استفسار عن سائل التبريد

[yaseenmohamed]

السلام عليكم ورحمه الله
عايز اعرف يا جماعه ايه هو سائل التبريد ( القربه الموجوده بجانب الريداتير)
- فايدته
-بنشتريه منين وهل هو انواع
- بنحطه امتي ؟ وازاي ؟
-وهل ده بيغني عن تزويد مياه الريداتير ولا ده حاجه وده حاجه؟
-وامتي نستخدم السائل ده وامتي نستخدم المياه العاديه؟
عذرا للاطاله..
تحياتي...
ان الله وملائكته يصلون علي النبي يا ايها الذين امنوا صلوا عليه و سلموا تسليما

[ramyar]

بص يا سيدي سائل التبريد ده زي الماء العادي لاكن بمواصفات خاصه مانع صدا مانع تاكل ... مبرد
فايدته نقل الحراره من اجزاء الموتور الي السائل وبعد ذلك السائل بينقل الحراره الي الجو عن طريق التبريد في الردياتير
والمنسوب المناسب في القربه مابين ال hi low

[MohabSaeed]

كلام مظبوط ... حضيف على كلام أ رامى

- انه بيغنى عن تزويد الريداتير بالمياه العاديه ..... اساسا غلط اضافه الماء العادى لدوره التبريد لانها محمله بالاملاح الى حتترسب و تعمل صدأ و تبوظ طرمبة المية و تسد الريداتير .

- اوعى تسترخص فى سائل التبريد ... لان المضروب كتيييييييير و طبعا اضراره كتير , دايما اشتري سائل تبريد شل , موبيل , توتال ... هما دول اضمن حاجه .

- سائل التبريد فى العربيات الحديثه مش بيقل منسوبه الى كل فترات متباعده " شهور " لان دوره التبريد مغلقه .... و فى الحاله ديه لو فى نقص بسيط بنزوده من القربه الى جمب الريداتير و العربيه بارده .
لكن لو بينقص بشكل ملحوظ " كل كام يوم " يبقى فى تسريب فى دوره التبريد و لازم الكشف عليها فى اسرع وقت لان كده الموتور فى خطر .

- المفروض سائل التبريد يتغير بالكامل كل سنتين او 40 الف كيلو " على حسب كلام الكتالوج " .