؟
بس خدوا بالكم با جماعة المسألة مش سمك الصاج وبس.. بتفرق كتير لو العربية مدعمة بقوايم أو قضبان جانبية من داخل الصاج.. فهل ده موجود في الاتنين؟
وكمان تصميم العربية وطريقة تقسيم الأجزاء وتوزيعها على هيكل العربية.. يعني مثلاً لو الرفرف مجرد قطعة مربعة تنتهي عند الزجاج الخلفي غير لما يكون قطعة واحدة ممتدة من الإكصدام حتى باب العربية.. بتفرق في متانة وتحمل الرفرف وتأثر بقية جسم العربية بأي خبطة والأهم إنها بتفرق في سهولة تصليحه أو استعداله أو حتى استبداله..
يعني مثلاً.. وباقول مثلاً.. يمكن يكون تقسيم جسم الواجا أفضل مثلاً من البرسونا في حالة لا قدر الله خبطة كدة ولا كدة.. وهنا ييجي الصاج وسمكه وهل يصمد أمام الخبطة في البرسونا مقابل سهولة التصليح في الواجا أم لا؟ ده طبعاً بافتراض إن الاتنين ليهم نفس التدعيم من الداخل.. أنا ماعرفش..
متهأيلي المسائل دي كلها محتاجة توضيح من خبراء البروتون الكبار.. التجربة والتقييم والعيوب الظاهرة العادية ممكن نعرفها من بعض..
لكن النواحي الفنية دي والفروق بينها هي دي اللي عندها تكون الكلمة للوحوش الكبيرة.. ديناصورات البروتون.. فياريت يردو علينا ويعرفونا علشان تتحقق فائدة حقيقية من الموضوع ده ..

[AbuHusam]

لو مهندسي بروتون شايفين ان العامود ده مهم في الواجا كانوا اكيد حيحطوه ... بس اعتقد ان البيرسونا بس هي اللي محتاجة عمود الضم ده

متهيألي دي محتاجة استفسار في التوكيل برضه.. علشان نعرف ليه البرسونا محتاجاه

انا مريت بنفس المرحلة دي وقعد فيها 9 شهور بقارن بين 6 عربيات والحمد لله استقريت على الواجا وبعد عشرت 8 شهور احب ااكد انها حقاُ صفقة رابحة لكل ملاكها

طيب ياريت يا باشمهندس تبتدي مع الأستاذ أحمد السعيد وتقولولنا ليه الواجا؟ واختارتوها إزاي؟
خصوصاً لما قارنتوها بالبرسونا أو الجين قبل البرسونا..
صدقني هايبقى خدمة كبيرة قوي وكلام جديد محتاجينه..

[hesham_soaida]

وياريت يا جماعة لو أي حد سواء معاه واجا أو برسونا يخليني أقابله وأسأله بنفسي وأسمع صوت العربية وأركبها معاه علشان أحس بيها.. علشان فعلاً أقتنع 100% وما قولش يا ريتني.. دي عربية مش كيس مناديل..

انا معايا واجا 2009 ولو عايز تشوفها في أي وقت أنا تحت أمرك

[MohabSaeed]

يا جماعة أنا كنت في معرض العجوزة النهاردة.. وشفت البرسونا 2010 والواجا 2009 علشان الـ 2010 لسة ما جاتش..
أنا عاوز رأيكم في الآتي:
1- لاحظت إن تقفيل البرسونا أحسن من الواجا (مع ملاحظة فرق سنة الموديل):
مثلاً تبطين غطا الشنطة مش موجود في الواجا.. وكمان فيه سلك ظاهر وماشي جنب دراع غطا الشنطة مع إنه كان ممكن يمر من داخل الدراع المجوف.. في البرسونا مش ظاهر خالص.. كمان الموتور في البرسونا متحزم من فوق بقضيب عرضي واصل بين الرفرفين من مكان تثبيت المساعدين.. علشان تثبيت مقدمة العربية مع بعضها بالعرض.. في الواجا مش موجود.. شكل حوض الموتور وتوزيع المكونات فيه مش عارف ليه حسيت إنه مرتب ومنظم في البرسونا عن الواجا.. أكرة باب السائق في الواجا بتعلق.. بتفتح لكن الدراع الصغير اللي انت بتحركه بيفضل متعلق ثواني قبل ما يرجع تاني مكانه.. ومسؤول المعرض قالي ده من تسريب مياه الغسيل داخل الباب.. طبعاً تفسير أسوأ كتير من إنها بتعلق.. لأن ده معناه كارثة في الأكر أو الإزاز أو السنتر أو كل دول بعد كام غسلة للعربية.. إذا كانت لسة في المعرض وحصل لها كدة..
2- في المقابل الواجا أوسع.. فرق بسيط قوي في عرض الكنبة الخلفية.. وفرق أوضح شوية في المسافة الطولية علشان في البرسونا الشنطة أعمق فضاغطة على الصالون وواخدة من المسافة بين السائق أو الراكب الأمامي والكنبة الخلفية فضيقة حوالي 10 سم عن الواجا..
وكمان الواجا أعلى قليلاً عن البرسونا.. يمكن العتب اللي في البرسونا مخليها تبدو أقل في الاترفاع لكن الفرق واضح أكتر في مقدمة العربية.. البرسونا بتصميمها تلاقيها مايلة شوية ناحية الأرض من قدام.. صحيح الرفق بسيط قوي يمكن ما يزيدش عن 2 أو 3 سم لكنه يفرق لصالح الواجا خصوصاً إن المقدمة دي اللي فيها الموتور يعني أخطر جزء بيقابل مطبات وحجارة وبلاوي في شوارعنا..
3- فيه حاجات تانية أنا مش عارف أحكم عليها.. زي مكونات وتصميم العفشة.. في الموديلات السابقة للواجا كانت نسخة من ميتسوبيشي.. موتور وعفشة وفتيس ومكونات أخرى.. دلوقتي الموتور كامبرو لكن هل بقية المكونات لسة ميتسوبيشي؟؟ يعني عفشتها والمساعدين وتيل الفرامل أو الجنوط وغيره لسة ميتسوبيشي؟ ولا بقت نسخة من الجين والبرسونا زي الموتور؟ المسألة دي مهمة علشان قطع الغيار ومدى انتشارها.. انتو طبعاً عارفين إن حاجة الجين والبرسونا دلوقتي موجودة كتير.. أما الواجا فالعربية نفسها مش منتشرة.. فلو قطع غيارها زيهم يبقى شيء رائع.
4- أنا دورت العربية وسبتها دايرة حوالي 7 دقايق ولاحظت إن صوت الموتور مسموع حتى بعد ما العربية سخنت.. صحيح الصوت قل شوية بعد 4 دقايق تقريباً.. لكنه برضه مسموع وواضح من جوا العربية والإزاز كله مقفول.. والأهم إن فيه زنة أو ورررة غريبة حسيتها بوضوح ومسمعة في الكرسي كمان.. والمسؤول اللي في المعرض بقى مش عارف يقولي عليها إيه.. أول ما دورت العربية قال لي علشان لسة بتسخن.. وبعد كدة لما الصوت قل شوية لكن الورررة فضلت موجودة اضطر يقولي ده بس علشان المكان هادي وساكت فالإحساس بالصوت وذبذبة الموتور
عالي.. طبعاً كان رد مش مقنع.. هل فيه حد عنده معلومة عن الحكاية دي؟

أجو الإفادة يا جماعة علشان أنا رحت معرض العجوزة وشبه مقرر إني أحجز برسونا ولما شفت الواجا بصراحة غيرت رأيي لأني لقيتها فخمة جدا ومش كلاسيكية قوي زي ما كنت متخيل أو زي ما باشوفها في الشارع.. بالعكس أنا شفتها بي إم.. بدون مبالغة أنا حسيت إني واقف قدام بي إم ولما قعدت فيها زاد إحساسي بالفخامة وإني راكب عربية كبيرة في الحجم والمقام.. مع إني لسة شايف برضه إن البرسونا أشيك وشبابية أكتر وانسيابية..


معلش أنا طولت عليكم.. لكن أنا حيرتي زادت :b4_592: خصوصاً إن اتساع الواجا ميزة علشان أنا معايا زوجتي وثلاث أولاد بيكبروا بسرعة (أسرع من بقية الأطفال!!!) فهل ملاحظاتي على تقفيل الواجا أو بالأصح الاهتمام الواضح اللي شفته في تقفيل وإتقان البرسونا صحيحة؟ وتستاهل إني أتنازل عن الفرق البسيط في الاتساع وآخد البرسونا؟ ولا أستنى الواجا 2010 وأشوفها يمكن يكونوا حسنوا تصنيعها وتقفيلها زي ما عملوا في البرسونا؟ وهل حد يعرف هي نازلة إمتى؟ علشان في التوكيل قال لي مش عارفين والموجودة (2009) عليها تخفيض 3000.. ففهمت إنه مش عاوز يقول لي الجديدة نازلة إمتى..
ما رأيكم يا وحوش البروتون.. برسونا ولا واجا.. وإيه الفروق بالتفصيل بعد إذنكم وأشكركم مقدما..

أشكرك يا باشمهندس
يعني حضرتك تنصح بالانتظار 4 شهور لما تيجي الواجا الجديدة وبعدين أقرر؟
الحقيقة أنا مش ميال لدي أو لدي.. كل الحكاية إني شايف تقفيل واهتمام وتلافي لعيوب التشطيب في البرسونا زائد شياكة وانسيابية وحجم مش كبير.. مقابل فخامة خارجية وصالون أشيك وتابلوه مريح أكتر للعين (وجهة نظر شخصية) واتساع في الواجا.. يعني أنا أمام ميزات مختلفة عن بعضها..
وكمان فيه حاجات ما اقدرش أحكم عليها .. حاجات فنية شوية.. زي مسألة الذراع الحديد اللي ماسك العربية بالعرض فوق موتور البرسونا.. ويقابلها ارتفاع مقدمة الواجا عن الأرض مقارنة بالبرسونا..
وصوت الورررة اللي سمعتها في موتور الواجا.. للأسف مارضيوش يدورو البرسونا علشان أعرف موجودة برضه ولا لأ..
دي حاجات أنا مش متأكد منها بالطبع.. ومش عارف أنهي أفضل فيهم.. فاهمني يا جماعة؟؟
علشان كدة أنا محتار.. مش مسألة ارتياح شخصي وخلاص.. الاترياح أو عدمه يبقى في الشكل والمظهر .. لكن في النواحي الفنية أو الخامات أو توافر قطع الغيار أو صوت الموتور ..إلخ.. دي محتاجة آراؤكم يا خبراء البروتون..
طيب حضرتك بتقول جربت الاتنين.. ولقيتهم قريبين من بعض.. في الحالة دي هل تشوف إن فارق الاتساع والفخامة اللي في الواجا يوازي فارق الانتشار ووجود قطع الغيار وفرق الإتقان اللي لاحظته في البرسونا؟ لو ده صحيح تبقى الواجا طبعاً.. ولا إيه؟

يا جماعة أنا اتصلت من دقايق بتوكيل الصحراوي علشان أسأله فيه واجا 2010؟ وزفوجئت بإن اللي بيرد عليا هو الأستاذ/ محسن صالح.. الحقيقة أول مرة أكلمه.. راجل في منتهى الذوق فعلاً..
المهم إنه قال لس واجا 2010 ما نزلتش.. ومش قبل شهر مارس أو أبريل اللي جاي..
المعلومة التانية المهمة إنها فيها abs وفيها كل حاجة زي البرسونا.. بس جاله موبايل وأنا باكلمه فما لحقتش أسأله عن العفشة أو قطع الغيار وهل هي هي ولا مختلفة..
أنا بس حبيت أوضح المعلومات دي اللي جت بالصدفة حالاً..
وفي انتظار آراء السادة أصحاب الواجا أو اللي جربه الاثنين علشان نستفيد..
هل فعلاً الفرق الوحيد بس في الاتساع.. ولا فيه فروق تانية وهل أنا صح في ملاحظتي امبارح في معرض العجوزة إن دقة وإتقان البرسونا أعلى من الواجا؟ ولا إيه؟

طيب يا جماعة فيه حاجتين:
الأولى إن أخونا إسلام معاه واجا 2009 وبيقول إن صاجها ضعيف مقارنة بالواجا القديمة وكمان بعربيات تانية.. وده فكرني إني في المعرض كنت بارفع وبانزل غطا الشنط وغطا الكبوت (الموتور) بصعوبة لأنهم تقال جدا..
في الواجا أنا رفعت غطا الشنطة بكل سهولة وكمان لما رفعته لقيته مش متبطن والصاج بتاعه فعلاً مش مليان.. وكمان باين فيه التقسيمات بتاعته ظاهرة وواضح إنها رفيعة.. ولما جيت أقفله كان خفيف وكذلك الغطا الأمامي.. مش أنا اللي فتحته لكن لما قفلته كان خفيف برضه مقارنة بالبرسونا.. فما رأيكم؟؟؟؟

الحاجة التانية: ما حدش جاوبني على مسألة العفشة والمكونات في الواجا الجديدة (2009) هل لا تزال هي هي بتاعة ميتسوبيشي؟ ولا اتغيرت زي الموتور؟ أحد الأخوة قال إن المساعدين الخلفيين ونظام التعليق الخلفي شبه الميتسوبيشي ومافهمتش يعني "شبه الميتسوبيشي"؟ زميل تاني (أعتقد المهندس رفيق لو أنا مش ناسي) قال لأ العفشة الخلفية إنجليزي من لوتس..
ياريت لو حد يعرف يدلنا هل عفشة الواجا ونظام التعليق فيها مختلف عن البرسونا؟ ومختلف بحيث هو بتاع الميتسوبيشي ولا مختلف انجليزي ولا مش مختلف وهو هو.. والمهم في المسألة دي مدى توافر أي قطعة لو الواحد احتاج حاجة..
آخر حاجة معلش.. هي البرسونا مافيهاش abs ولا ebd؟
أنا جبت البروشور بتاعها وبتاع الجين من المعرض امبارحولقيت مكتوب فيه إن الجين موجود فيها أما البرسونا فمش مذكور.. وده اللي قاله أحد الزملاء إن البرسونا مفيهاش.. فهل ده صحيح؟
وبعدين موتور البرسونا والجين فيهم فلتر الهوا iafm والواجا لأ؟؟ هل ده صحيح؟ يعني الواجا لسة بتنزل بالموتور الكامبرو القديم؟
منتظر ردود عمالقة البروتون أستاذ مهاب والأخ توت والسادة الأعزاء أصحاب البرسونا..

فعلاً محتاجين منك يا أستاذ أحمد موضوع عن اختيار الواجا وتجربتك معاها.. ويدخل معاك كمان الزملاء أصحابها وكل واحد يقول تجربته وتقييمه بعد ما ركبها فترة..

وكمان محتاجين نتأكد من السادة خبراء البروتون.. هل فعلاً الفلتر الجديد مش موجود في الواجا؟ وكمان مفيهاش ebd مع إني أسمع إن ال abs وال ebd بيبقوا مع بعض يعني تقريباً جهاز واحد بيتركب مرة واحدة.. مش عارف ده صح ولا لأ..

أما مسألة الصاج ومنشأ العفشة فمحتاجة تدخل مباشر وسريع من الأستاذ أيمن.. هو اللي هايقول الخلاصة.. قطع غيار الواجا "الجديدة" موجودة ولا لأ.. ومشابهة للجين أو غيرها ولا لأ؟
وصاج الواجا الجديدة أضعف فعلاً من البرسونا؟؟
بس خدوا بالكم با جماعة المسألة مش سمك الصاج وبس.. بتفرق كتير لو العربية مدعمة بقوايم أو قضبان جانبية من داخل الصاج.. فهل ده موجود في الاتنين؟
وكمان تصميم العربية وطريقة تقسيم الأجزاء وتوزيعها على هيكل العربية.. يعني مثلاً لو الرفرف مجرد قطعة مربعة تنتهي عند الزجاج الخلفي غير لما يكون قطعة واحدة ممتدة من الإكصدام حتى باب العربية.. بتفرق في متانة وتحمل الرفرف وتأثر بقية جسم العربية بأي خبطة والأهم إنها بتفرق في سهولة تصليحه أو استعداله أو حتى استبداله..
يعني مثلاً.. وباقول مثلاً.. يمكن يكون تقسيم جسم الواجا أفضل مثلاً من البرسونا في حالة لا قدر الله خبطة كدة ولا كدة.. وهنا ييجي الصاج وسمكه وهل يصمد أمام الخبطة في البرسونا مقابل سهولة التصليح في الواجا أم لا؟ ده طبعاً بافتراض إن الاتنين ليهم نفس التدعيم من الداخل.. أنا ماعرفش..
متهأيلي المسائل دي كلها محتاجة توضيح من خبراء البروتون الكبار.. التجربة والتقييم والعيوب الظاهرة العادية ممكن نعرفها من بعض..
لكن النواحي الفنية دي والفروق بينها هي دي اللي عندها تكون الكلمة للوحوش الكبيرة.. ديناصورات البروتون.. فياريت يردو علينا ويعرفونا علشان تتحقق فائدة حقيقية من الموضوع ده ..

اهلا بيك أ سامح .. اشكرك على رسالتك و سؤالك على صحه الوالد " الحمد لله بخير "

حضرتك لو حابب تكلمنى فى اى حاجه تحت امرك .

ححاول اجاوب على النقط الى بتسال عليها على قد معرفتى


1- فى اكتر من عضو معانا قال ان الواجا كخامات و تقفيل افضل نسبيا ... لكن كشكل ديه حاجه نسبيه بتختلف من شخص للاخر و فى ناس شايفه ان الواجا داخليا افضل و ناس شايفه ان البيرسونا افضل ... و الجانبين معاهم حق طبعا لان ليهم ازواق مختلفه .

2- عربيات كتير فى بروتون بتعانى من عيوب التقفيل ... الى معظمها ان مكانش كلها بيتعالج فى الصيانه الواجا و البيرسونا مش استثناء , ديه حاجه معروفه لينا جميعا و كل الناس الى بتشترى جديد بتبقى عارفه الموضوع ده بس بشهاده ناس شغاله فى التوكيل الواجا مشاكلها و الشكوى منها عموما قليله .

3- صالون الواجا اوسع نسبيا من البيرسونا ... بحكم اختلاف التصميم .. تصميم سقف و جوانب الواجا من الخلف اعرض و اكبر و اعلى البيرسونا ... الى هى اساسا جين 2 سيدان ف نفس خطوط التصميم الرياضيه مأثره على مساحه الصالون .

4- مكونات و تصميم العفشه فى الواجا الجديده ... بأكدلك انه هو هو زى الواجا الى معايا " الشكل القديم " عفشه الواجا الخلفيه زى الانسر ... علبه الدركسيون بنسبه 90 % هى هى الى فى الانسر ... العفشه الاماميه مختلفه .

يعنى سواء الواجا القديمه او الجديده الاجزاء المشتركه مع الانسر العفشه... العفشه الخلفيه و علبه الدركسيون ... غير كده الحاجات التانيه مختلفه .

* توضيح بخصوص الشاسيه و العفشه .... شاسيه الواجا .. تعاون مشترك مابين فولفو و ميتسوبيشى و بروتون ... العفشه بالكامل يابانى كمكونات و بتصميم و هندسه لوتس ..... المساعدين و علبه الدركسيون و مضخة الباور kyb .... اقراص الفرامل و الرولمان بلى ntn يابانى ....... ديه الحاجات الى قدرت اعرفها لحد دلوقتى بخصوص العفشه .

.... الموتور و الفتيس فقط فى الواجا الجديده هما الى قطع غيارههم زى الجين و البيرسونا...


5 - صوت الموتور هو هو واحد سواء فى الواجا الجديده و البيرسونا والجين لانهم بنفس الموتور .... مع اختلاف ان الواجا فلتر هواء الموتور زى فلتر هواء الواجا القديمه بموتور ال 4g18 .و مختلف عن فلتر الجين 2 الشكل القديم و الجين 2 و البيرسونا iafm .

هو عموما صوت الموتور عالى شويه لكن مش لدرجه انه يكون مزعج .

6- الواجا و البيرسونا الفل اوبشن فيهم abs +ebd


7- قطع غيار الواجا عموما متوافره فى محلات بروتون جديده و فى الحرفين استيراد ... الحاجات الى مش حتلاقيها للواجا الجديده بره هى الكبوت و الاكصدام الامامى و الفانوس فقط .. و فى اسواء الاحوال كبوت الواجا القديمه والاكصدام و الفانوس يركب على الجديده من غير مشاكل . و باقى الاجزاء كلها متوافقه مع الواجا القديمه .. و بالنسبه للموتور متوافقه مع الجين2 .

* نفس مشكله قطع الغيار ديه اساسا فى الجين 2 الجديده .. ملهاش فوانيس اماميه ولا اكصدام بره التوكيل و زميلنا اسلام لما عمل حادثه جاب الاكصدام بتاع الشكل القديم للجين" 2006 " و ركبه فى عربيته " موديل 2009 " .. و جاب فانوس و رشه اسود .

و البيرسونا مش احسن حالا بل اسوا .... لانها ملهاش لا اكصدام خلفى ولا اكصدام امامى ولا شنطه ولا ازاز خلفى بره التوكيل " و حتى مكانوش متوافرين فى التوكيل و زميلنا فى المنتدى ( مُحب ) لما عمل حادثه اضطر يسمكر الشنطه و يصلح الاكصدام لانهم مكانوش موجودين فى اى مكان ولا فى التوكيل ولا استراد .

8 - واجا 2009 او 2010 مش حيكون فى اختلافات جوهريه " و بنسبه 99 % مش حيكون فى اى اختلافات ولا حتى بسيطه " .



* بيرسونا ولا واجا ... حضرتك الى ليك الاختيار الاخير " لاننا كلنا ازواقنا و اختيارتنا مختلفه انا حديك رأيى و غيرى حيديك رأيه و مش لازم ان ارائنا تكون مناسبه ليك " و عموما متحسبهاش كتير لان سواء البيرسونا او الواجا ليهم مميزاتهم و ليهم عيوبهم ....المهم انهى الى عاجبك اكتر و انهى الى مناسب لزوقك و احتياجاتك .

حاجه اخيره.... حاول برده تبص على السيراتو ,صنى , لانسر , اوبترا . خد فكره عنهم ممكن حاجه منهم تعجبك اكتر من الواجا و البيرسونا .

علاشان لما تستقر على عربيه و تشتريها تكون مقتنع 100 % بقرارك .


لو فى اى استفسار تانى تحت امرك .

[Eng. Rafy Samy]

استاذ مهاب
الف شكر وتحية ليك على المعلومات الممتازة دي
فعلاً رد وافي على كل الاسئلة .. ومعلومات جديدة
اسمحلي احتفظ بنسخة من المعلومات دي لانها غاية في الاهمية.

تقبل تحياتي ونفسي اقابلك بجد.

[AbuHusam]

أشكرك بشدة يا أستاذ مهاب.. كفيت ووفيت..
والحقيقة طمنتنا كتير من ناحية العفشة وخليتني أحس إن حاجتها مش نادرة إن ما كانش بتاع الواجا فهلاقي بتاع اللانسر أو حتى بتاع الواجا القديمة.. ودي حاجة مطمئنة..
فقط عندي استفسار صغير:

فلتر هواء الموتور زى فلتر هواء الواجا القديمه بموتور ال 4g18 .و مختلف عن فلتر الجين 2 الشكل القديم و الجين 2 و البيرسونا iafm .

بما إن بعض الزملاء كانوا بيشتكوا من السحب في مرحلة معينة من التسارع قبل الفلتر الجديد.. فهل انت عندك نفس الشكوى.. أو بالأصح هل شايف إنها تفرق بدرجة كبيرة في السحب بتاع العربية.. يعني حاجة تستاهل تؤخذ في الحسبان؟
ولا مع السواقة العادية مش محسوسة أو مش مهمة.. وعلى فكرة أنا مش بتاع جري وشد وتسابق.. أنا آخري في الحرق أو التسارع لما أكون في إشارة أو عاوز ألحق أعدي مزلقان أو يو تيرن في طريق سريع.. غير كدة القيادة العادية اللي أقصاها 100 فوق الدائري.. و 130 أو 140 في السفر ده لو الطريق والرادار يسمح بكدة..

عندي ملاحظة أخيرة بس للزملاء اللي هايقروا الموضوع.. أنا موافقك تماماً في إن البرسونا برضه مالهاش قطع متوافرة حالياً.. بينما الواجا ليها
لكن أنا بابص لقدام.. بعد كام شهر أو كام سنة أعتقد إن انتشار البرسونا هايخلي حاجتها موجودة مستقبلاً بكثرة.. بينما الواجا هاتفضل زي ما هي موجودة من دلوقتي بس قليلة.. وهاتفضل قليلة بنفس قلة انتشار العربية..
آخر حاجة أنا كنت منتظر منك تعليق على مسألة الصاج ومتانته.. أنا عارف إن عربيتك 2005 أو 2006 لكن مش عارف هل عند معلومة عن متانة 2009 وهل فعلاً هي أضعف زي ما أ/ إسلام بيقول..
وهل فعلاً اللي أنا شفته في المعرض من يومين إن صاج البرسونا أجمد صحيح.. ياريت لو عندك معلومة شخصية أو من المهندسين ياريت تفيدنا بيها..
معلش الاستفسار طل مش صغير خالص.. وأشكرك كثيرا على ذوقك وكرمك

[Mohamed.Ramah]

متابع باهتمام وشكرا لكل وحوش البوتون واضافاتهم ومعلوماتهم فى الموضوع