قدر الله ومشاء فعل الواجا اتخبطت ..واستسفار سريع

[eslamkasem]

الحمد لله يا جماعه خدت الشر والحمد لله هديت شويه

ان شاء الله الصبح بدري هروح اشف شغل السمكره الاول وبعدين اشوف حكاية الفانوس في ناس بتقولي ممكن تصب وش الفانوس عادي وبسهوله

ربنا يستر وكل حاجه ترجع نفس الاول

في حد من الاعضاء بيسأل انا من المنصوره فعلا ...وتقريبا ان الوحيد الي معاه الواجا في المنصوره كلها

[ehab49]

قدر الله وماشاء فعل حمدلله على سلامتك
ثمن الفانوس الخالفي في محل المدينة او مكة في شارع دمشق 180 ج الشكل الفانوس القديم مش الجديد الي فية زي الرموش .
وفي محل اسمة الملك علي جسر السويس بعد الف مسكن ناس كتير بتشكر في اسعارة بس معرفش بكام بس هيكون ارخص 10ج علي اعلي تقدير
علي فكرة مفيش تغير وش الفانوس بس ممكن تروح شركة الاهرام للبلاستيك في الظاهر وهم بيعملو وش للفانوس بضبط بس الشكل العام هتلاقي بيفرق عن الاصل .
قدر الله وماشاء فعل

[hanyetsh]

قدر الله وما شاء فعل متزعلش نفسك كله نصيب

[eslamkasem]

الف شكر يا جماعه علي الردود الي خففت عني
انا رحت النهارده لواحد سمكري ممتاز ظبط الخبطه بس للاسف قالي لو هتحط معجون لازم ترش الجنب كله هوا ردها كدا ورحت لواحد بوهيجي وجبت ثمن بويه نفس لون العربيه وتعمل كدا من غير معجون بصراحه منظرها وحش اوي تصدقوا بالله منظر الخبطه كان انضف من المنظر دا

عموما الحمد لله

بالنسبه للفانوس لسه معملتش حاجه وهروح بكره اشوف احاول ادور علي حد هنا في المنصوره يعملي وش وفعلا اعتقد ان حتي لو عمله كويس متستحيل يعمل الرموش البيضا الي فيه ..وللاسف شكلي هطر انزل القاهره واروح الحرافين وادعبس هناك علي واحد لان بصراحه حرام ادفع 800 جنيه عشان اجيبه من التوكيل

وبجد ميرسي ليكوا جميعا