تيل التوكيل

[werewolf]

السلام عليكم
من كام يوم بدأت اسمع صوت صفارة خفيفة لما ادوس فرامل جامد وبدأت احس ان الفرامل ضعيفة سنة (العربية عاملة 15 الف)
المهم خليت واحد ميكانيكي يبص علي التيل والطنابير قالي التيل عايز يتغيروالطنابير كويسة فيها ريجة بسيطة اوي وقال ان لما التيل الجديد هيطبع هتروح !!!!!!مش عارف ده صح ولا فتي
المهم انا الحقيقة مش حاسس برعشة ولا حاجة لما اضرب فرامل
وكنت محتار جدا اغيره في التوكيل والا اجيبه من بره نتيجة الفرق الوهمي في السعر
المهم عشان مطولش عليكوا قلت يلا اغيره في التوكيل وخلاص عشان لو الطنابير لا قدر الله الريجة زادت اغيرهم تبع الضمان
امبارح رحت التوكيل وغيرت التيل هناك (250 تيل +100 مصنعيات والاجمالي 390 جنيه بالضرائب والمستنقعات)
وطبعا عشان الكل كان عايز يعرف النوع اللي بيركب قلت ليهم يحطو التيل القديم (بوش) في علب التيل الجديد ورفعت الصور ليكم
ورفعت صور التيل القديم عشان عايز رأيكم كان يستاهل يتغير فعلا ولا لأ
عشان انا حاسس انه لسه فيه (بس لو كده بيصفر ليه؟؟؟) وعشان كده خليتهم يجيبوه...ده بوش مش اي حاجة
عموما ان شاء الله لما همشي شوية بالتيل عشان يطبع هبقي اقلكم عامل ايه معايا
واسف لو كنت طولت عليكم
سلام

[Osama.shihata]

ههههههههههههه
معلش مين قلك التيل عايز يتغير ده ماشاء الله مليان وقدام يجى 5000 كيلو على الاقل حتى موصلش للحتة المعدن الى بتدى صوت صفارة مزعج مستمر للتنبيه
الحمد لله انك احتفظت بالاصلى لان ده بوش المانى ميتعوضش
ومبروك عليك التيل الجديد وخد بالك الى اتركب مفيهوش الحتة الحديد دى فمش هيصفر بصوت عالى للتنبيه راجع التيل بعد 15000 كيلو للاطمأنان على حالته وعموما هو تيل كويس وبيطبع علطول
وربنا يباركلك فى عربيتك ويحفظهالك
اللهم امين

[allo]

هو فعلاً زي م أسامة باشا قال التيل لسه بخيره بس أحياناً التيل ممكن يصفر من غير ميخلص وده بيحصل في الغالب مع الأنواع الرديئة بس أحياناً بيحصل مع الأنواع النضيفة معرفش صراحة ليه

عموماً كويس انك احتفظت بالقديم ممكن تركبه بعد كده وممكن للإحتياط قبل متركبه تصنفره على حجر صنفرة في الورشة (حجر سن)

ألف مبروك على التيل الجديد

[m.3abdel3al]

ههههههههههههه
معلش مين قلك التيل عايز يتغير ده ماشاء الله مليان وقدام يجى 5000 كيلو على الاقل حتى موصلش للحتة المعدن الى بتدى صوت صفارة مزعج مستمر للتنبيه
الحمد لله انك احتفظت بالاصلى لان ده بوش المانى ميتعوضش
ومبروك عليك التيل الجديد وخد بالك الى اتركب مفيهوش الحتة الحديد دى فمش هيصفر بصوت عالى للتنبيه راجع التيل بعد 15000 كيلو للاطمأنان على حالته وعموما هو تيل كويس وبيطبع علطول
وربنا يباركلك فى عربيتك ويحفظهالك
اللهم امين

+1111111111111

استااااااااااااااااااااااااااااااااااااااااااااااا اااااااااااذ

[powerofhelll]

تعيش و تاخد غيرها ده لسه بخير

[waleedfesal]

انا برضه شايف انك غيرت التيل بدرى
والرك على المعلم اللى فتالك فيها وقالك عايزه تيل
انا اعتقد انه لو كان فك التيل وصنفره ونظف الطنابير كان ممكن الصوت يروح

.

[gagareen]

واضح جدا ان التيل لسه بدرى عليه وممكن حضرتك تستعمله تانى وكان ممكن تكسر بيه الــ20 الف مستريح زى ما حصل معايا مع العلم ان جينتوتى اوتو

تحياتى

[werewolf]

مانا عربيتي اوتوماتيك
وانا عارف ان الاوتوماتيك بيستهلك التيل اكتر
وقلت اخد رأي ميكانيكي برده عشان انا ماليش في الحاجات دي الصراحة
وهو اللي قال انع عايز يتغير
بس قلت أأمن نفسي احتياطي واخد التيل القديم
ولما احتاج ابقي اركبه...بس برده المفروض التوكيل كان يقول انه سليم

بس اللي المفروض يعمل الصفارة لما التيل فعلا يخلص هو الجزء النحاس اللي باين في الصورة ده ؟؟؟؟
ولا حاجة بتبقي جوه التيل نفسه ؟؟
وشكرا لكل من ساهم في الموضوع

[ramyar]

المهم صوت الصفاره راح

[elkholy_1981]

التيل ممكن يصفر عادى جدا لما يكون فى تراب او مياه على التيل و بيروح بعد فترة

[werewolf]

لأ بيصفر جامد أوي كمان عند دوسة معينة
لو دوست جامد مابيصفرش وقليل برده مبيصفرش
لو دست فرامل بدرجة معينة بيصفر جامد
قبل ما اغير التيل كانت تعتبر مش مسموعة بالنسبة لصفارة الحكم دي
بس برده انا ما مشيتش بيها غير كام كيلو
معرفش لما تطبع الصوت ممكن يختفي ولا ايه

[ahmad alshaaer]

التيل الاصلي مايتعوضش وعن تجربه

عموما انت هتغير ده ثريب لو مش هتستحمل صوته ولكن عندك في السوق بأه اكتر من نوع وعن تجربه كلهم زي بعض اذا كان الريمسا الاسباني او الايطالي او الااف بي كيه

تحياتي

[M.almaghraby]

Cleaning the brake discs by water makes any sound disappear