عاوز اشترى بروتون ساجا ومحتار !!!!!!!

[Mohamed.Ramah]

أيوة فعلا

بالنسبة للتامين فبتكون النسبة اد اية اللى بدفعها عند التقسيط وشكرا

[Mohtofy]

بنك ابو ظبي الاسلامي بيقسط بطريقة اسلامية لو عايز واعتقد الفائدة معقولة 8%

لا ياباشا بنك أبو ظبى ( الوطنى للتنمية ) بيقسط إسلامى نعم بس الفائدة 9% ولازم تأمين إجبارى على السيارة وكمان حذر بيع طول مدة التقسيط وكمان نسبة القسط بتكون 35% من مرتبك والتقسيط من سنة إلى 5 سنوات.
الأوراق المطلوبة ( صورة بطاقة + وصل كهرباء حديث + بيان مفردات مرتب من الشركة التى تعمل بها + عرض أسعار من المعرض )
وكمان حوالى 400 جنية مصاريف أخرى ( فتح حساب + إدارية + دفتر شيكات ....إلخ )
على فكرة البيانات دى أنا عرفتها عشان أنا رحتلهم وقدمت عندهم على قرض سيارة وقدمتلهم كل الوراق دى ودلوقتى هما فى مرحلة الإستعلام عنى.

[osamafarouk]

ربنا ييسرك يا باشا وناوي تشتري ايه .........

[أبومعاذ]

للاسف انا مش فاهم التامين التكافلي ده خالص
الاول كنت فاهم ان الشركه بتحسب مجموع الاقساط المحصله من اصحاب السيارات وبتخصم منها اللي صرفته فعلا على تصليح السيارات والباقي يعاد توزيعه بعد خصم ربح للشركه
ده كان اعتقادي لغايه امبارح - صديق لي يريد شراء سياره جديده قلتله على بيت التامين السعودي وانه تامين تكافلي 00الخ طبعا بعد الاتصال بالشركه والاستفسار طلع اللي انا كنت فاهمه كله غلط وان القسط 3,5 % وبيدفع زي اي شركه تامين عاديه

مش عارف بصراحه ما هو التامين التكافلي - لو سمحت لو عندك توضيح لماهيه التامين التكافلي تخبرنا وجزاك الله خيرا

على فكره يا ريت تكبر الصوره اللي في توقيعك علشان الناس تهدى شويه لاننا حنلاعب الجزائر يوم الخميس ان شاء الله
تحياتي لك وسامحني ان كنت تقلت عليك

يا باشا انت متقلتش ولا حاجة وانا اسف للتأخير في الرد
وبخصوص التأمين التكافلي للأسف كل اللي حضرتك قلته صح بس في اخ كان معانا هنا في المنتدى شغال في بيت التامين المصري السعودي كان بيقول انهم بيتحروا الحلال وانهم المفروض يرجعوا للناس فلوسها الزيادة في حالة ان مفيش اي مصاريف بس كان بيقول انهم كل سنة مكنش بيبقى حاصل اي زيادة عشان تتوزع على الناس والله اعلم بمدى صدقهم من عدمه بس انا افضل عن نفسي اجتنب الشبهات وربنا يسرلنا جميعا اللي فيه الخير

بالنسبة للتامين فبتكون النسبة اد اية اللى بدفعها عند التقسيط وشكرا

انا أمنت مع المصرية للتامين التكافلي اللي تبع عز العرب ب 3.5% بس في ناس بيقولوا امنوا معاهم بعد كدا ب 3% بس

لا ياباشا بنك أبو ظبى ( الوطنى للتنمية ) بيقسط إسلامى نعم بس الفائدة 9% ولازم تأمين إجبارى على السيارة وكمان حذر بيع طول مدة التقسيط وكمان نسبة القسط بتكون 35% من مرتبك والتقسيط من سنة إلى 5 سنوات.
الأوراق المطلوبة ( صورة بطاقة + وصل كهرباء حديث + بيان مفردات مرتب من الشركة التى تعمل بها + عرض أسعار من المعرض )
وكمان حوالى 400 جنية مصاريف أخرى ( فتح حساب + إدارية + دفتر شيكات ....إلخ )
على فكرة البيانات دى أنا عرفتها عشان أنا رحتلهم وقدمت عندهم على قرض سيارة وقدمتلهم كل الوراق دى ودلوقتى هما فى مرحلة الإستعلام عنى.

هما مش بيشتغلوا بنظام القرض بيشتغلوا بنظام المرابحة والفرق بينهم كبير جدا

[magedfarid]

يا باشا انت متقلتش ولا حاجة وانا اسف للتأخير في الرد
وبخصوص التأمين التكافلي للأسف كل اللي حضرتك قلته صح بس في اخ كان معانا هنا في المنتدى شغال في بيت التامين المصري السعودي كان بيقول انهم بيتحروا الحلال وانهم المفروض يرجعوا للناس فلوسها الزيادة في حالة ان مفيش اي مصاريف بس كان بيقول انهم كل سنة مكنش بيبقى حاصل اي زيادة عشان تتوزع على الناس والله اعلم بمدى صدقهم من عدمه بس انا افضل عن نفسي اجتنب الشبهات وربنا يسرلنا جميعا اللي فيه الخير

شكرا اخي العزيز وجزاك الله خير
سؤال اخير موديلات 2010 فيها مثبت سرعه ولا لأ

[Mohtofy]

ربنا ييسرك يا باشا وناوي تشتري ايه .........

إن شاء الله أنا حاجز الساجا والراجل بتاع التوكيل لسة مكلمنى إنهارده عشان أستلم العربية بكرة بس للأسف البنك معطلنى مع إنى هدفع حوالى 70% من ثمن العربية.... ربنا يسهل

[Abo.Mayyam]

شكرا اخي العزيز وجزاك الله خير
سؤال اخير موديلات 2010 فيها مثبت سرعه ولا لأ

لأ يا باشا مافيش مثبت سرعة