عندي مشكلة بأيديال الويرا !!!!!!!!؟؟

[ahmed azab]

عندي مشكلة بالأيديال مش لاقيله حل ومش عارف اذا كان بيتباع جديد وفين وسعره ممكن يكون كام ؟؟؟
وشكرا

[ahmed_h_g]

ايه المشكله اللى حاصله معاك ؟

[ahmed azab]

العربية الصبح لما ادورها علي السلانسيه بتبقي واطية وتقعد تترعش وتبطل لحد ماتسخن وبعد كده تبقي تمام
وكذلك مع التكيف مبتعلاش وبتفضل علي نفس عدد الفات
لما فكت الايديال والبوابة لقيت في ترس فبر جوه الايديال مكسور وهو المسئول عن ضبط لفات الماتور في الحالتين السابقيتن وطبعا مش نافع فيه تصليح او لصق او تغير لانه مبيتبعش لوحده واللي عرفته انها حاجة عامة ومشكلة بتحصل في كل الانواع دي من الايديال وفي الناس حاولوا يعملوا زي الترس ده او يصلحوه ولكن دون جدوي

[ahmed_h_g]

لمبة الأتشك مش منوره معاك لكن العربيه متبرجله ؟
للأسف هتطر تغير البوابه كلها زى ما أنا عملت
البوابه تمنها 800 جنيه و50 جنيه تركيب وأكتف بالكمبيوتر علشان لازم الكنترول يتعرف عليها .

[ahmed_h_g]

معلش سؤال عربيتك موديل كام علشان البوابه بتختلف فى بعض الموديلات .

[ahmed azab]

العربية موديل 2000 واللمبة مش منورة ولا حاجة والعربية حرقها تمام ومفيهاش مشاكل الحمد لله والبوابة نفسها تمام انما فعلا هو الايديال والبوابة بيجوا مع بعض ومش موجودين عند اي حد ولا حتي في التوكيل وكان اخر سعر ليهم في التوكيل حوالي 2500
طبعا استهبال وخصوصا ان الموضوع مش حيوي لانه فارق بس في التشغيل الصبح بتبقي واطية ومبتدروش علي اربي ام عالي هي عموما العربية ظبطت عن الاول بعد ما فكتهم ونضفتهم وسحبها واستجابتها فرقت كمان عن قبل كده

[ahmed_h_g]

يعنى هتغير البوابه ولا لسه مش ناوى ؟؟؟
عالعموم أنا عندى بوابه قديمه حساس الtps اللى فيها بايظ لكن كل التروس وحساس الأيدل شغال
لو عايزها بلغنى
بخصوص اختلاف البوابه احتمال يكون فيه اختلاف لأختلاف الكنترول فى موديل 1999 و2000 عن 2004 و 05 و 06
شوف حضرتك عايز تعمل ايه وأنا معاك .

[ahmed azab]

طيب تمام انا متشكر جدا ليك أ/ أحمد لو كده ممكن اخده من حضرتك واوريه للحد علشان نقدر نحدد هاينفع ولا لأ

[ahmed_h_g]

تمام أنا رقمى 0165229926 كلمنى غدا" ان شاء الله وهقابلك .