والله العظيم إتخنقت

[tamer_aj]

يا جماعة خلاص أنا قرفت أخر قرف من التوكيل ده,

أنا كان عندي النهارده صيانة ال 5000 و كان يوم من أصعب أيام حياتي, مش عايز أحكي و أرغي كتير عن القرف,
بس هاكتفي بأني أقولكم, أقسم يالله العظيم إني كرهت العربية, و رجعت رمتيها في الجراج و فررت إني مش هاركبها لفترة,
و ده بسبب التوكيل,

م. تامر

[Raul_7]

لا حول ولا قوة إلا بالله..

طب يا ريت حضرتك بعد ماتهدي تقولنا بس اللي حصل عشان الكل يستفيد من التجربة برده.

وشكرا ليك.

[rony]

عملوا إيه تاني ؟؟؟

[M.almaghraby]

لا حول ولا قوة الا بالله

يا باشا زعلك بالدنيا

ولا تضايق نفسك خالص

ان شاء الله كل حاجة حتبقي تمام

[Karim_Mohy]

ربنا يعينك

[eslam_wega]

يا باشا مفيش حاجة تستهل انك تزعل نفسك عشانها
يريت بس حضرتك تقول اى تفاصيل عن المشكلة عشان نقدر نساعدك
او رقم حضرتك ومفيش اى قرف ولا حاجة والعربية تمام ان شاء الله

[mahmoud_magdy]

ايه يا بشمهندس خير
ايه اللي حصل
ما كنا تمام النهارده
هما معملوش السينسور عندك ولا ايه
ياريت تطمني

[ahmed_h_g]

ايه اللى حصل بس ؟؟؟
ياريت حضرتك تكتب الموضوع علشان الكل يستفيد .
وعلى فكرة العربيه ملهاش ذنب العربيه ما شاء الله ممتاذه
متعملش صيانه تانى فى التوكيل وياريت تكتب الموضوع لما تفضى .

[Ayman_52]

تمــووور حبيـب الملاييــن

معلش انا عارف انك معاك حــق ... وصدقنى -ان شاء الله- المره الجايه هتتضبط ومش هاتشوف اى حاجه من الكلام دا (وعــد)

والمهندس/امـر متابع كل حاجه ... وانت عارف هو بيتعب اد ايه ... وان شاء الله السلبيات اللى شوفتها المره دى مش تتكرر .


انت فك كده ... وانزل نظف العربيه ... ياعم جينا مالهاش ذنب ... دى باردوا حبيبتك

وان شاء الله الصيانه الجايه هتقول كلام غيــر يامعلـــم

صباح الفل ياباشا

تحيــــــــــــــاتـــى

[tamer_aj]

بإختصار علشان مطولش عليكم, و كمان ماكتبش كتيير, عشان ده موضوع إنشاء, ممكن ياخد يومين كتابة,

بس الأمانة والله يا جماعة تحتم عليا إني أقولكم, اللي عنده مشكلة في العربية يحلها بره التوكيل أحسن له,
م. تامر

[allo]

خير ياباشا ياريت توضح ايه اللي حصل

اللي اعرفه ان انت كان عندك مشكلة في السينسور وهما قاوحوا شوية معاك بس في الاخر قالوا هيغيروه

[mikology]

يا باشمهندس انا اول مره اكتب اى حاجة فى منتدى البروتون
انا ناوى اجيب العربيه الشهر اللى جاى
انت قلقتنى - ايه اللى حصل معاك
والعربيه ذنبها ايه بس ايه اللى حصل

[mark_milad_95]

صدقنى انا من خوفى من التوكيل دا ماروحتش من ساعة ما جبت العربية . بعمل الصيانة برة .
و عندى اصلا بعض المشاكل المفروض تتغير يبع الضمان وانا راضى بيها احسن ما اروح احرق دمى معاهم .

و بعدين يا جماعة معلش انا عايز أسأل سؤال , هو كله بيقول ان المهندس أمر دا راجل تمام و 100% .
طب ايه سبب ان التوكيل وحش ؟! هو مش المهندس أمر دا مدير خدمة ما بعد البيع . يعنى اللى بيحصل دا مسئوليته . واضح انه مش مهتم خالص .

انا معرفش حاجة و مش عايز اظلم حد بس اللى بيحصل دا حاجة تضايق اوى .

[Ahmed.Ali]

والله يا رجاله التوكيل زي اي توكيل في مصر احنا بس الي مش مجربين انا اعرف ناس في منصور و غبور و متبهدليييييييييييييين
ياريت يا مهندس تامر تقولنا الي حصل معاك عشان ممكن كلنا ناخد موقف و نساعدك

[eslam_wega]

والله يا رجاله التوكيل زي اي توكيل في مصر احنا بس الي مش مجربين انا اعرف ناس في منصور و غبور و متبهدليييييييييييييين
ياريت يا مهندس تامر تقولنا الي حصل معاك عشان ممكن كلنا ناخد موقف و نساعدك

فى توكيلات كتير بيضرب بيها المثل والحمدلله فى مصر