Tweet
نعود مرة أخرى للحوار العائلى الدائر فى المعرض
ساجا : هو فيه ايه با أبله
ساجا : هو فيه ايه با أبله
واجا : مفيش ياحبيبتى.....فى ناس جايين النهارده يتكلموا عليكى
ساجا : يتكلموا عليا ليه......هو انا عملت حاجة
واجا : لا .....يعنى عايزين ياخدوكى معاهم....وتبقى بتاعتهم
ساجا : اه......فهمت.....واخرج اتفسح معاهم كل يوم والعب وكده
واجا : لا يا سوسو ....مش كله لعب ...هاتوصيليهم فى أى حته همة عايزين يروحوها...وتشيليهم وتاخدى بالك منهم
جين : يا أختى سيبيها ..........دى مفيش فايده فيها ، أبوكى معلمهاش حاجة ، باعتهالنا ميحة.........استيكة
ساجا : أنا مش استيكة.......
جين : أمال انتى ايه يافالحة؟
ساجا : أنا برراية......هههههههه
واجا : خلاص بقى يابنت....الضيوف جم.......
ويدخل الضيوف الى المعرض......مشمرين عن سواعدهم
ساجا : يا مامى.......همة بيبصولى كده ليه من فوق لتحت.....وده مين ده كمان اللى بيفتح الكبوت.....عيب يا أستاذ كده....سيب الكبوت؟
واجا : بس ياسوسو......سيبيهم يتفرجوا.....عادى يا حبيبتى....مش لازم يشوفوكى كويس
ساجا : لالا...انا مش عايزة اروح معاهم...خلينى هنا .....شوفى كمان فاتحين الابواب كلها وعمالين يفتشوا فيا ازاى ...زى مايكون سرقت منهم حاجة
جين : معلش ياسوسو...دول بيطمنوا عليكى بس......
ساجا : الحقينى يا أبلة.....دة كمان عمال يفتح الكاسيت ، ويقفل فى السنتر ....ده ناقص يشغل الموتور كمان
واجا : وبعدين معاكى بقى........الظاهر فعلا انك أستيكة
ساجا : انت يا أستاذ انت ياللى قاعد بتلعب فى السنتر.........لو سمحت هات المفتاح ده.........مش بيرد ليه ده؟......أطرش ده ولا ايه
جين : عيب كده يا بنت.......مش هايرد عليكى دلوقتى ........مش بيسمعك .......شوية كده لما ياخد عليكى....هايبقى يفهم انتى عايزة ايه
ساجا : والله العظيم أنا ما فاهمة حاجة......وبرده عمال يبصللى من فوق لتحت......ماتحترم نفسك بقى يا أخى.......يعنى انتى لو عندك عربية ...ترضى حد يبصلها كده
والان .....انتهت عملية الاستلام.....ويبدا الجميع فى التحرك
واجا : خلاص بقى ياسوسو ......خللى بالك من نفسك يا حبيبتى....وابقى تعالى زورينا ....ولو مالقيتيناش هنا ، هاتلاقينا فى التوكيل
ساجا : توكيل ايه ، انتو اتهبلتو ولا ايه ......انا مش ماشية من هنا...والافندى اللى راكب ده....انا هاحدفه من الشباك دلوقتى....علشان يحرم يعمل كده تانى
جين : ماتخافيش ياسوسو......احنا هانتقابل كتير .......متقلقيش....ده انتى هاتنبسطى خالص ، وهاتتفسحى ، وتمشى فى الطريق الصحراوى ، وكمان هاتشربى زيت بالفراوله اللى بتحبيه
ساجا : بجد......طب خلاص هاروح معاه .........وانت أسمك ايه بقى يا أخ ؟....اه صح.....انت مابتفهمش.....غبى يعنى......طب وبعدين ، هاتفاهم ازاى مع البنى أدم ده
واجا : بصى ياسوسو يا حبيبتى......لما تبقى عايزة حاجة ، نوريله لمبة من اللى فى العدادات ، وهو هايفم......وشوية كده ، هو هايعرف لوحده.......همة بيبقة أغبيا فى الاول صحيح.....بس بعد كده بيتعلموا
ساجا : حاضر يا أبلة
واجا : يالا بقى يا حبيبتى...........ابقى خلينا نشوفك
ساجا : مع السلامة يا أبلة.......مع السلامة يا جى جى.......هه هه هه
جين : هاتوحشنى المفعوصة دى
وتذهب الساجا مع صاحبها الذى ينتظرها منذ فترة طويلة راجيا من الله أن يبارك له فيها .
.
.
Comment