Tweet
صديقى وأنا....والبيرسونا.......بناءا على طلب الجماهير
الجزء الاول -
جلسنا أنا وصديقى فى عنبر السيارات الخطرة، يحدثنى عن السيارة ويعتذر لى عن سوء فهمه وغبائه الذى أوقعنا فى هذا المأزق...أقصد العنبر ، واذا بزميل لنا يتقدم تجاهنا من بعيد ويمسك فى يده ورده ويقطع منها ورقة تلو الاخرى قائلا
جلسنا أنا وصديقى فى عنبر السيارات الخطرة، يحدثنى عن السيارة ويعتذر لى عن سوء فهمه وغبائه الذى أوقعنا فى هذا المأزق...أقصد العنبر ، واذا بزميل لنا يتقدم تجاهنا من بعيد ويمسك فى يده ورده ويقطع منها ورقة تلو الاخرى قائلا
- حلوة ، مش حلوة ، حلوة ، مش حلوة ، حلوة ، .....
وسأله صديقى
- هى ايه دى اللى حلوة ومش حلوة يا استاذ
فرد قائلا....
- الجين تو...
- وايه علاقة الوردة بالعربية .....
- أما انك مجنون صحيح .....هذا ماقالة الزميل لصديقى...مش عارف ايه علاقة الوردة بالعربية...يا جاهل
- أدينا بنتعلم من حضرتك ...وبنستقى من بحور علومك....قولنا يا استاذ
- انت صعبت عليا....علشان كده هاقولك....الوردة بتدبل ........أما العربية.....فبتمشى.......يا جاهل.....واظن كده وضحت .....ومش هاتكلم أكتر من كده
- الله........صرخ صديقى فى الزميل العزيز......انت جهبز........انت فلته..........انت محصلتش
وهمس فى اذنى قائلا............احنا لازم نهرب من هنا بسرعة
وفجأة ....ضربت يد على كتفى بقوة ...وسمعت صوت يقول
- انت صاحب الطبق الطاير الاسود اللى مركب رينجات وجنوط سبور
ونظرت خلفى لاجد زميل أخر من العقلاء.........فقلت له
- لا حضرتك ......انا جاى بعربية ......مش بطبق طاير
وأخذ يضحك .....ويضحك......حتى كاد أن يموت من الضحك...ونظر الى ساخرا ، محتقرا جهلى
- وهو ايه الفرق بين العربية والطبق الطاير يا متخلف.........يقصدنى أنا بالطبع...
- لا معرفش الحقيقة
- العربية ..............
وقبل ان يكمل جملته...انفتح باب العنبر ، ونادى علينا سيادة البيه التمرجى
- خد هنا يا مجنون منك له ........الدكتور عايزكم
وذهبنا للدكتور أملين أن يكون قد اقتنع برجاحة عقولنا وسلامة تفكيرنا بعد ان قاد السيارة
- حالتين الجين تو الجداد وصلو يادكتور.....
ونظر الينا الدكتور بتفحص وتدقيق ....نظرة طبية محترفة من فوق النظارة ...ونادانى
- تعالى هنا يا حبيبى.....متخافش
- ايوة يادكتور
- وانت بقى الحالة دى بتجيلك من امتى
- حالة ايه... أنا كويس
- أكيد طبعا انت زى الفل..........الاحاسيس اللى بتجيلك دى بخصوص الجين تو
- اه........من زمان من قبل ماشتريها........ليه
- مجرد سؤال......متقلقش......بس مش شايف انك مبالغ شوية
- لا...ليه....ده العادى يعنى
- شوف يا ابنى....أنا عايز أقولك حاجة......العربية دى جماد ، مبتسمعش ومبتحسش ومبتفهمش ، شوية حديد ، أنا جربتها بنفسى ....مفيهاش اى حاجة......وانت وصاحبك هاتفضلو معانا هنا شوية لغاية ماتقتنعو بكده
- لالا يادكتور ...حديد فى حديد....احنا مقلناش حاجة.....لا بتفهم ولا بتحس ولا أى حاجة.....نرووح بقى
- خلاص.....أنا هاسيبكو تروحو......بس لو رجعتو فكلامكو...انتو أحرار
وتركنا الدكتور لنذهب .....واذا به يذهب معنا الى السيارة ليودعنا.....بنفسه....وما ان ركبنا حتى مال ناحية الكبوت هامسا للسيارة قائلا ...
- اوكى يا جى جى يا حبيبتى.....اشوفك بعدين....خللى بالك من نفسك......على موبايلات بقى
وانطلقت وصديقى بالجين تو تجاه المنزل ..وصديقى ينظر من شباك السيارة ، واذا ببيرسونا تمر من أمامنا بمنتهى الرشاقة ، وانتفض صديقى من على الكرسى
- ايه العربية الحلوة دى
- دى البيرسونا ياعم...اخت الجين تو....
- دى حلوة أوى....أناهاشتريها
- كويس جدا ، بكرة نبقى نروح نحجزها
- لالا....اطلع دلوقتى على المعرض
- حاضرياسيدى
وذهبنا الى المعرض ، ليشاهد البيرسونا ....وبمجرد أن وجد البيرسونا ....ارتمى على الكبوت وقال لى
- أنا مش ماشى من هنا الا وانا راكب العربية دى
وقال موظف المبيعات لصديقى
- معلش يا استاذ....العربية دى محجوزة وصاحبها قاعد فيها أهو
- فين صاحبها ده
وفتح صديقى الباب ليفاجأ بصاحب السيارة
- أهلا أهلا.....دكتور .....انت هاتشترى بيرسونا والا ايه
- اه....ها....ها....أصلى الحقيقة حسيت ان فى حاجة غريبة بينى وبين العربية دى
وجلس صديقى والدكتور داخل البيرسونا ، ورجل المبيعات ينظراليهم باستغراب شديد متعجبا فقلت له
- معاك تليفون
- ايوة معايا
- طب تسمحلى أعمل مكالمة......الو.....مستشفى الامراض العقلية .......أكلم عنبر السيارات الخطرة لو سمحت.......
Comment