استهلاك البنزين ...........

[mark_milad_95]

استهلاك البنزين عالى اوى , انا حسبت لقيتها بتعمل:
11.5 ليتر فى ال 100 كم .
يعنى 180 كم فى ال20 ليتر .
يعنى 290 كم فى التفويلة .

و غير كدة العداد اللى بيحسب البنزين اللى موجود يمشيك اد ايه دا غلط خاالص . دا مالوش اى علاقة بالصح , يعنى انا مثلا لما فولت كان كاتب 475 كم , لما البنزين خلص كان كااتب 70 كم ,
يعنى المفروض ان انا مشيت 405 كم , لكن انا كنت مشيت 290 , يعنى فى 115 كم زيادة .

ممكن يكون بيحسب اقل استهلاك للبنزدين , يعنى طريق سفر على سرعة 100 مثلا , هبقى اجرب برده .

[Mohamed.Kader]

يا أستاذنا دا كمبيوتر بيحسب الأرقام دي بناء على الظروف الحالية للعربية إذا كنت ماشي فطريق مقتوح ولاوسط البلد كدا يعني دا غير ان الرقم بيزيد ويقل ممكن تلاقي نفسك في إشارة كاتبلك 260 كم واما تمشي بعدها بثواني يقولك 245كم هو بيحسب لحظي وأما عن سحب البنزين أنا لسا رايح إسكندرية أنبارح ورجعت (مليت التانك من إمارات مصر اللي أول الطريق وأنا رايح وكمان لما رجعت فولت ) أخدت في الطريق دا 26 لتر 460 كم على عداد المسافة للعربية يعني تقريباا الصفيحة عملت 350 كم العربية مكانش فيها غيري ومش مشغل التكييف والمشيي 130:140 كم العربية موديل 2007 جين 2 مانيوال عداد الكم 92500 كم

[aapaap855]

الف مبروك العربية الاول
- استهلاك البنزين في الاول بيكون عالي شوية
- العربية بتاخد بنزين 40 لتر الي 45 يعني لو بتمشي 190 في 20 التفويلة هتكون 380 مش 280 ودة كويس
- استهلاك البنزين ممكن ينزل لو انتا ماشي في طريق مفتوح ممكن يكون 7 لتر لكل 100 كيلو انما لو مشيت في طرق مصر (جوة البلد) ممكن الاستهلاك يزيد ويوصل 14 لتر لكل 100 كيلو.
- استهلاك البنزين الي مكتوب في العداد هوة الي بيتحسب على اساسو انتا لسة معاك بنزين يمشيك اد ايه. واستهلاك البنزين دة تراكمي يعني بيحسب متوسط (مثلا لو مشيت في طريق مفتوح هتلاقيه 7 مثلا وبعدين الطريق وقف المفروض انو يكون 14 مثلا بتلاقي انو كتب متوسط يعني 11 مثلا . فلو انتا عايز تحسب الحسبة صح صفر الاستهلاك ديما قبل متبدا مشوارك)
خلي بالك تاني التانك 40 يعني 380 كيلو مش 280 يعني الفرق 25 كيلو بس

يا رب اكون عرفت اوصل المعلومة ولو في اي استفسار اسال

[ahmed_h_g]

النظام الأقتصادى للوقود هو تغيير نقلات الفتيس على 3 أو 3.5 rpm
حضرتك بتغير على كام ؟؟؟
كل ده بيفرق فى الأستهلاك
لو شوية هواء عكسى هيفرق معاك ولو مطلع خفيف هيفرق ولو بنزين تعبان هيفرق ولو وزن زياده ولو مفك برضه هيفرق ولو عديت ال90 برضه هيفرق معاك فى الأستهلاك
أنا من رأيى ان العربيه استهلاكها طبيعى طالما سواقتك هاديه أو طبيعيه يعنى متحكمش على الأستهلاك وأنته غاوى جرى .

[ahmed_h_g]

مش العربيه اللى يتحكم عليها فى موضوع الأستهلاك
أنته اللى بتستهلك مش هيه
بطريقة سواقتك .

[mark_milad_95]

لا كلام جميل اوى اوى .

واضح ان انتم فاهمين ..

و شكرا على الردود و الاهتمام .

[M.almaghraby]

180 كم معدل عادي جدا و معقول جوا البلد لو سواقة حضرتك رياضية شوية....

[أبومعاذ]

انا فعلا سواقتي رياضية واستهلاكي زيك

[mark_milad_95]

180 كم معدل عادي جدا و معقول جوا البلد لو سواقة حضرتك رياضية شوية....

انا فعلا سواقتي رياضية واستهلاكي زيك

تمام اوى , انا بس كنت فاكر ف مشكلة عندى ولا حاجة ..

كدة تمام .

شكرا .