صوت سرسبة ماء من داخل التابلوه ... Gen-2

[Abdelrahman.H]

إزيكم يا شباب .... أنا بقالي فترة بسمع صوت سرسبة ماء من داخل التابلوه ... Gen-2
زي ما يكون في ماء بيتدلق .... هو بالضبط عامل زي صوت الماء اللي بتسمعه من النافورة الديكور الصغيرة اللى بتتحط في البيت دي ...
الغريب إن لا يوجد أي ماء على الأرض في صالون العربية ...


حد فيكم موجود عنده الصوت ده أو يعرف هو إيه

على فكرة العربية موديل 2006 يعني بقالها معايا 3 سنين ونصف وعمري ما سمعت الصوت ده أبدا إلا من إسبوعين

[ahmed_h_g]

المشكله ديه أتسأل عليها مهندس هانى الغندور المقابله اللى فاتت وكان الرد أن الصوت ده بيتسمع أول ما بتدور العربيه الصبح والسبب ان التكييف السخن واخد ماسورة مياه من الرداتير بحيث يستفاد بالهواء الساخن(من خارج المواسير المار بها المياه الساخنه ) ويتم سحبه عالكابينه (فى حالة التكييف السخن فقط)
المواسير ديه أول ما بتدور العربيه بيبقى فيها فقاعات هواء بتمر فى المواسير لفتره بسيطه لغاية ما تتملى
بس كده ... موضوع بسيط مفيهوش مشكله .

[Abdelrahman.H]

تسلم يا كبيييييييييير على الرد الجامد ده ... العلم نور يا جدعان

[XXXMEMOXXX]

المشكله ديه أتسأل عليها مهندس هانى الغندور المقابله اللى فاتت وكان الرد أن الصوت ده بيتسمع أول ما بتدور العربيه الصبح والسبب ان التكييف السخن واخد ماسورة مياه من الرداتير بحيث يستفاد بالهواء الساخن(من خارج المواسير المار بها المياه الساخنه ) ويتم سحبه عالكابينه (فى حالة التكييف السخن فقط)
المواسير ديه أول ما بتدور العربيه بيبقى فيها فقاعات هواء بتمر فى المواسير لفتره بسيطه لغاية ما تتملى
بس كده ... موضوع بسيط مفيهوش مشكله .

كلام جميل ,شكرا يا ابوحمييد على المعلومه الجديده

[pharonicking]

الكلام دة فى كل العربيات ولا بروتون بس؟

[Raul_7]

الكلام دة فى كل العربيات ولا بروتون بس؟

أنا ساعات بلاحظ الصوت ده في الانوس عندي لما بدورها الصبح فعلا وبعدين بيختفي.

[Boory]

و أنا سمعته في الميجان

[ahmed_h_g]

ملحوظه بسيطه .
الصوت ده بيظهر فى بعض العربيات لكن السبب بيكون تانك البنزين مصنوع من ماده خفيفه شديدة الصلابه
فلما التانك بيبقى مش مليان للأخر صوت رجة البنزين بيظهر فى بعض الأحيان داخل الكابينه بيظهر كأنك بترج لتر كولا أو جركن مياه
برضه صوت مالوش لزمه
وبيختفى لو التانك مليان للأخر .

[EZABY]

انا بجد بشكر صاحب التوبيك ده لأن الصوت ده مجنني بقالو سنتين وملقتش حد عارف وطبعا شكرا للعضو اللي وضح الفكره