الرجاء دخول كل ملاك البرسونا للمساعدة فورا

[batoot556]

السلام عليكم اولا
انهاردة روحت التوكيل وكنت واخد معايا الحاجة والدتى وابن عمر ورايح احجز جين2 وقابلت أ محسن وشوية وقولت احنا خارجين نتفرج على العربية وطبعا انا عارفها واذ بوالدتى بتقولى العربية اللى هناك دى اشيك واحلى وببص لقيت بيرسونا فقولت لا يا ماما دى حلوة بردة وبعدين روحت وركبتها لقيتها اوسع سنة صغيرة من وجهة نظرى ولكن من وجهة نظر الحاجة هى عربية عائلية للمستقبل مع العلم انى مش متجوز ولكن كمان سألنا قالو نفس الامكانيات فيا ريت انا عايز اتوماتيك فعايز اعرف هى البيرسونا نفس اداء الجين 2 ولا مختلفة واية مشاكلها بردة وبالنسبة للوتوماتيك بردة سحبها زى الجين 2
ارجو الرد سريعا لانى حجزت بس قولتلوا متكتبش الموديل اكتب بروتون بس واللون ميتال جراى
انا محتاااااااااااااار وحتجنن بعد عشقى للجين 2 ابيعها فى لحظة علشان اختها سرقت الانظار

[momopersona]

يا باشا البيرسونا هى نفسها الجين 2 بالظبط فى كل حاجه
واوسع من ورا عشان سقفها اعلى قليلا وشنطتها اكبر وبس
لكن نفس الموتور والفتيس والعفشه وكل قطع الغيار ماعدا الاكصدام الخلفى والشنطه
فشوف انت مرتاح لايه اكتر واتكل على الله
عربيه جميله جدا واهم حاجه ترضى الوالده

وعلى فكره احنا برضو كنا هانجيب جين 2 ولما شوفنا البيرسونا جبناها

[hesham_soaida]

العربيتين ادائهم واحد. بس انا حاسس ان الجين عاجباك أكثر. انا رأيي مع احترامي لكلام الوالدة, هات العربية اللي عاجباك اكثر, مش كل يوم الواحد بيشتري عربية, وبالنسبة لموضوع العربية العائلية, انت على متتجوز وتخلف عيال كثير ويكبروا ويزحموا العربية, حتكون بعتها وجبت غيرها. دا مجرد رأي

[Hossam_Hassan]

ارضى والدتك فى اى حاجة.

[memo_p910]

البرسونا افضل في رأيي تجمع ما بين السيدان والشكل الرياضي

[jisso82]

أنا رأيى بصراحة من رأى momopersona أنا برده كنت هشترى الجين و مازلت أحيانا لما بشوفها بيبقى نفسى تبقى معايا بس عمرى ما اتمنيتها مقابل إنى أستغنى عن البرسونا رغم إنى مش متجوز زيك و لسه ما عنديش عيلة و لا حاجة بس الصالون فعلا وراء أوسع عشان الارتفاع فبيدى راحة أكبر للى قاعد ورا مهما كنت الأوزان و الأحجام و الشنطة بسم الله ما شاء الله أسعفتنى أكتر من مرة و كفاية لما يبقى فيه نقلة حاجات كتير بجد ما بقناش نستعمل عربيتين زى زمان كان معانا سويفت و لانوس. دلوقتى البرسونا يا باشا بتشيل الليلة كلها.
و أنا معاك إن الجين أشيك و شبابى أكتر شوية بس يوم ما هتتزنق فى الشنطة و لو فى موقف واحد بس هتسأل نفسك كان قدامى أختها و ما جبتهاش. ده غير إنك لازم تبص لقدام و لو انت دلوقتى مش متجوز و مش معاك عيلة ممكن الموضوع ده يتحقق بأسرع مما تتصور مش بعد مدة طويلة زى ما انت بتحسبها. ما تعتبرش كلامى نوع من التأثير على قرارك أنا بس حبيت أشركك معايا بناءا على المزايا و المقومات اللى خلتنى فضلت البرسونا فى النهاية

[ehabsharaf]

البرسونا افضل في رأيي تجمع ما بين السيدان والشكل الرياضي

+111111111111111111
بالتوفيق ان شاء الله

[batoot556]

متشكرين يا احلى شباب ومستنى باقى الآراء وبس محدش رد ليا فى موضوع سحب العربيتين واحد ولا وبردة الاتزان واحد بردة وبجد شكرا لكل الناس الجميلة اللى ردت

[batoot556]

يا باشا البيرسونا هى نفسها الجين 2 بالظبط فى كل حاجه
واوسع من ورا عشان سقفها اعلى قليلا وشنطتها اكبر وبس
لكن نفس الموتور والفتيس والعفشه وكل قطع الغيار ماعدا الاكصدام الخلفى والشنطه
فشوف انت مرتاح لايه اكتر واتكل على الله
عربيه جميله جدا واهم حاجه ترضى الوالده

وعلى فكره احنا برضو كنا هانجيب جين 2 ولما شوفنا البيرسونا جبناها

شكرا يا باشا وشكلها كدة حترسى على البيرسونا

[batoot556]

أنا رأيى بصراحة من رأى momopersona أنا برده كنت هشترى الجين و مازلت أحيانا لما بشوفها بيبقى نفسى تبقى معايا بس عمرى ما اتمنيتها مقابل إنى أستغنى عن البرسونا رغم إنى مش متجوز زيك و لسه ما عنديش عيلة و لا حاجة بس الصالون فعلا وراء أوسع عشان الارتفاع فبيدى راحة أكبر للى قاعد ورا مهما كنت الأوزان و الأحجام و الشنطة بسم الله ما شاء الله أسعفتنى أكتر من مرة و كفاية لما يبقى فيه نقلة حاجات كتير بجد ما بقناش نستعمل عربيتين زى زمان كان معانا سويفت و لانوس. دلوقتى البرسونا يا باشا بتشيل الليلة كلها.
و أنا معاك إن الجين أشيك و شبابى أكتر شوية بس يوم ما هتتزنق فى الشنطة و لو فى موقف واحد بس هتسأل نفسك كان قدامى أختها و ما جبتهاش. ده غير إنك لازم تبص لقدام و لو انت دلوقتى مش متجوز و مش معاك عيلة ممكن الموضوع ده يتحقق بأسرع مما تتصور مش بعد مدة طويلة زى ما انت بتحسبها. ما تعتبرش كلامى نوع من التأثير على قرارك أنا بس حبيت أشركك معايا بناءا على المزايا و المقومات اللى خلتنى فضلت البرسونا فى النهاية

مفيش كلام بعد كلامك يا باشا صح بس انا صعبان عليا الجين بس فعلا هى البيرسونا اجمل

[batoot556]

يا باشا البيرسونا هى نفسها الجين 2 بالظبط فى كل حاجه
واوسع من ورا عشان سقفها اعلى قليلا وشنطتها اكبر وبس
لكن نفس الموتور والفتيس والعفشه وكل قطع الغيار ماعدا الاكصدام الخلفى والشنطه
فشوف انت مرتاح لايه اكتر واتكل على الله
عربيه جميله جدا واهم حاجه ترضى الوالده

وعلى فكره احنا برضو كنا هانجيب جين 2 ولما شوفنا البيرسونا جبناها

شكرا يا باشا بس سحب العربية بردة واحد وادائها رياضى بردة زى الجين2

[Abo.Mayyam]

سحبها هو هو زى الجين 2... عفشتها هى هى الجين 2

السحب للإتنين :

الأوتو جامد جدا والكيك داون بسم الله ما شاء الله بيسعف عند الحاجة.

والمانيوال تحفة بجد. وبيحسسك بقوة العربية..

بس إنت متنساش تستخير وربنا يعملك اللى فيه الخير إن شاء الله

[momopersona]

شكرا يا باشا بس سحب العربية بردة واحد وادائها رياضى بردة زى الجين2

بالظبط مافيش اى اختلاف غير فرق وزن حوالى 20 كيلو فى الجزء الحلفى
ياباشا هى عربيه واحده دى سيدان ودى ليفت باك وبس
العربيه بتنزل فى بلاد باسم gen-2 sedan
اى معلومه تعرفها عن الجين هى نفسها فى البيرسونا ماعدا حجم الشنطه اكبر فى البيرسونا ووسع الكنبه اكبر فى البيرسونا عشان السقف اعلى وبس
وربنا يوفق

[batoot556]

انا مش عارف اقولكم اية شكرا بجد وانا طبعا حبقى اقولكم على اخر الاخبار لما استلم ان شاء اللة

[Raul_7]

ماعدا الاكصدام الخلفى والشنطه

زود عالإختلافات ده الكصدام الأدماني بالشبكة, و الجنوط السبورت المختلف والكراسي الاودامانية المختلفة. وبكده يبقى ديه كل الاختلافات.