يوم جميل في التوكيل

[Ayman_52]

هو التعديل الللي اتعمل دا ممكن اي حد يعمله ولا دا مخصوص لحضرتك

لا يامعلــم ... هو تامر بس كان فاتحه الموضوع

التعديل لاى حد عنده مشكله فى الـ iafm ... وقريبــا هيكون فى موضوع بالتفــاصيل دى -ان شاء الله-


..
..


مبروك ياتامر باشا ... وعقبال كل مره مايكون يوم جامد -ان شاء الله-

تحيـــــــــــــاتــــى

[ahmad alshaaer]

يعني ياجماعه بيعدلوا ال 2009 وفلترها وسايبين 2008 وفلترها الجامد اللي بيأخر في السحب

طيب ده كلام !!

يعني 2009 بروتون هي اللي عاملاها و2008 متصنعه من وراهم !

والله بستعجب

[as01241]

السلام عليكم أ/ تامر
كنت عاوز أستفسر من حضرتك هل بعد ما غيروا لك كاوتشات العلبة الصوت إختفى ولا قل أوي ولا إيه , يا ريت حضرتك أعرف منك بس عشان المشكلة دي لسة عندي وف أخر صيانة قالولي زي ما قالولك إنها عيب مالوش حل حاليا ولسة بيشوفوا مع الماليزيين , بس ماغيروش عندي كاوتشات ولا حاجة , فا لو تغيير الكاوتشات دي فرق في عربية حضرتك أروح التوكيل ويغيروها عندي أحسن الصوت بقى زيادة ومقلق جدا , بس بصراحة مش عاوز أروح التوكيل ومايعملوش حاجة وأبقى ضيعت وقت على الفاضي
تحياتي لحضرتك

[M.almaghraby]

كنت عاوز أستفسر من حضرتك هل بعد ما غيروا لك كاوتشات العلبة الصوت إختفى ولا قل أوي ولا إيه , يا ريت حضرتك أعرف منك بس عشان المشكلة دي لسة عندي وف أخر صيانة قالولي زي ما قالولك إنها عيب مالوش حل حاليا ولسة بيشوفوا مع الماليزيين

معلش يا باشا ممكن تقولي العيب الي عندك ايه بالظبط؟

[as01241]

معلش يا باشا ممكن تقولي العيب الي عندك ايه بالظبط؟

المشكلة بتاعة الدريكسيون وأناماشي وبلف في حتة مكسرة أسمع صوت خبط كده سواء بلف يمين أوشمال

[saidbakr]

لي رأي عام بخصوص هذا الموضوع من زمان، و هو ما ينفعشي إن شركة تعتمد في تعاملاتك معاها على شخص. ده إن دل فيدل على هشاشة كيان الشركة و افتقارها إلى نظام إداري سليم.

[M.almaghraby]

هو ما ينفعشي إن شركة تعتمد في تعاملاتك معاها على شخص. ده إن دل فيدل على هشاشة كيان الشركة

يعني ايه!؟؟؟؟؟!!!!!!!!!!؟؟ :dd

[mark_milad_95]

السلام عليكم و رحمة الله و بركاته,

,
و وجدناها فرصة كويسة ندخل نقعد شوية مع المهندس أمر ندردش معاه شوية, و الراجل أستقبلنا بكل ذوق و إحترام رغم مشئولياته الكتيرة و أقعدنا ندردش عن العربية و التوكيل و حاجات تانية كتير, و عرفنا منه أنه متحفظ و مستغرب من عدم مشاركة الناس في موضوعه للرقي بمستوي الخدمة, وإن المشاركات اللي فعلا إيجابية مش كتير خالص و إنه منتظر من الناس شوية أهتمام أكتر من كده و إبداء أراء فعلا جادة و فعالة عشان فعلا هيأخذ بها, مش يدخولوا يكتبوا مشاكلهم و مشاكل عربيتهم...!!!!
قولتلوا فعلا ما هي المشكلة إن في ناس للأسف لا تتجاوب مع المواضيع الهامة إنما يتجوبوا بمنتهي السرعة والحماس في مواضيع تافه زي (أقصي سرعة جبتها بعربيتك...!!!)و (خمست كام خمسة بعربيتك, و أمريكت كام مرة؟), (وهاتركتب شخاليل لعربيتك فين؟ ), و مواضيع من دي كتير الواحد أساسا بيستكلف إنه يدخل يقرئها..... من مجرد عنوانها,
لكن للأسف فيه مواضيع كتير مهمه جدا و مش كل الناس بتتجاوب معاها...!!!!
.

اولا يا باشا بالنسبة لموضوع المهندس أمر فهو مليان حاجات و اقتراحات للرقى بمستوى الخدمة .
بس هو يقدر يعمل اى حاجة .

انا مش عايز اخرج عن الموضوع , بس دا كلام مستفز بصراحة.

المواضيع اللى انت بتتكلم عليها دى رفاهية للعربية , و بعدين الجين 2 اصلا عربية رياضية المفروض مالكها يبقى مستمتع بها , فاناس بتتكلم مع بعض و فى نفس اوقت ابقى بص على موضوع المهندس أمر هتلقى فى كلام مفيد اوى .

و بعدين مش عارف بصراحة , انت شايف المواضيع تافهة و بتستكلف تقراها , ما تضيعش و قتك فيها , ابقى سبها للناس التافهة

[momopersona]

شكرا على التقرير الجميل ده
وفعلا انا لاحظت فرق كبير فى التوكيل فى ااخر صيانه
بس برده مشيت متدايق شويه بسبب حاجه هم مش مقتنعين ان هى عيب عندى والمهندس مدحت مصمم ان كل بروتون كده مع انى سوقت جين توهات كتير والمشكله ان عندى مع كل نقله صوت الموتور بيعلى والrpm بيعلى اكنى بانقل من غير ماشيل رجلى من عالبنزين
هل دى مشكله عندى فعلا ولا ديه عادى عند كله ؟؟؟
ولو مشكله اقنعهم ازاى ؟؟
وياريت تفاصيل اكتر عن تحديث الiafm وامتى هايبئى متوفر لكل العربيات ال 2009 ؟؟

[Ayman_52]

شكرا على التقرير الجميل ده
وفعلا انا لاحظت فرق كبير فى التوكيل فى ااخر صيانه
بس برده مشيت متدايق شويه بسبب حاجه هم مش مقتنعين ان هى عيب عندى والمهندس مدحت مصمم ان كل بروتون كده مع انى سوقت جين توهات كتير والمشكله ان عندى مع كل نقله صوت الموتور بيعلى والrpm بيعلى اكنى بانقل من غير ماشيل رجلى من عالبنزين
هل دى مشكله عندى فعلا ولا ديه عادى عند كله ؟؟؟
ولو مشكله اقنعهم ازاى ؟؟
وياريت تفاصيل اكتر عن تحديث الiafm وامتى هايبئى متوفر لكل العربيات ال 2009 ؟؟

فى دفعه قطع غيــار دخلت من اسبوع ... وفى الغالب هيكون فيهــا الـ iafm

بس عشان فى جرد دلوقتى فى التوكيل ... فلسه مادخلوش قطع الغيار المخازن


تحيــــــــــــاتـــى

[أبومعاذ]

هل موضوع ال iafm ليه علاقة بمشكلة المانيفول؟

[ahmad alshaaer]

يعني بردو 2008 مالوش حل ولا اي اهتمام من الشركه

!!

[dreslam]

هههههههههههههههههههههههه والله ضحكتنى موووت يا دكتور :pointi~2[2]:

والله ياباشا كنا لابسين عادى جدا وداخلين زينا زى أى حد من اللى كانو داخلين معانا

متقلقش يا باشا المهندس تامر ده صديق عمرى وهو مش شغال فى التوكيل ولا شارى أسهم ولا حاجة دا هو أصلا مش لاقى ياكل ووراه أقساط بالهبل ... وأنا عارفو كويس ومراقب تحركاته

يا باشا روح إعمل صيانتك وإطمن ... بس يا ريت تحجز فى أى يوم غير السبت والخميس

وتوكل على الله و إن شاء الله تعمل الصيانة على خير :oc_sun1[1]:

ماشي يا باشا ...حتوكل على الله وحشوف معاد من الاحد الى الاربعاء...وحلبس عادي ومش ححط بارفان حتى واشوف..عشان خاطرك انت بس :)

[momopersona]

هل موضوع ال iafm ليه علاقة بمشكلة المانيفول؟

انا والله ماعرف ايه المانيفول ده اساسا
بس انا عندى العربيه صوتها عالى زياده شويه عن البرسونا وسحبها اضعف بكتير من اى جين وبرسونا حتى ال 2008
هى مشكلة المانيفول دى عندك برده ولا ايه ؟؟؟

[أبومعاذ]

انا والله ماعرف ايه المانيفول ده اساسا
بس انا عندى العربيه صوتها عالى زياده شويه عن البرسونا وسحبها اضعف بكتير من اى جين وبرسونا حتى ال 2008
هى مشكلة المانيفول دى عندك برده ولا ايه ؟؟؟

In automotive engineering, an intake manifold or inlet manifold is the part of an engine that supplies the fuel/air mixture to the cylinders. An exhaust manifold or header collects the exhaust gases from multiple cylinders into one pipe.

مشكلة المانيفول عبارة عن ظهور صوت تكتكة خافت مع صوت الموتور بيخلي صوت الموتور أعلى وظهر في عدد محدود من العربيات وكلها 2009 وهو مش بيأثر على أي حاجة ولا على السحب غير إن صوت الموتور بيبقى أعلى من المعتاد والموضوع دا ظهر عندي والتوكيل ظبطه الحمد لله