بروتون بتخسر و في الطريق الى الآسوأ او الأحسن !

[CryptonX]

انا معرفش انتو بتجيبوا اخباركوا منين !!

بس يا جماعة بروتون بتغرق ! و مبيعاتها في النازل في كل حتة !

و لللأسف حتصبح شركة اوروبية و غير تابعة للحكومة الماليزية .. ودي اخر المستجدات .

فولكس فاجن حتشتري 51% من اسهم بروتون .. و بكدة حتبقى هي المتحكم الرئيسس في بروتون .

بس الخوف ان فولكس فاجن يكون نظرها للوتس مش للبروتون .

او ربما جودة سيارات بروتون المتدهورة تتحست شوية علشان سمعتها الاوروبية زبالة !

" Volkswagen is to buy a controlling 51% stake in Malaysian state-owned manufacturer Proton, according to Asian business news reports. "

و بالرجوع للمواقع الماليزية تقارير الجودة بتاعت بروتون في هبوط مستمر .. و اصبح المالزيون يتجنبوا بروتون و تفضيل ماركات اجنبية عنها ..

[Heshaam]

طيب ما هو كانت فيه أخبار إن فيه علاقة شراكة إستراتيجية بيتم بحثها بين الشركتين. وبعدين تم التعتيم على الموضوع حتى تم الإعلان عن هذه الصفقة - وده طبقا للموقع ده:

http://en.wikipedia.org/wiki/Proton_(company)#Strategic_Partnership_with_Volksw agen_AG

بس أنا مش شايف إن ده دليل على غرق أو فشل بروتون - مش دفاعا عنها - إنما لأن ده الشكل الأكثر ملائمة للعلاقة بين الجانبين - فولكس فاجن العملاقة مقابل بروتون التي لا زالت في بداية الطريق بالمقارنة. خاصة وإن الشريك الآخر هو الحكومة وليس بعض الأفراد.

وعلى موقع شركة بروتون موجودة الإشارة للمصاعب المالية التي واجههتها الشركة، بس هما بيتعاملوا مع الموقف على حسب الموقع ده:

http://www.proton.com/about_proton/corp_governance/chairman_statement.php

[CryptonX]

اتا مش بتكلم على كدة .. انا بتكلم على ان الشركة مستقبلها الان مجهول .. ولو تفتكرو الي حصل في داييو بعد ما جي ام خدتها .. و مصانع مصر اتنست من البيعة .. و فضلنا نجمع اللانوس و النوبيرا ليومنا هذا !! انا خايف هوب تلاقي مشكلة في المصانع او قطع الغيار !! فياريت الناس الي عايزة تجيب بروتون .. تحترس .. و كمان موضوع الجودة ده بقى فعلا مقلق

انا ناس كتير اوي اقابلهما خصوصا الجين 2 .. يقولي شكل التابلوه يهبل .. بس بعد شهر من التعامل . بتخاف منه من رداءة التصنيع و المواد البلاستيكية ... ده غير بقى الويرا الي صديقي العزيز معاه ..و غير اراء المستخدمين الماليزين نفسهم عن الجين 2 و خصوصا حكاية الجودة دي .

[Heshaam]

أنا ممكن اتفق معاك بخصوص القلق من مستقبل الشركة؛ ولكن زي ما أنا قلت إنها لا تزال مملوكة لحكومة الدولة الماليزية والتي لن تسمح بإنهيارها لإنها جزء من منظومة التنمية الشاملة التي تعمل على تحقيقها- ولو كانت بروتون وضعها صعب للدرجة ديه ما كنتش فولكس فاجن فضلت تتفاوض معاها فترة تزيد عن السنة عشان تتعاون معاها أو تشتريها. والملموس من الشركة - على الأقل في تعاملها مع السوق المصري - هو الحرص على مصلحة العميل وكسب ثقته.

بخصوص موضوع الجودة، أنا قلت رأيي في أكتر من موضوع بخصوص هذا الموضوع. العربية بقالها أكتر من سنة ونص عملت فيهم حوالي 42 ألف مشوفناش منها مشاكل - بخصوص التقفيل زرار المرايات كان اتكسر واتغير في الضمان؛ والتابلوه لا يزال برونفه. ممكن تظهر منها مشاكل بعد كده الله أعلم بس أداء السيارة لا يوحي بذلك.

أنا مبقولش إن الجودة مثالية ولكنها مقبولة بنسبة 97% - وأعتقد ده إنجاز بالنسبة لشركة في عمر بروتون - وخصوصا في ظل حسابات السوق المصري بالنسبة لنا كمستهلكين.

[fahd_628]

[mino]

انا المفروض علي اول الاسبوع كنت رايح اتفق علي الجين 2 و بعدين ليه القلق ده
و بعدين ايه المشكلة لما تيتباع ل فوليكس ما دي اكيد هتبقي ميزه غير كده فولكس مش شركة هابلة عشان تشتري 51% و هي شايفة ان بروتون مالهاش مستقبل

[CryptonX]

أنا ممكن اتفق معاك بخصوص القلق من مستقبل الشركة؛ ولكن زي ما أنا قلت إنها لا تزال مملوكة لحكومة الدولة الماليزية والتي لن تسمح بإنهيارها لإنها جزء من منظومة التنمية الشاملة التي تعمل على تحقيقها- ولو كانت بروتون وضعها صعب للدرجة ديه ما كنتش فولكس فاجن فضلت تتفاوض معاها فترة تزيد عن السنة عشان تتعاون معاها أو تشتريها. والملموس من الشركة - على الأقل في تعاملها مع السوق المصري - هو الحرص على مصلحة العميل وكسب ثقته.

بخصوص موضوع الجودة، أنا قلت رأيي في أكتر من موضوع بخصوص هذا الموضوع. العربية بقالها أكتر من سنة ونص عملت فيهم حوالي 42 ألف مشوفناش منها مشاكل - بخصوص التقفيل زرار المرايات كان اتكسر واتغير في الضمان؛ والتابلوه لا يزال برونفه. ممكن تظهر منها مشاكل بعد كده الله أعلم بس أداء السيارة لا يوحي بذلك.

أنا مبقولش إن الجودة مثالية ولكنها مقبولة بنسبة 97% - وأعتقد ده إنجاز بالنسبة لشركة في عمر بروتون - وخصوصا في ظل حسابات السوق المصري بالنسبة لنا كمستهلكين.

التطويل في المفاوضات ده كان سببه الوحيد ان فولكس كانت عايزة 51% و الحكومة الماليزية رفضت علشان متتحكمش شركة اجنبية في بروتون .. ولكن في الاخر وافقوا برده .. و بالتالي اصبحت قرارات بروتون المستقلبية و سياراتها م مصانعها و مبيعاتها قرارات ستنبع من فولكس فاجن مش من بروتون .. وبما ان بروتون تملك 80% من لوتس , اصبحت فولكس فاجت تملك 41% من لوتس . ونقلا عن كلام مسؤل فولكس فاجن ان لوتس كانت محط نظر فولكس من زمان .. يعني بروتون دي زي بونس :)

كما انه استبعد تسويق سيارات بروتون في الماني بماركات فولكس فاجن .. و نكر بشدة تدخل سيارات فولكس و بروتون في اي نوع من الصناعة .

يعني مش الصفقة دي مش حتعود بأي فائدة على بروتون غير الفلوس بس .

انا مش بعيب السيارة ولكن من حتى تجربتي لها و اول مشفتها في المعرض انا ووالدي .. و كنا مهبولين بيها جدا . و لحد دلوقتي عجباني جدا .. بس بعد ركوب حتى الصني القديمة في المعرض ثم العودة للجين 2 اصبح واضح فرق الجودة , خصوصا ان فرق السعر بين الجين 2 و الصني الان مش كبير .

بس هي تحسب لها تنافسها السعري , فعلا جيد .

يا جماعة انا مش بعيب السيارة في حاجة الا في جودة صناعة التابلوه و الخامات , ودي حاجة شخصيا لا اقبلها تماما قبل الموتور و الاداء واي حاجة تانية .

[Ahmed Anwer]

http://en.wikipedia.org/wiki/Proton_%28carmaker%29

اقروا فيه

Drop of sales
In 2006, Proton's sales dropped 30.4% from 166,118 in 2005 to 115,538 for the Malaysia market,[3][3] with a later report indicating a 55% fall of sales to 962.3 million ringgit, its lowest in at least seven years.[4] This allowed Perodua to overtake Proton as the country's largest passenger carmaker for the first time, with a 41.6% market share, while Proton's market share fell from 40% in 2005 to 32% in 2006. In the period ending December 31, 2006, Proton has also suffered three consecutive quarterly losses. Compared to a profit of 86.5 million ringgit in 2005, the car company lost 281.5 million ringgit in 2006. Proton blamed discounts from rivals. Total losses in 2007's financial year climbed to $169 million.[4]


علي فكرة برودوا فرع ديهاتسو في ماليزيا و حسب كلام الموقع اصبحت هيا السيارة الأولي في ماليزيا

بدلآ من بروتون

[CryptonX]

شكرا .. مش بقولوكو ؟

بالمناسبة برودوا ملهاش اي علاقة بدايهاتسو .. مش فرع ليهم .. فيه بس اتفاثية بتخلي برودوا تستخدم تكنولوجيا دايهاتسوا كشاسية م محركات للمودلات الفديمة

كانشل >>> ميرا
كيليزا >>> ميرا الجديد / شاريد
ميرافي >> سيريون

[Heshaam]

كلام جميل

ولكنه أولا - على الأقل من وجهة نظري - لا يعني أن بروتون منتجاتها سيئة وإنخفاض المبيعات أمر طبيعي مع دخول منافسين جدد. وأنا شايف إن الشراكة مع أو حتى الاندماج في شركة أكبر هو استراتيجية ذكية من قبل القائمين على الإدارة في بروتون - واللي مذكور في الخبر ده إنهم كانوا متوقعين الوضع ده ومجهزين أنفسهم ليه من عام 2004 على لسان مهاتير محمد حسب الموقع التالي: http://www.indiacar.com/xnewdet.asp?id=n7615.

ثانيا، لو الوضع متدهور أوي في بروتون؛ لم تكن فولكس فاجن لتتمسك بها - كانت ممكن استغلت الموقف المالي السئ لها وضغطت عليها لشراء لوتس وانتهى الأمر - وفورد كانت قد سبقتها في المحاولة وفشلت وكانت GM في إنتظار فشل المفاوضات مع VW للدخول إلى حلبة المنافسة.

ثالثا، الأمر أنا شايفه شراكة أكتر منه انتهاء لإسم بروتون؛ لأنها كانت عايشة في ظل سياج من الحماية من المنافسة؛ دلوقتي رفع هذا الغطاء ونظرا لأنها لا زالت في بداية عهدها فتكاليف الانتاج والتشغيل لديها عالية مقارنة بالعشرة الكبار مثلا - مش للقلة الجودة أو رداءة الإنتاج بالضرورة - فكان حل الشراكة ضروري. بالمقابل الشركات الكبرى ك VW , GM تبحث عن منفذ للتوسع في أسواق جنوب شرق آسيا التي تهيمن عليها الصناعة اليابانية تليها الكورية الجنوبية (أعتقد كلنا نتذكر تصريح رئيس VW بأنه يطمح للإطاحة بتويوتا عن عرشها وإحتلال مكانها وتصريح مشابه لرئيس أودي أنها تطمح لآحتلال موقع الصدارة في فئة السيارات الفارهة) فكان اختيارها لبروتون. طريقة إدارة هذه العلاقة قد تختلف على حسب نتاج المفاوضات.

في النهاية، أنا لا أرى أن شراء VW لبروتون أمر مثير للقلق على الأقل في المرحلة الحالية - ممكن نعتبرها هتبقى على قدم المساواة مع بورش - التي وصل بها الأمر في وقت من الأوقات للتقدم بعرض لشراء مجموعة VW الأم ذاتها - وأودي وسيات - وإن كانت الأمور ستتضح أكثر لو أتيحت لنا الفرصة للإطلاع على نص الإتفاق بين الجانبين وإلا فسيكون هذا التصريح جزء من عملية المفاوضات التي لا تزال قائمة بين الجانبين.

وربنا يوعدنا بشركة زي بروتون تتطلع VW لشرائها أو حتى الشراكة معها.

[Ahmed Anwer]

علي فكرة في وقت من الأوقات

VW كانت عايزة تشتري شركة النصر

و لو شركة النصر اتعرضت للبيع برده مائة شركة هتطلب تشتريها

[TAG_Turbo0]

كلام حضرتك مش مطوبط خالص يا أستاذ CryptonX
فولكس هتشارك بس فى شركة بروتون بنسبة 20%
ممكن حضرتك تراجع الموضوع ده والمصر الى فية

http://www.nilemotors.net/Forum/viewtopic.php?t=10439

[yasserayad]

الله يسامحك يا استاذ CryptonX
قلت كلام كتيير احبط الواحد بدون داعى
بس انا قريت كلامك اول مره جالى احباط لانى كنت بفكر جديا اجيب الجين تو ان شاء الله لااسباب عديده
وبعدين قريت كلامك تانى وتمعنت فيه مره واتنين وتلاته لقيته لا يعدو عن كونه راى شخصى فى تفيلالسياره من الداخل
ثانيا خوف من اشياء مستقبليه غير صحيحه
انا احب اقوللك فى عربيات فى مصر قدييييييييمه ونادره وليها قطع غيار والامثله معروفه
وبعدين موضوع الجوده امال تقول ايه للناس اللى بيشتروا الصينى؟؟ لا جوده ولا سعر ولا ضمان قطع غيارمستقبليه ولا اى شى
الصينى عباره عن اشباح بتتباع والله اعلم بعد شهرين يحصل ايه
اما بروتون انا من 15 سنه بشوف الويرا فى مصر والسعوديه كمان
وبعدين دوله معندهاش غير شركه تصنيع سيارات واحده فقط اكيد ده له معنى وايضا نتائج زى السويد مثلا
اجيب ايه فى مصر بفس الجوده ونفس السعر ونفس قوه المتور مع عدم الانتحار فى الصينى (80 الف فقط)
الكورولاا واهوندا روعه بس بكام؟؟
فولكس الموديلات المناسبه سعريا صغيره وبرازيلى؟؟
فيات ماتعرفش برازيلى ولا صينى ولا تركى واسعار كمان مش رخيصه
رينو و فورد قطع غيار نااااااااااااااااااااااااااااااااااااار
اما بقه عربيه كل المصريين كل موديل قصه وحكايه لوحده وعشان ترتاح تذهب للالنترا راسا بس غاليه
ده رائى الشخصى
البروتون فى مصر سعر جيد سياره 8.5 من عشره كماليات محترمه شركه عريقه ولن تغرق ان شاء الله شكل رائع اداء ممتاز
وبعدين سيادتك اخبارك مش صحيحه ولا مترابطه
بتقول 51% وده غير صحيح
بتقةل الماليزيين بيشتكوا هل انت قابلتهم انا فهمت من المواقع اللى (الزملاء) وضعوها انا الموضوع ببساطه انه اصبح موجود فى ماليزيا شركات كتيير يابانيه وخلافه فنسبه البيع قلت الى 30% فقط بعد ما كانت 50%(من المليزيين بيشتروا بروتون)
اصلا 50% معدل مخيف لكنه اصبح 30% فقط ده على كلام موقع البروتون ولانها شركه مش بضخامه الفولكس او جنرال موتورز فلم تتحمل الخساره وهناك فولكس فاجن وشركات اخرى متحفزه من 2005 وما قبلها لشراء هذه الشركه امحترمه والاستفاده مزدوجه يمكن استفاده فولكس اكبر 1 مصانع محترمه جاهزه2 تسويق فى دول جنوب وشرق اسيا......الخ
ارجو من سعادتك تفكر تانى بهدوء من غير خوف من المستقبل وخلينا ياجماعه عندنا جرءاه وجساره وتضحيه من يشتروون الصينى مثلا
اسف لاى شىء يزعل اى واحد منى

[yasserayad]

الأمر أنا شايفه شراكة أكتر منه انتهاء لإسم بروتون؛ لأنها كانت عايشة في ظل سياج من الحماية من المنافسة؛ دلوقتي رفع هذا الغطاء ونظرا لأنها لا زالت في بداية عهدها فتكاليف الانتاج والتشغيل لديها عالية مقارنة بالعشرة الكبار مثلا - مش للقلة الجودة أو رداءة الإنتاج بالضرورة - فكان حل الشراكة ضروري. بالمقابل الشركات الكبرى ك VW , GM تبحث عن منفذ للتوسع في أسواق جنوب شرق آسيا التي تهيمن عليها الصناعة اليابانية تليها الكورية الجنوبية (أعتقد كلنا نتذكر تصريح رئيس VW بأنه يطمح للإطاحة بتويوتا عن عرشها وإحتلال مكانها وتصريح مشابه لرئيس أودي أنها تطمح لآحتلال موقع الصدارة في فئة السيارات الفارهة) فكان اختيارها لبروتون. طريقة إدارة هذه العلاقة قد تختلف على حسب نتاج المفاوضات.

كلام رائع

[yasserayad]

انا معرفش انتو بتجيبوا اخباركوا منين !!

بس يا جماعة بروتون بتغرق ! و مبيعاتها في النازل في كل حتة !

كلام كبير بدون توثيق

و لللأسف حتصبح شركة اوروبية و غير تابعة للحكومة الماليزية .. ودي اخر المستجدات .

فولكس فاجن حتشتري 51% من اسهم بروتون .. و بكدة حتبقى هي المتحكم الرئيسس

دى حتى لو صح فهى شى جيد

بس الخوف ان فولكس فاجن يكون نظرها للوتس مش للبروتون

ده خو شخصى من عند سعادتك مالوش علاقه باى معطيات

او ربما جودة سيارات بروتون المتدهورة تتحست شوية علشان سمعتها الاوروبية زبالة !

برضو راى شخصى للمره التانيه ياسيدى العزيز سياره تباع فى انجلترا بكثلفه اعتمادا على اسم لوتس تبقى زباله؟؟؟؟

http://www.protonownersclub.co.uk

و بالرجوع للمواقع الماليزية تقارير الجودة بتاعت بروتون في هبوط مستمر .. و اصبح المالزيون يتجنبوا بروتون و تفضيل ماركات اجنبية عنها ..

كلام لا يدل على اى شى يدين جوده بروتون عدى جدا احنا كمان بطلنا اوروبى بنسب كبيره ورحنا للكورى واليابانى بعد ماكنت مصر كلها لا تعترف غير بالاوروبى فقط فيات بيجو مرسيدس رينو....

اتا مش بتكلم على كدة .. انا بتكلم على ان الشركة مستقبلها الان مجهول

بدون تعليق ولو ان ان كل كلام سعادتك متجه للخوف المشروع بس ماتخوفش غيرك

انا خايف هوب تلاقي مشكلة في المصانع او قطع الغيار !! فياريت الناس الي عايزة تجيب بروتون .. تحترس ..

برضو خوف ؟؟؟ نجيب بقى صينى اضمن؟؟

انا ناس كتير اوي اقابلهما خصوصا الجين 2 .. يقولي شكل التابلوه يهبل .. بس بعد شهر من التعامل . بتخاف منه من رداءة التصنيع و المواد البلاستيكية ... ده غير بقى الويرا الي صديقي العزيز معاه ..و غير اراء المستخدمين الماليزين نفسهم عن الجين 2 و خصوصا حكاية الجودة دي .

اكتر من اللى فى المنتدى هنا
انا ملاحظ فى الشهر الاخير عدد الجين تو فى ازدياد مطرد والله انا بشوف بعينى
والله اعلم