If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
إعـــــــلان
Collapse
.
,
See more
See less
مقابلـه سريعـه فى التوكيـل بمناسبـة :Car Service Orientation Event:
دى عشان اجراء الصيانات الدوريه ... وهى بدون حجز مسبق
تحيــــــــــــاتــــــــى
السلام عليكم جميعا
بخصوص الصيانة السريعة وكلام أيمن في التوبيك ده قلت أبلغكم باللي حصل معايا إمبارح
بعد ماقريت التوبيك ده من فترة قلت أجرب أنا كنت عامل صيانة 10000 والصيانة الجاية 20000 والعربية عاملة دلوقتي 15000 قلت أروح يوم الصبح بدري أربط عفشة وكان عندي مشكلة بسيطة في عصاية الفتيس حاجات بسيطة يعني تتعمل على طول وقلت مش مستاهلة أحجز يعني وبعدين ماهو بقى في مركز صيانة سريعة بقى !!!! ههههههه منتهى السذاجة مني الحقيقة المهم روحت وده اللي حصل
رجل الأمن اللي على الباب : حضرتك حاجز
أنا : لأ دا أنا جاي مركز الصيانة السريعة
هو : تتنيحة جميلة وكأني قلتها بالإنجليزي وبعدين سألني فين المركز ده ؟
أنا : هنا عندكم
هو : معلش طالما حضرتك مش حاجز إركن العربية برة وبعدين أدخل أحجز
أنا بقى لقيت الموضوع مافيش فايدة معاه روحت مظبط نفسي وقلتله لأ ما أنا كلمتهم وقالولي تعالى
هو : ماصدق وقاللي يعني حضرتك كلمتهم طب إتفضل أدخل
دخلت وجاللي واحد إسمه يسري
نفس الحوار بالظبط وكأني بتكلم عن توكيل تاني مثلا أو كأني جاي من كوكب أخر
المهم عشان يحل معايا قاللي أدخل للمهندس سيد هو المسئول روحت له
حكيت نفس القصة تاني ولقيت المهندس سيد بغرابة شديدة بيسألني هما قالولك فين المركز ده ؟؟؟؟؟؟!!!
قلتله على المنتدى والإعلان ومهندس آمر , الراجل الحقيقة أول ما سمع مهندس آمر قاللي طيب ماشي إنت بس هتعمل البندين دول العفشة وعصاية الفتيس , قلتله آه , قاللي مافيش مشكلة المهندسة إيمان هتجيلك ........ وفضلت مستني شوية وبعدين لقيت يسري ده جاي بيقولي المهندسة إيمان عاوزاك ولقيت حوارات وحواديت غريبة كده مش مفهومة ..... المهم دخلتلها وحكيت نفس الحكاية تاني وكنت زهقت بقى الصراحة وقلتلها من الأخر إيه المشكلة .....الست الحقيقة كانت صريحة معايا وقالتي المشكلة في مصنعية الصيانة لازم تدفع مصنعية كاملة من 150 ل 170 جنية على حسب فقلتلها يا كده يا إما أمشي فا سكتت .......فهمت بقى ساعتها إن أنا إنسان ساذج جدا وما أنفعش مع العالم دي .....قلتلها لأ كده بقى أعمل صيانة ال 15000 كاملة طالما كده كده هدفع مصنعية كاملة .....وهو ده اللي حصل
واضح كده إن المهندس آمر ومجهوداته وطبعا جهود أيمن ...ده كله في وادي والمجموعة اللي في توكيل الصحراوي بالذات في وادي تاني خاااااااااااااااااااااااااااالص
وآسف على الإطالة
Comment