عايز اعرف الجين 2 ولا الهيونداى جيتز

[3alo2ah]

ياريت ياجماعه تفيدونى عشان انا ناوى على واحده من الاتنين بعد تفكييير فى حاجات كتير
بس انا سمعت مشاكل كتييييرر اووووووى فى الجين2 فياريت اعرف بس كل عربيه امكانيتها ايه ؟ والثبات والعفشه وطبعا مش خقووول التوكيل عشان عارف توكيل هيونداى اد ايه جميل وبيعامل الناس بمنتهى الكرم وبيحافظ على عربيتهم :D ياريت ياجماعه المساعده

[Heshaam]

أنا كنت في نفس الحيرة بالظبط من سنة ونص... وجبنا الجين تو بعد ما كنا حجزنا الجيتز

هو إختيار شخصي بحت - لأن طبعا في فرق في السعر لصالح الجيتز (الفول أوبشن أتوماتيك بفتحة سقف أعتقد ب 82 ألف في حين أن الجين تو أتوماتيك ب 90 ألف بدون فتحة سقف وبتزيد في حدود 3 آلاف كمان لو زودت السبورت باكج) وهي طبعا سيارة شبابية وشكلها مقبول جدا ومنافسة جدا في فئتها.

لكن الجين تو شكلها أفضل، وحسيتها أمتن وكمان توكيلها أفضل من غبور - بناء على اللي سمعته عنه؛ ده فضلا عن أنها أوسع وتصميمها رياضي (ثباتها وعفشتها لا غبار عليهم)

الموتورين نفس السعة (الجين تو حوالي 110 حصان مقابل 105 على ما أعتقد للجيتز)- تسارع الجين تو أفضل ومش متذكر إذا كان الجيتز فيها ABS-EBD وإير باجز ولا لأ

ضمان الجين تو أطول - وبدأت عمل إنتشار شايف إنه أكتر من الجيتز

ولكن في ناس بتفضل الجيتز على أساس إنها كوري والجين تو ماليزي - وإن كانت قناعتي الشخصية إن الماليزي - مع بعض التحسين في التقفيل - هو أفضل من الكوري (ممكن لو حضرتك اطلعت على بعض موضوعات الجين تو هنا هتلاقي إن كل المشكلات اللي الناس بتكلم عنها حاجات صغيرة جدا وغير مؤثرة)

زي ما قلت في البداية ديه كلها إنطباعاتي الشخصية وفي حدود تجربتي وأنا - الحمد لله - راض تماما عن إختياري؛ وإن شاء الله حد يكون إختار الجيتز يكلمك عنها أكتر.

وطبعا القرار يرجع ليك في التهاية

[3alo2ah]

انا معاك بس ناس كتير خوفتنى من عيوب التقفيل والحاجات دى وانا كمان قريت معظم الموضوعات عن الجين2 والجيتز
هو بالنسبه للجيتز الناس فى مصر مش بتحبها عشان هاتشباك ومن غبور
اما الجين 2 كلو بيقول ان فيها حاجات فى التقفيل وبعض العيوب بيقولو تفادوها فى موديل 2007
فانا برضه حصبر واشوف موديل 2008 يمكن
وعموما ياريت لو اسعار المانيوال معاك وبفتحه السقف برضه ؟
اكووون شاكر جدااااا

[Heshaam]

أعتقد حوالي 75-76 ألف بس مش متأكد

وشوف إنت إحتياجاتك إيه وقرر في ظلها واركب العربيتين وشوف اللي ترتحلها أكتر

وربنا يوفقك للخير

[3alo2ah]

متشكر جدا يا جميل على الافاده

[tutankhamoun]

أستاذ 3alo2ah
سألكمك عن الجين 2 لأني لا أعرف شيئا عن الجيتز
أولا يا سيدي أنا لسة مستلم العربية من حوالي أسبوع
العربية مفيهاش أي مشاكل لا في التقفيل و لا في الموتور
لأن الكل بيقول و بيجمع بضم الياء أن موديل 2007 تم تلافي عيوب التقفيل التي ظهرت في الموديلين السابقين
العربية قوية ......... جميلة .......... متوسطة في استهلاك البنزين أنا لحد دلوقتي عامل حوالي 320 كم و التانك لسه فيه الربع
يعني ممكن تعمل معايا كمان بتاع 100 كيلو و كدا يبقى أستهلاك البنزين بتاعها ممتاز و خلي بالك أنا لسه في التليين و بمشي براحة خالص
مريحة جدا من الداخل ......... كماليتها ممتازة ............ عفشتها ممتازة ......... و ثباتها بقى عايز يوم بحاله أقعد أوصف فيه ........ يعني من الآخر ثبات مفيش بعد كدا
و ثمناه يا سيدي دلوقتي حوالي 82000 جنيه مصري ........ و تأمين ب 2000 جنيه لمدة سنة ( أختياري ) و لكني أنصحك به و اشتريها من التوكيل و آمن معاهم ............ الثمن ده في التوكيل
و لو عايز أي معلومات تاني أنا تحت أمرك

[TAG_Turbo0]

مفيش أى وجه مقارة
جين تو طبعا :lol:

[fahd_628]

جين 22222222222222222222222222

[3alo2ah]

tutankhamoun
متشكر اووى على ردك وبصراحه يا جماعه انا كنت خايف بس ناووو جين 2 بس حد يعرف 2008 ايه نظامها وشكرا

[A. Ibrahim]

مفيش أى وجه مقارة
جين تو طبعا :lol: :lol: :lol: :lol: :lol: :lol: :lol: :lol: :lol: :lol: :lol: :lol: ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;)

[Ahmed REDA]

راي الشخصي جين22222222222222
:)

[mino]

جين2 2008 هتنزل علي نصف شهر ديسمبر انا عرفت لاني ناوي بردو بأذن الله اجيبها و كنت سألت في توكيل عز العرب و فالولي كده :-)

[mohaismail]

جين 2 ابعد عن غبووووووووووووور

[yasserayad]

العربيتين ممتازين
بس رائى الخاص جين 2
لانها كمان اكبر شويه
وربنا يوفقك

[noble911]

قريت في النت
ان نظرا لقوة الموتور الكبيرة و و وزنه بالنسبة لباقي العربية الجيتز
فحصل عدم ثبات علي السرعات و في الملفات
الي جانب ضعف الفرامل مقارنة بقوة الموتور و وزن العربية

فاذا قارنا الكلام ده بمشاكل بسيطة في الجين تو في التقفيل
اذن الجين تو تكسب مليون الميه بادائها الرائع و ثباتها العالي