تنك البنزين - جين2

[Ahmed.Ali]

نفسي افهم تنك البنزين في الجين2 50 لتر ولا 40 و لو سمحتوا محدش يوقلي 50
انا كان بقالي فتره بمون لما اللمبه تنور كبير التنك لما كنت مشيت كتير بعد اللمبه خدت 36 لتر
و اساسا اساسا لما استلمت العربيه خدت 37 لتر و احنا عارفين ان التوكيل مبيسبش نقطه واحده

المهم كنت يوم السبت في العين السخنه بصطاد سمك و الحمد لله مصطناش حاجه :( و انا رايح كنت بجري بالعربيه علي 200 :) طبعا العربيه كلت بنزين و انا راجع قولت افول ولا لا لقيت كمبيوتر الرحلات بيقول فاضل 200 كيلو قلت خلاص امون لما اوصل
لما كان فاضل علي القاهره 30 كيلو اللمبه نورت و كمان كمبيوتر الرحلات صفر و انا كنت متوقع انها تقطع بنزين بين لحظه و التانيه بس ربنا ستر و صلت لبنزينه في القطاميه يعني عملت 30 كيلو بعد ما العداد مصفر افول لحد الاخر لقتها خدت 39.5 لتر !!!!!

حاجه من 2 يا اما التنك 50 و العوامه بايظه لو التانك 40 و انا معرفش

[khaledmontero]

انا برضه مش عارف اذا كان 40 ولا 50 ؟؟؟؟؟؟؟؟؟؟؟
ياريت حد يفيدنا بتجربة

[DR_EMAD]

يعني عملت 30 كيلو بعد ما العداد مصفر

لما العداد يصفر .. يبقى كده فاضل 50 كيلو ممكن العربية تمشيهم
وخلى بالك دى نسبة .. كمبيوتر العربية بيعملها .. على أساس نظام القيادة اللى حضرتك ماشى عليه
يعنى لو بتجرى ومشغل تكييف .. النسبة هتقل
والعكس صحيح

أما بالنسبة للتنك فأعتقد أنه 40 لتر

كنت يوم السبت في العين السخنه بصطاد سمك و الحمد لله مصطناش حاجة

وأنا كمان .. بقالى أسبوعين بطلع أصطاد .. ومش برجع بحاجة !! هو السمك راح فين ؟

[rony]

i think it is 40 only not 50
Max time i put 37L only

[eslam_wega]

فعلا هو 40 فقط
بس ليا ملحوظة حضرتك اخر سرعة مشيت بيها 190 ولا 200 كليو

[brashy101]

طيب يا جماعه لما اللمبه تنور يبقي لسه قد ايه بنزين ؟؟ او مسافه قد ايه تمشيها العربيه؟ وكمان لما الكمبيوتر يصفر؟
وانا معاكو في ان التنك 40 مش 50

[DR_EMAD]

طيب يا جماعه لما اللمبه تنور يبقي لسه قد ايه بنزين ؟؟ او مسافه قد ايه تمشيها العربيه؟ وكمان لما الكمبيوتر يصفر؟
وانا معاكو في ان التنك 40 مش 50

لما العداد يصفر .. بيكون فاضل 50 ك تقريبا
لكن معرفش لما اللمبة تنور دى

وفى كافة الأحوال متحاولش أن معدل البنزين يقل للدرجة دى فى التنك
علشان الشوائب

[werewolf]

ايه ده ....مين بيصطاد هنا ؟؟؟

[brashy101]

شكرا يا دوك

[ahmed_h_g]

خلى بالك ان طلمبة البنزين موجوده داخل تنك البنزين وبتبرد من البنزين اللى جوه التنك
يعنى متخليش التنك يفضى للأخر علشان الطلمبه متتحرقش
يستحسن تفول وتعتبر ان نص التنك ان التنك فاضى وتمون على أساسه وفى نفس الوقت متاخدش وساخة التنك فى دورة الوقود .

[Osama.shihata]

احمد على باشا وحشنى والله عيزين نتقابل تانى بقى قريب ان شاء الله
بالنسبة لاستفسارك عن التنك هو 50 لتر بالفعل وليس 40 لتر بص يا احمد:
انا كنت راجع مرة من شغلى فى العاشر من رمضان ومروح على القاهرة مخدتش بالى ان اللمبة منورة الا وانا فى الشروق وواضح انها كانت منورة بعد مطلعت من الشغل علطول وانا من الارهاق محطتش فى دماغى ومبسطتش المهم دخلت بعد الشروق على طريق مصر السويس مفيهوش بنزينة واحدة لغاية موصلت مدينة نصر ودى مسافة كبيرة حوالى 60 كيلو وطبعا العداد مصفر من بدرى بفضل الله رحت البنزينة وفولت تخيل عملت 50.14 لتر انا اتوهمت فعلا ومكنش مصدق ده انا كنت على الاخر فعلا المهم الحمد لله انها طلعت اصيلة معايا وراعت انى كنت مرهق وطلعت بنت حلال وتنكها 50 لتر مش 40 لتر زى مظلمتوها .

[Ahmed.Ali]

فعلا هو 40 فقط
بس ليا ملحوظة حضرتك اخر سرعة مشيت بيها 190 ولا 200 كليو

200 يا اسلام


بس وانا رايح الساعه 5 الفجر الهوا كان معايا فعديت الـ200 و انا راجع جبت 200 الا حته صغيره و قلبي مطاوعنيش اوزد لان الساعه كانت 6 مساء و الطريق فيه ناس

[Ahmed.Ali]

لما العداد يصفر .. يبقى كده فاضل 50 كيلو ممكن العربية تمشيهم
وخلى بالك دى نسبة .. كمبيوتر العربية بيعملها .. على أساس نظام القيادة اللى حضرتك ماشى عليه
يعنى لو بتجرى ومشغل تكييف .. النسبة هتقل
والعكس صحيح

أما بالنسبة للتنك فأعتقد أنه 40 لتر



وأنا كمان .. بقالى أسبوعين بطلع أصطاد .. ومش برجع بحاجة !! هو السمك راح فين ؟

لا يا عم انا اصطادت بس مش كتير و اغلب الي طلعلي كان قراض :( بس الكميه مكانتش الي تبسطني

[Ahmed.Ali]

ايه ده ....مين بيصطاد هنا ؟؟؟

انا لسه مبتدئ دي تاني مره بس
ماتيجو يا رجاله نعمل رحله صيد بس تجيبولنا حد بيفهم

[Ahmed.Ali]

احمد على باشا وحشنى والله عيزين نتقابل تانى بقى قريب ان شاء الله
بالنسبة لاستفسارك عن التنك هو 50 لتر بالفعل وليس 40 لتر بص يا احمد:
انا كنت راجع مرة من شغلى فى العاشر من رمضان ومروح على القاهرة مخدتش بالى ان اللمبة منورة الا وانا فى الشروق وواضح انها كانت منورة بعد مطلعت من الشغل علطول وانا من الارهاق محطتش فى دماغى ومبسطتش المهم دخلت بعد الشروق على طريق مصر السويس مفيهوش بنزينة واحدة لغاية موصلت مدينة نصر ودى مسافة كبيرة حوالى 60 كيلو وطبعا العداد مصفر من بدرى بفضل الله رحت البنزينة وفولت تخيل عملت 50.14 لتر انا اتوهمت فعلا ومكنش مصدق ده انا كنت على الاخر فعلا المهم الحمد لله انها طلعت اصيلة معايا وراعت انى كنت مرهق وطلعت بنت حلال وتنكها 50 لتر مش 40 لتر زى مظلمتوها .

حبيب قلبي انشاء الله نتقابل قريب

طيب لو التانك 50 ليه بتنور عند 35 لتر اكيد العوامه فيها حاجه غلط