الواجا البرمائية

[hesham_soaida]

انا طبعا مش بتكلم عن واجا جديدة ماليزيا عملاها, الواجا البرمائية دي كانت الواجا بتاعتي ثاني يوم للسيول على طريق القاهرة طابا. الواجا يومها كانت بلا فخر العربية الملاكي الوحيدة على الطريق, وكانت أول عربية ملاكي توصل طابا من القاهرة من ثلاثة أيام, طبعا مين المجنون اللي حياخد المخاطرة
دي ويسافر في هذه الظروف المرعبة

دي كانت بحيرة وسط الطريق والصورة اخدتها اثناء ما كانت الواجا بتعوم للشاطئ الثاني. والصورة دي كانت قرب العريش واللي حصل للنقل دا كان بسبب هبوط الطريق

والصورة دي كانت قبل مدخل طابا وسط الجبال, والصورة بتتكلم عن نفسها, ومش محتاجة شرح

[memo_p910]

انجاز اخر جديد للواجا أفضل سياره في مصر مقارنة لسعرها باعتراف الجميع

[yaseenmohamed]

this is what we are talking about here.......viva proton

ان الله وملائكته يصلون علي النبي ياايها الذين امنوا صلوا عليه وسلموا تسليما

[DR_EMAD]

حمدالله على سلامة حضرتك .. وربنا يحفظنا ويحفظ بلدنا

[eng.m7md.ali]

هيا دي الواجا

[romeo_6887]

الدنيا بايظه خالص بسبب الجو
و بجد قلب حضرتك جامد
و ربنا يباركلك في الواجا

[ahmadelsaeed]

ربنا يباركلنا فى الواجا إن شاء الله

[ehab49]

حمدالله على سلامة حضرتك و ربنا يباركلك في الواجا

[ahmedsiyam]

ما شاء الله و ربنا يحفظك و يباركلك فيها

[mantoros]

يا جميل حمدا لله علي سلامتك
ما هي عيلة مجانين.......مجانين عربيات قصدي :-)
بس متعملهاش تاني
انا عملتها قبلك من 3 سنين بس الدنيا كانت اهدأ كثيرا في الجو و مكنش المطر جامد اوي كدة

ربنا يكرمك و يحفظكم يا رب
مش ناوي تديني لفة بقة عشان افتكرك بلفة انا كمان ؛-)

[MohabSaeed]

حمدلله على سلامتك يا دكتور .

ايه فيلم الرعب ده ؟


ديه صوره تانيه من صور الرعب صورتها اياام الشبوره الفظيعة الى غطت القاهره من كام يوم .


محور 6 اكتوبر




جوه المدينه !



و طبعا الاماكن الى مفهاش اضائه كانت بتبقى الرؤيه صفر ...

[hesham_soaida]

شكرا لكل الاخوة الأغزاء على مرورهم الكريم وكلماتهم الرقيقة

يا جميل حمدا لله علي سلامتك
ما هي عيلة مجانين.......مجانين عربيات قصدي :-)
بس متعملهاش تاني
انا عملتها قبلك من 3 سنين بس الدنيا كانت اهدأ كثيرا في الجو و مكنش المطر جامد اوي كدة

ربنا يكرمك و يحفظكم يا رب
مش ناوي تديني لفة بقة عشان افتكرك بلفة انا كمان ؛-)

يا باشا العربية كلها تحت أمرك, ماهو انت اللي رشحتهالي من الاول. ومش حكسفك برده وحاخد لفة بالاسترا بتاعتك, علشان بس ماتزعلش

[hesham_soaida]

حمدلله على سلامتك يا دكتور .

ايه فيلم الرعب ده ؟

ديه صوره تانيه من صور الرعب صورتها اياام الشبوره الفظيعة الى غطت القاهره من كام يوم .

محور 6 اكتوبر

جوه المدينه !:l_bhuhhh[1]:

و طبعا الاماكن الى مفهاش اضائه كانت بتبقى الرؤيه صفر ...

شكرا على سؤالك يا مهاب باشا. فيلم الرعب بتاع الشبورة انا شفته برده من شهر وأنا راجع من الزقازيق الساعة تسعة بالليل. نصف السكة كنت ماشي بسرعة 30 ومكنتش شايف غير الخطوط البيضاء متر واحد أمام العربية. أنا بسوق من زمان قوي وأول مرة أعرف ان فيه فايدة من الخطوط البيضاء دي وأنوار الشبورة اللي أنا كنت فاكر انها منظر وبس. ومش عايز أقوللك على المطبات اللي لبست فيها يومها. وللي زود الرعب طبعا ان انا ما كنتش لوحدي, كان معايا العائلة كلها. سيبك انت ربنا اللي بيسترها

[Usama Nagi]

كويس كل يوم بنعرف اوبشنز جديدة في البروتون