تظبيط زجاج الساجا

[yaseenmohamed]

السلام عليكم ورحمه الله وبركاته
انتو عارفين ان الساجا الزجاج الخلفي لها مانيوال...
كنت بفكر اعمله كهربا في صيانه الالف القادمه ان شاء الله
ايه رأيكم ؟..وعايز أعرف التكلفه كام ؟..وهل بتتعمل الازرار في نفس الابواب وبصوره ماتبنش انها معموله ولا بيعملولها زراير في التابلوه ؟
تحياتي.....

ان الله وملائكته يصلون علي النبي يا ايها الذين امنوا صلوا عليه وسلموا تسليما

[ramyar]

انا مش معاك هيبقي شكلها وحش كمان ممكن الضفيره تطلع من الضمان ولو عملتها في التوكيل هتبقي غاليه كمان ماتنساش ان مافيش خراطيم خلفيه للابواب يعني شغلانه كمان الاكر مكانها هتعمل فيه ايه

[ahmed_h_g]

شكلها هيبان وهيبقى فيه شغل كتير فى الكهربا وأكيد هيبقى فيها مشاكل علشان أساسا" مش نازله فى العربيه
خليها كده أفضل .

[ahmedbakr50]

شكلها هيبان وهيبقى فيه شغل كتير فى الكهربا وأكيد هيبقى فيها مشاكل علشان أساسا" مش نازله فى العربيه
خليها كده أفضل .

أنا معاك

[A.Saad]

لو هتتعمل
لو لقيت فرش فيه الزراير الاصلى
هتركبه مكان اللى عندك

لو مفيش

بتجيب زراير استاندر
وبتحط مكان الاكر طبات

[DR_EMAD]

من المفترض أن طقم الزراير هتتغير عند حضرتك من التوكيل
وهيركبوا مجموعة جديدة للأربع أبواب .. وبالتالى مش هتبقى ظاهرة

وطبعا لما تعمل الموضوع ده من خلال التوكيل
مفيش حاجة هتطلع برة الضمان

وبتحط مكان الاكر طبات

بالتوفيق إن شاء الله

[Samady2]

مظنش ينفع لأن العربيية أصلا المصنع مبينزلش الورا كهرباء, فمفيش زراير سواق فيه أربع زراير و لا فرش وراني كهرباء

[aelhossan]

مش عارف هتصدقوني ولا لأ
ده سبب اني هجيب لوجان
مع ان الساجا كانت داخله دماغي قوي

[bobozoro]

ها ها ها هتجب عربية علشان الزجاج كهربة بس وتنسى الماتور

[M.almaghraby]

ها ها ها هتجب عربية علشان الزجاج كهربة بس وتنسى الماتور

ههههههههه
صح
علي فكره octavia a5 fantasiaأول فئة بتنزل كدا و تمنها فوق 150

[أبومعاذ]

لو الفرش الداخلي للبابين اللي قدام زي اللي ورا يبقى ممكن

[powerofhelll]

دي سهله اوي يا باشا
مكنتين كهرباء
و الزرايز ممكن تجبها من اي مكان
تركبها سهل و بسيط
ممكن تعملها في التوكيل بس ممكن التكلفه تبقي عاليه
بالنسبه للوقت اقل من ساعه كل شئ هيبقي تمام

[homos99]

مش عارف هتصدقوني ولا لأ
ده سبب اني هجيب لوجان
مع ان الساجا كانت داخله دماغي قوي

على فكرة انته مثلى تمام فى حاجات كدا الواحد بيحبها أوى زى مثلا ان 4 زجاج يكونوا كهرباء بس مش حاجة تخلى الواحد يصرف نظر يعنى عن العربية مثلا بس متنساش {مع احترامى لللوجان وكل ماليكيها} ان زراير الزجاج مكانها سئ جدا جدا جدا يعنى الواحد بيجيب كاسيت سى دى بريموت عشان ميعدش يدور اى زرار بيوطى ويعلى فى الكاسيت نفسه ودول حطين ازرار فى الطابلوه دا بالنسبة للزجاج الامامى تعالى بقى للزجاج الخلفى اللى هيقعد ورا هيعمل مشوار لغاية الهاند بريك عشان يقفل الزجاج دا العادى اسهل لاكن الميزة الوحيدة ان السائق يقفل الزجاج الخلفى من غير مييروح للباب اللى ورا بس دا مش مبرر او موضوع كبير عشان تفضل عربية على التانية,,,,,,,,

[Mohamed.Ramah]

اظن الموضوع بالنسبالى احسن علشان انت عارف اللى حيركب حيقعد يطلع وينزل الازاز كل شوية وانا بتدايق من الموضوع دة مبحبش اللعب الكتير فاظن مش مشكلة اوى وياريت تبلغنا بالجديد