استلمت الجين 2 النهاردة

[Eng.Osama.Afifi]

100000000000 مبروك !!

ربنا يباركلك فيها !!

[Heshaam]

ألف مبروك يا أ. tutankhamoun

إن شاء الله ربنا يباركلك فيها ويعطيك خيرها ويقيك شرها يا رب

بخصوص الولاعة والطفاية - أنا مذكرتهمش في الموضوع السابق بتاع حضرتك عن الحاجات الواجب إستلامها - لأن العربية non-smoker ففيها مخرج الكهرباء ال 12 فولت - بجوار فرامل اليد - ولكنه مغطى بغطاء بلاستيكي بدل من الولاعة. أما الطفاية - فموديل 2006 مكانش فيه، مش عارف هل ديه حاجة جديدة في 2007 ولا إيه (هو أ. aboalm كان ذكرها فممكن يفيد حضرتك)

وألف مبروك ... إختيار موفق :lol:

[tutankhamoun]

أولا أنا أمبارح لما رجعت البيت رجعت زي القتيل هلكان من التعب طول اليوم
علشان كدا أنا أتأخرت في الرد عليكوا
بس و الله العظيم ألف شكر لكم جميعا على تهنئتي
ألف شكر فهد .......shocky ........ ياسر ........ الريس .........حازم .....hk52 ...... نادر ......hoko mosha ....... هشام ......sharky ...... التربو ..... pro-drive ..... معاذ .......etch007 ......thebraveeagle
شكرا لكم جميعا و عقبال ما نشوفكم شارينها يارب و تنضموا لنادي الجين 2
بالنسبة للموديل
هو المتوفر حاليا موديل 2007 فقط و لو عايز 2008 ممكن تنستنى شوية و مش عارف أد أيه ؟
........
بعض الملاحظات
السيارة من الداخل تقفيلها ممتاز ........ الخامات المصنوع منها التابلوه و فرش الباب هي شكلها أرخص من عربيات تانية و حتى أنا قارنتها بالواجا فهناك فرق
بس ممكن يكون الفرق علشان الجين 2 رياضية ؟؟؟؟؟ الله أعلم
عموما هي مش وحشة قوي و أنا أديها 7 من 10 بالمقارنة بالبونتو أو الواجا
بالنسبة لعصا السرعات
السرعات قريبة قوي من بعض بش مش مشكلة
و في حاجة تانية مديأني فيها ....... العصا معووجة لناحية السائق و لما تبصلها تحس إنها واخدة الغيار الأول و ده مش عيب في عربية و لكن ييبدوا أن تصميمها كذلك لأن كل الجين 2 كدا لأن أنا بصيت على أكثر من 30 عربية و كلهم نفس الموضوع
النسبة للعدادات طبعا أنا لسة مأختش عليها بس هي أقل جودة صناعيا من البونتو مثلا و الواجا أخت الجين 2
.................
قيادتها ممتعة لأقصى حد
ثبات عالي عالي عالي عالي عالي عالي عالي ..... من دلوقتي للسنةالجاية
ثباتها يا جماعة ملوش حل و عفشتها ماشاء الله ممتازة و مريحة
و أنا حسيت بالفرق ده إمبارح و أنا راجع بيها و بأخد ملف دايما كنت بأخده بالونتو كنت لازم أفرمل و أهدي سرعتي علشان أقدر أخده بدون ما العربية تميل و ده كان في البونتو
أما الجين 2 فحدث و لا حرج كنت ماشي على نفس سرعتي العادية في الملف و العربية ما شاء الله حسيت إن أنا و لا لفيت و لا حاجة
أكني ماشي مستقيم !!!!!!!!
و إن شاء الله هاصورها كمان ساعتين ثلاثة علشان دلوقتي الفجر و الجو مظلم

[ahmed_gamal]

يا باشا موضوع عصاية الفتيس المايل ده ميزة مش عيب و ديما بيكون موجود في العربيات الرياضية علشان تعرف تنتش و تنقل صح

[tutankhamoun]

يا باشا موضوع عصاية الفتيس المايل ده ميزة مش عيب و ديما بيكون موجود في العربيات الرياضية علشان تعرف تنتش و تنقل صح

شكرا على المعلومة يا باشا :-) :-)

[ahmed_gamal]

العفو يا باشا علي ايه بس كان ليا استفسار هي الجين 2 كلها بقي لونها جراي في اسود مافيش بيج هو عموما الجراي من وجهة نظري احلي وقولي ادولك دوسات ولا لا علشان انا لسة سأل صحبي اللي معاه العربية و ادولو دوسات مع العربية

[tutankhamoun]

العفو يا باشا علي ايه بس كان ليا استفسار هي الجين 2 كلها بقي لونها جراي في اسود مافيش بيج هو عموما الجراي من وجهة نظري احلي وقولي ادولك دوسات ولا لا علشان انا لسة سأل صحبي اللي معاه العربية و ادولو دوسات مع العربية

يا باشا فيها ألوان كالتالي
أزرق
زهري ( أزرق فاتح )
أصفر
نحاسي ( برتقالي غامق جدا )
رمادي فاتح
فضي
رمادي بترولي
أسود
و دي الألوان اللي أنا شفتها في التوكيل
بالنسبة للدواسات هي فعلا موجودة بس مش جلد بلاستيك
و لكن بلاستيك موكيت و لو عايز تحافظ عليها لازم تجيب دواسات جلد بلاستيك

[fahd_628]

السرعات قريبة قوي من بعض بش مش مشكلة

دة علشان العربية رياضية يا باشا و حتلاقى حتى الجولف فيها فتيس اسمة short throw shifter و دة بتلاقى النقلات فية قريبة من بعض و دية ميزة مش عيب و حتاخد عليها ان شاء الله ;)

[amrgen]

الف مبروك يا باشاااااااااااااااااااااااااااااااااا
ربنا يعطيك خيرها ويبعد عنك شرها
وعقبالىىىىىىىىىىىى

[MoToRiZeR]

الف الف مبروك و انشاء الله تستمتع بقيادتها علي طول انشاء الله

[mohamed el hussien]

ربنا يباركلك فيها يا باشا
ويكفيك شرها

وطالما عربيتك مانيوال
بجد خف اووي علي نفسك عشان المانيوال مغرية بشكل بشع للجري
فهدي نفسك كدة
والف مبروك

[Islam_galal]

الف الف مبروك و ربنا يكفيك شرها و يرزقك خيرها
و لا تنس ان تشكر الرزاق

[aboalm]

الف مبروك و اسف لتأخرى فى المباركه لانى مش دخلت امس و ربنا يبارك لك فيها

[ahmed ismail]

الف الف الف الف الف مبروك

ربنا يديك خيرها ويكفيك شرها يا رب


خلى بالك لازم تليينها كويس

كل ما تلينها كل ما حتعيش معاك


يا ريت تنزل الفيلم اللى كان اخوان فهد حاطه بتاع طريقة استخدام المستهلك للعربة
حيفيدك اوى اوى فى حاجات كتير مش حتكون واخد بالك منها فى العربية حتاخد بالك منها


مقلتش صوح انت جبتها انهى لون

انا معايا الاصفر :-)

وخلى بالك من روحك العربية مغرية جدا جدا للجرى

[Powert]

الف مبروك العربية يلا عايزين بيها لفه :-) :-) :-) :-)