إعـــــــلان

Collapse

.

,
See more
See less

Proton Test Drive Event...وانطباعي عن الجين 2..

Collapse
X
 
  • Filter
  • الوقت
  • Show
Clear All
new posts

  • Proton Test Drive Event...وانطباعي عن الجين 2..

    باسم الله الرحمن الرحيم...

    إزيكم يا رجالة, عاملين ايه, كله تمام ؟

    أنا انهارده رحت ال Test Drive Event اللي عاملاه Proton, وبصراحة الجو كان سيء جدا, ومطرت علينا شوية للأسف.

    ماعلينا, كان فيه عدد من الناس لا بأس به, بتاع 40 واحد كده كتوتل منهم أستاذ محسن صالح المحترم, و بعض الاعضاء التانيين من التوكيل (معرفش اساميهم بصراحة).

    المهم أنا قعدت اتكلمت مع أستاذ محسن صالح شوية, وأحلى حاجة في وسط الكلام جه واحد صورنا وقام أستاذ محسن قال لي أصل الصور ده هتروح ماليزيا... يعني ماتتخضوش لو لقيتوني في مجلة ولا على سايت, ههههههههههه.

    المهم, قعدت فضلت اصور فيديو شوية بالموبيل, قعدتلي بتاع ساعة كده أو أكتر عبال ماجه دوري (كان فيه عربيتين من كل فئة بس ماكانش فيه غير نمرتين تجاريتين بس وعاملين يبدلو النمر )

    أخيرا, جه دوري, بعد ما الانسة اللي بتنظم قالتلي أنا حاسة فعلا إنك قعدت كتير, المهم, جت العربية, وكان اللي بيركب مع الناس واحد اسمه "وائل حسين" وده هارجعله بعدين.

    المهم ركبت العربية, واحنا كانوا زنقنا كلنا في حتة صغيرة كده والعربية كانت ركنا بضهرها فال مهم كان المفروض أرجع ل ورا عشان أطلع.

    جت أحاول أجيب مارشدير معرفتش بصراحة الفتيس كان ضيق قوي مقارنة باللانوس, وأنا مكنتش متعود. المهم بقول للراجل هو مش عايز ييجي ليه, قال لي برخامة كده: لأ هو بييجي بس إنت تلاقيك مافطرتش.. (لذيذ قوي). المهم جبنا reverse وجاي ابوص ورا مش شايف حاجة خالص بصراحة, الظَهر ال left back ده مش مخليني عارف أشوف حاجة والمرايات مش متعود عليها, بس الحمد لله عرفت أطلع.

    طلعنا بقى على الطريق (ال test drive كان قصير اويي. يادوبك تلف من قدام ملف كارفور وتلف تاني من الملف اللي بعديه... المهم طلعت وابتديت أمشي, العربية ما شاء الله استجابتها هايلة وتسارع ممتاز قوي, وكنت حاسس إني بجري وحاسس بالأمان على عكس لما بجري باللانوس على 100 كيلو أو أكتر بأحس إن شوية هوا بيلعبوني.

    وصلت ل أول u-turn ولسة بلِف وطالع أجري شوية لقيته بيقولي خد بالك هنلف من الملف الجاي ده.

    رحت لفيت من الملف اللي بعده وطالع أجري برده..مش عارف فيه ايه, غصب عني واللهِ. لقيته بيقولي خد بالك عشان هندخل يمين بقى. دخلت يمين ركنت, وفعلا خلص التست.

    نييجي بقى للانطباعات:

    1- العربية صوت متورها وإنت جوه وقافل الازاز مش علي خاااااااااالص!!! أنا مش عارف الناس اللي بتقول صوت المتر علي حسستني إني هاركب نص نقل ليه. أنا كنت بنقل على 4 rpm تقريبا وكان صوت المتر عادي جدا, اللانوس عندي صوتها أعلى بكتير في أي حالة من الحالات على فكرة. سواء أول ماتدور, أو وانتا ماشي. ده أنا لما دورت الجين وانا قافل الازاز واللهِ ماحسيت, صوت هادي جدا في الأول.

    2- صوت الموتور وإنت سمعه من بره عالي سِنة صغيرة.

    3- وانا بجري عالطريق وبنقل, كنت حاسس بصوت rpm عالي سنة مابين النقلات, يا ترى ده طبيعي ولا أنا اللي مش متعود على قصر الدبرياج والنقلات القريبة ؟

    3- المرايات يمين شمال في النص بنسبالي كانوا صعبين إلى حد ما, وانا بارجع ل ورا فعلا كنت حاسس إني محتاج حد يوجهني. يا ترى ده طبيعي ؟

    4- العربية ما شاء الله نعمة قوي في السحب وتحس إنها عايزة تجري.

    نيجي بقى للاخ "وائل حسين" ده, الراجل بصراحة لو مكنتش حابب العربية والناس اللي هنا فالقسم, كنت سبت العربية ومشيت. الراجل حسيته قرفان مني من قبل مانبدأ. في الأول بيقولي إنت معاك رخصة ؟ سؤال بصراحة عاصبني, يعني تفتكر لو ماكانش معايا كنت جيت, أو كانوا سمحولي أملا الفورم فالاول ؟ لأ و طول الطريق بحاول أتكلم معاه عن العربية وهو مبيردش. بصراحة يكره الواحد في العربية ويخليه عايز يسيبها ويمشي. أنا حاولت أكلم أستاذ محسن صالح عليه بعد مارجعت بس بصراحة مالقيتوش ساعتها فقمت ماشي. بصراحة الراجل ده كان أسوأ مافي ال يوم. يمكن أسوأ من الجو.

    قابلت الأستاذ مدحت سكيك هناك على فكرة, وقال لي إنه كان بيعمل صيانة ال 20 ألف ولقى ال event فـجه يعمل test drive لل Saga.


    بصراحة أحسن حاجة حصلت انهارده هي الحبة الصغيرة اللي سقت فيها الجين 2 والتعرف عالعضو المحترم أستاذ مدحت سكيك.

    وده فيديو للتست أخويا كان صوره:



    تحياتي.
    [sor2]http://img833.imageshack.us/img833/8875/protonsig.jpg[/sor2]

    [IMG]http://i668.photobucket.com/albums/vv44/baskoty/_resize-67.jpg[/IMG]

  • #2
    هو ماله اللطيف سي الاستاذ وائل حسين ده ؟
    انا لو كنت مكانك كنت سيبت التيست درايف و مشيت
    و يالا يا عم اديك هتبقي مشهور في ماليزيا
    و طبعا ميرسي علي التقييم الجميل ده
    و جاري مشاهده الفيديو

    Comment


    • #3
      المشاركة الأصلية كتبت بواسطة romeo_6887 مشاهدة المشاركة
      هو ماله اللطيف سي الاستاذ وائل حسين ده ؟
      انا لو كنت مكانك كنت سيبت التيست درايف و مشيت
      و يالا يا عم اديك هتبقي مشهور في ماليزيا
      و طبعا ميرسي علي التقييم الجميل ده
      و جاري مشاهده الفيديو
      يا باشا واللهِ لولا إني كنت عايز أسوء العربية كنت عملت كده فعلا, أنا مش عارف الراجل ده بيركب مع الناس بس في التست ولا هو أصلا من المبيعات, ده لو من المبيعات تبقى مصيبة.

      وشكرا لردك يا باشا, ويا رب يكون الفيديو عجبك.
      [sor2]http://img833.imageshack.us/img833/8875/protonsig.jpg[/sor2]

      [IMG]http://i668.photobucket.com/albums/vv44/baskoty/_resize-67.jpg[/IMG]

      Comment


      • #4
        انت كنت فين يا سيدي انا و مهاب و مدحت و هيثم كنا هناك و لكن جربنا الساجا علي العموم كان نفسنا نتعرف و نشوفك قريبا في المقبله اللي جايه
        [CENTER]Gen2 Is a part of me[/CENTER]

        Comment


        • #5
          اولا الف مبروك عالتيست درايف
          بوص يا سيدى فعلا الرجوع للخلف بالعربيه دى محتاج تدريب شويه وفى الركن السينسور بيساعد جامد
          والمرايات فعلا وحشه و معانا اسلام ويجا غير الزجاج بتاع زجاج المرايات اول ما جاب العربيه وفرقت معاه
          بس طبعا كله بييجى بالتعود بردو
          اما كتسارع وثبات اديك جربت مع انك ماشوفتش شدها بردو لانك بتنقل عند 4 بس والعربيه دى بعد ال4 بتقلب فيرارى
          وفعلا صوت الموتور مش عالى اوى زى ما الناس بتقول

          بالنسبه للراجل اللى كان معاك ده سيبك منه لما تيجى تشترى مش هايدوهولك مع العربيه هاتاخد العربيه بس
          [CENTER][SIGPIC][/SIGPIC][/CENTER]

          [CENTER][B][URL="http://www.nilemotors.net/Nile/162345-a.html"][SIZE=5][FONT=Impact][COLOR=darkorchid](هام للمقبلين على شراء سياره مستعمله او جديده) هساعدك فى الاختيار[/COLOR][/FONT][/SIZE][/URL][/B][/CENTER]
          [CENTER][COLOR=darkorchid]:w6266d[/COLOR][/CENTER]
          [CENTER][COLOR=#ff8c00][COLOR=#000000][FONT=verdana][COLOR=blue][B][URL="http://http://www.nilemotors.net/Nile/162345-a.html"]http://www.nilemotors.net/Nile/162345-a.html[/URL][/B][/COLOR][/FONT][/COLOR][/COLOR][/CENTER]

          Comment


          • #6
            المشاركة الأصلية كتبت بواسطة A. Ibrahim مشاهدة المشاركة
            انت كنت فين يا سيدي انا و مهاب و مدحت و هيثم كنا هناك و لكن جربنا الساجا علي العموم كان نفسنا نتعرف و نشوفك قريبا في المقبله اللي جايه
            يا باشا واللهِ أنا كنت بحاول الدور على حد من nilemotors مقدرتش اتعرف غير على مدحت سكيك, وده من الصور اللي شفتها عالفسيبوك مش أكتر.

            عموما إن شاء الله نتقابل في المقابلة الجاية.

            المشاركة الأصلية كتبت بواسطة momopersona مشاهدة المشاركة
            اولا الف مبروك عالتيست درايف
            بوص يا سيدى فعلا الرجوع للخلف بالعربيه دى محتاج تدريب شويه وفى الركن السينسور بيساعد جامد
            والمرايات فعلا وحشه و معانا اسلام ويجا غير الزجاج بتاع زجاج المرايات اول ما جاب العربيه وفرقت معاه
            بس طبعا كله بييجى بالتعود بردو
            اما كتسارع وثبات اديك جربت مع انك ماشوفتش شدها بردو لانك بتنقل عند 4 بس والعربيه دى بعد ال4 بتقلب فيرارى
            وفعلا صوت الموتور مش عالى اوى زى ما الناس بتقول

            بالنسبه للراجل اللى كان معاك ده سيبك منه لما تيجى تشترى مش هايدوهولك مع العربيه هاتاخد العربيه بس
            شكرا يا محمد على ردك, وعموما الأستاذ مدحت قال لي إن المرايات تعود فعلا بعد كده هتستغرب المرايات التانية.

            بالنسبة للتسارع كان نفسي أجري أكتر شوية, بس لو خدت بالك في الفيديو لسة هفتح شوية بالعربية لقيته بيقولي خد بالك عشان ال u-turn قرب.

            عالعموم, إن شاء الله أبقى أعيش حياتي ساعة لما أشتري العربية إن شاء الله.
            [sor2]http://img833.imageshack.us/img833/8875/protonsig.jpg[/sor2]

            [IMG]http://i668.photobucket.com/albums/vv44/baskoty/_resize-67.jpg[/IMG]

            Comment


            • #7
              مبروك على التست بس ليا ملحوظة متقدرش انك تحكم على صوت المتور
              عشان انت كنت بتغير على 4 rbm بس
              لكن بعد كدا الصوت بيبقا عالى
              وحتى لو مشغل الكسيت بتفضل سامعه
              بس بردوا السحب بعد rbm4 زى ما محمد قال
              بتقلب فيرارى فعلا خصوصا المانويل
              والصوت بيبقا قوى جدا عند 6.5 rbm بس صوت زى التربو كدا
              [CENTER]http://img844.imageshack.us/i/dscf0140c.jpg/[/CENTER]

              Comment


              • #8
                المشاركة الأصلية كتبت بواسطة Raul_7 مشاهدة المشاركة
                يا باشا واللهِ أنا كنت بحاول الدور على حد من nilemotors مقدرتش اتعرف غير على مدحت سكيك, وده من الصور اللي شفتها عالفسيبوك مش أكتر.

                عموما إن شاء الله نتقابل في المقابلة الجاية.



                شكرا يا محمد على ردك, وعموما الأستاذ مدحت قال لي إن المرايات تعود فعلا بعد كده هتستغرب المرايات التانية.

                بالنسبة للتسارع كان نفسي أجري أكتر شوية, بس لو خدت بالك في الفيديو لسة هفتح شوية بالعربية لقيته بيقولي خد بالك عشان ال u-turn قرب.

                عالعموم, إن شاء الله أبقى أعيش حياتي ساعة لما أشتري العربية إن شاء الله.
                يا سيدى ولا يهمك تعال جرب والله ومش هقولك اول يو ترن
                بس بردوا هما اكيد ليهم عذر عشان العدد ما شاء الله
                [CENTER]http://img844.imageshack.us/i/dscf0140c.jpg/[/CENTER]

                Comment


                • #9
                  المشاركة الأصلية كتبت بواسطة eslam_wega مشاهدة المشاركة
                  مبروك على التست بس ليا ملحوظة متقدرش انك تحكم على صوت المتور
                  عشان انت كنت بتغير على 4 rbm بس
                  لكن بعد كدا الصوت بيبقا عالى
                  وحتى لو مشغل الكسيت بتفضل سامعه
                  بس بردوا السحب بعد rbm4 زى ما محمد قال
                  بتقلب فيرارى فعلا خصوصا المانويل
                  والصوت بيبقا قوى جدا عند 6.5 rbm بس صوت زى التربو كدا
                  اسلام باشا واحشنى موت
                  بوص يا سيدى العربيه دى فاهمانا لعلمك
                  اللى عايز هدوء بيحس بيه لانه مش بيشد ومش بيوصل rpm عالى فبيحس بان صوت الموتور واطى وجميل
                  واللى عايز يشد ويجرى ويقرص عليها بتديله صوت عالى يحسسه بالقوه مش بان ده ااخرها
                  يعنى انا عندى الصنى العكس بالظبط على الrpm الواطى صوتها اعلى من الجين ورخم مش vooooooovooo ولما تقرص صوتها اوطى قليلا لكن رخم جدا مش زى التربو

                  يعنى لو انت هادى هاتستمتع بهدوءها ولو بتحب العربيات الرياضيه هاتعشق صوت الجين تو
                  [CENTER][SIGPIC][/SIGPIC][/CENTER]

                  [CENTER][B][URL="http://www.nilemotors.net/Nile/162345-a.html"][SIZE=5][FONT=Impact][COLOR=darkorchid](هام للمقبلين على شراء سياره مستعمله او جديده) هساعدك فى الاختيار[/COLOR][/FONT][/SIZE][/URL][/B][/CENTER]
                  [CENTER][COLOR=darkorchid]:w6266d[/COLOR][/CENTER]
                  [CENTER][COLOR=#ff8c00][COLOR=#000000][FONT=verdana][COLOR=blue][B][URL="http://http://www.nilemotors.net/Nile/162345-a.html"]http://www.nilemotors.net/Nile/162345-a.html[/URL][/B][/COLOR][/FONT][/COLOR][/COLOR][/CENTER]

                  Comment


                  • #10
                    ازيكم يا شباب عاملين ايه؟؟
                    أنا زميلتكم نورين (نور ده اسم الدلع)
                    البنت الوحيدة اللي كانت في التست درايف النهاردة بعد ما زميلي هيثم jisso82 حجزلي فيه علشان أجرب الجين2
                    وأنا اللي موِت الشخص اللي اسمه وائل حسين ده من الرعب والخوف باللي عملته فيه النهارده
                    بالنسبة ليك يا Raul_7 متزعلش منه
                    هو فعلا راجل غلس جدا وانا وهيثم كنا رحناله زمان في الأول علشان نسأل علي الجين وأنا فاكرة اننا أول ما خرجنا قلت لهيثم انه يبان (سوري في اللفظ) فتوة مش مندوب مبيعات خالص!
                    المهم أنا انتقمتلك منه النهاردة شر انتقام لما طلعت بالجين المانيوال حتة طلعة كانت هتخليه يموت في الكرسي اللي جنبي
                    والناس كمان كلها اتخضت ورجعت لورا
                    بس والله الحمد لله علي ده، لانه بجد خلاني أقتنع الجين بنسبة مليوووون في المية مع اني كنت مقتنعة بيها 100% أصلا
                    أنا متخيلتش ان دواسة البنزين بجد شعرة أوي كده يا دوب باللمس بتبقي العربية والله عايزة تنط وتجري ومحدش يحصلها!!
                    والمشكلة ان عربيتي الحالية موديل قديم وأهه باين من بياناتها ومن صورتها
                    فلما بدوس بنزين بدوس جامد وانا اتعودت علي الدوسة دي، بس لما جيت عملتها النهاردة مع الجين متخيلتش الاستجابة الرهيييبة دي وبجد العربية ماشاء الله فوق الوهمية
                    بس أنا مبسوطة بس في اللي اسمه وائل وياريت كنت دخلت بيه في أي صخرة علشان غلاسته دي
                    يلا ولا تزعل يا Raul

                    وبجد فعلا انا اتعلمت ان الواحد لازم يجرب الأول وبعدين يحكم علي الحاجة، العربية اللي كتير بيقولوا عليها ناشفة ووحشة والدركسيون تقيل والله محستش بأي حاجة من دول النهاردة في اللفة السريعة اللي عملناها، بالعكس حسيت الدركسيون مية تحت ايدي والعربية مش بالخشونة دي يعني، عارفة طبعا انه ده فرق تكنولوجيا السنين بين موديل حديث وموديل قديم أوي زي عربيتي وده اللي بيخليني أقول وأؤكد يا جماعة جربوا الأول وبعدين احكموا، مش الناس اللي تيجي تقول سماعي كده مش اكتر العربية ناشفة والعربية الدركسيون بتاعها مش عارف ايه!
                    بس علي فكرة مراية الصالون بالصدفة كانت مضبوطة أوي بالنسبة لي وشفت منها كويس جدا الطريق ورايا ومجال الرؤية كان واضح وسهل وبجد ظهر العربية مضايقنيش في حاجة

                    وبجد بالرغم من الجو السيئ النهاردة بس كان Event جميل وظريف واتشرفت فيه بمعرفة مهاب وأ. أحمد ابراهيم وأ. مدحت سكيك وأ. محسن صالح ده غير كمان زملاء لينا من منتدي سيارات تاني
                    وعصير الفراولة كان بجد وهمي
                    وادعولي بقي انشاء الله أنضم لنادي بروتون قريب (بس من غير طلعات هجومية انتحارية تاني)

                    تحياتي
                    [CENTER][SIGPIC][/SIGPIC][/CENTER]

                    [CENTER][B][COLOR=darkred]نفسي الناس تبطل تقول "شف[COLOR=blue]ور[/COLOR]ليه" ويقولوا "شيف[COLOR=blue]رو[/COLOR]ليه"[/COLOR][/B][/CENTER]
                    [CENTER][B][COLOR=darkred]الفرق بين الـ RO والـ OR زي الفرق بين الـ T والـ S...![/COLOR][/B][/CENTER]

                    Comment


                    • #11
                      المشاركة الأصلية كتبت بواسطة momopersona مشاهدة المشاركة
                      اسلام باشا واحشنى موت
                      بوص يا سيدى العربيه دى فاهمانا لعلمك
                      اللى عايز هدوء بيحس بيه لانه مش بيشد ومش بيوصل rpm عالى فبيحس بان صوت الموتور واطى وجميل
                      واللى عايز يشد ويجرى ويقرص عليها بتديله صوت عالى يحسسه بالقوه مش بان ده ااخرها
                      يعنى انا عندى الصنى العكس بالظبط على الrpm الواطى صوتها اعلى من الجين ورخم مش vooooooovooo ولما تقرص صوتها اوطى قليلا لكن رخم جدا مش زى التربو

                      يعنى لو انت هادى هاتستمتع بهدوءها ولو بتحب العربيات الرياضيه هاتعشق صوت الجين تو
                      والله انت واحشنى اكتر
                      كلامك مظبوط 100 %
                      [CENTER]http://img844.imageshack.us/i/dscf0140c.jpg/[/CENTER]

                      Comment


                      • #12
                        المشاركة الأصلية كتبت بواسطة Raul_7 مشاهدة المشاركة
                        باسم الله الرحمن الرحيم...


                        إزيكم يا رجالة, عاملين ايه, كله تمام ؟

                        أنا انهارده رحت ال Test Drive Event اللي عاملاه Proton, وبصراحة الجو كان سيء جدا, ومطرت علينا شوية للأسف.

                        ياجدعان مش هينفع كدة بعد كدة لو فيه أي تجمع يخص عربيات يبقى المفروض نكتب على ضهرنا نايل موتورز علشان نعرف بعض ونتعرف على بعض

                        ماعلينا, كان فيه عدد من الناس لا بأس به, بتاع 40 واحد كده كتوتل منهم أستاذ محسن صالح المحترم, و بعض الاعضاء التانيين من التوكيل (معرفش اساميهم بصراحة).

                        المهم أنا قعدت اتكلمت مع أستاذ محسن صالح شوية, وأحلى حاجة في وسط الكلام جه واحد صورنا وقام أستاذ محسن قال لي أصل الصور ده هتروح ماليزيا... يعني ماتتخضوش لو لقيتوني في مجلة ولا على سايت, ههههههههههه.

                        المهم, قعدت فضلت اصور فيديو شوية بالموبيل, قعدتلي بتاع ساعة كده أو أكتر عبال ماجه دوري (كان فيه عربيتين من كل فئة بس ماكانش فيه غير نمرتين تجاريتين بس وعاملين يبدلو النمر )

                        أخيرا, جه دوري, بعد ما الانسة اللي بتنظم قالتلي أنا حاسة فعلا إنك قعدت كتير, المهم, جت العربية, وكان اللي بيركب مع الناس واحد اسمه "وائل حسين" وده هارجعله بعدين.
                        ههههه عارفه ده بردة اللي انا إسطبحت بيه وركب جنبي في الساجا الأوتو
                        اصل انا جربت الساج الأوتو والمانيوال والجين المانيوال

                        المهم ركبت العربية, واحنا كانوا زنقنا كلنا في حتة صغيرة كده والعربية كانت ركنا بضهرها فال مهم كان المفروض أرجع ل ورا عشان أطلع.

                        جت أحاول أجيب مارشدير معرفتش بصراحة الفتيس كان ضيق قوي مقارنة باللانوس, وأنا مكنتش متعود. المهم بقول للراجل هو مش عايز ييجي ليه, قال لي برخامة كده: لأ هو بييجي بس إنت تلاقيك مافطرتش.. (لذيذ قوي).

                        خفه أبو شفه
                        انا بصراحة الريفيرز جه معايا تمام وكل الغيارات كان حلوه والفيتيس والدبرياج كانو عاجبني جدا علشان الدبرياج قصير والنقلات قريبة من بعضها فا الموضوع رياضي وسلس جدا جدا على عكس الساجا المانيوال الدبرياج مشوارة طويل جداً وانا كنت سايقها قبلها فحسيت بالفرق المهول بينهم

                        المهم جبنا reverse وجاي ابوص ورا مش شايف حاجة خالص بصراحة, الظَهر ال left back ده مش مخليني عارف أشوف حاجة والمرايات مش متعود عليها, بس الحمد لله عرفت أطلع.

                        هي كل العربيات الجديدة مش بينفع معاها إنك تبص ورا ولازم تعتمد تماماً على المرايات وربنا يخلي الباركنج سينسور هيسهل الموضوع زيادة

                        طلعنا بقى على الطريق (ال test drive كان قصير اويي. يادوبك تلف من قدام ملف كارفور وتلف تاني من الملف اللي بعديه...

                        دي فعلا أوحش حاجة الواحد مابيلحقش خالص!!!

                        المهم طلعت وابتديت أمشي, العربية ما شاء الله استجابتها هايلة وتسارع ممتاز قوي, وكنت حاسس إني بجري وحاسس بالأمان على عكس لما بجري باللانوس على 100 كيلو أو أكتر بأحس إن شوية هوا بيلعبوني.

                        هي بصراحة العربية فيها إحساس غريب بالقوة والأمان أصلا أنا أول ماقعدت في الكرسي منغير ماتحرك حسيت إني ممكن أطير بيها وانا متطمن

                        وصلت ل أول u-turn ولسة بلِف وطالع أجري شوية لقيته بيقولي خد بالك هنلف من الملف الجاي ده.

                        متفكرنيش!

                        رحت لفيت من الملف اللي بعده وطالع أجري برده..مش عارف فيه ايه, غصب عني واللهِ. لقيته بيقولي خد بالك عشان هندخل يمين بقى. دخلت يمين ركنت, وفعلا خلص التست.

                        طبعاً إحباط الواحد كان عايزلة 10 لفات كمان

                        نييجي بقى للانطباعات:

                        1- العربية صوت متورها وإنت جوه وقافل الازاز مش علي خاااااااااالص!!! أنا مش عارف الناس اللي بتقول صوت المتر علي حسستني إني هاركب نص نقل ليه. أنا كنت بنقل على 4 rpm تقريبا وكان صوت المتر عادي جدا, اللانوس عندي صوتها أعلى بكتير في أي حالة من الحالات على فكرة. سواء أول ماتدور, أو وانتا ماشي. ده أنا لما دورت الجين وانا قافل الازاز واللهِ ماحسيت, صوت هادي جدا في الأول.

                        2- صوت الموتور وإنت سمعه من بره عالي سِنة صغيرة.

                        3- وانا بجري عالطريق وبنقل, كنت حاسس بصوت rpm عالي سنة مابين النقلات, يا ترى ده طبيعي ولا أنا اللي مش متعود على قصر الدبرياج والنقلات القريبة ؟

                        أيوه فعلا انا لاحظت الموضوع ده في كل النقلات
                        زي ماتكون ماشيلتش رجلك من على البنزين

                        3- المرايات يمين شمال في النص بنسبالي كانوا صعبين إلى حد ما, وانا بارجع ل ورا فعلا كنت حاسس إني محتاج حد يوجهني. يا ترى ده طبيعي ؟

                        اليمين والشمال لو ظبطهم كويس هتلاقيهم كويسين لكن اللي في النص ده العادي

                        4- العربية ما شاء الله نعمة قوي في السحب وتحس إنها عايزة تجري.

                        نيجي بقى للاخ "وائل حسين" ده, الراجل بصراحة لو مكنتش حابب العربية والناس اللي هنا فالقسم, كنت سبت العربية ومشيت. الراجل حسيته قرفان مني من قبل مانبدأ. في الأول بيقولي إنت معاك رخصة ؟ سؤال بصراحة عاصبني, يعني تفتكر لو ماكانش معايا كنت جيت, أو كانوا سمحولي أملا الفورم فالاول ؟ لأ و طول الطريق بحاول أتكلم معاه عن العربية وهو مبيردش. بصراحة يكره الواحد في العربية ويخليه عايز يسيبها ويمشي. أنا حاولت أكلم أستاذ محسن صالح عليه بعد مارجعت بس بصراحة مالقيتوش ساعتها فقمت ماشي. بصراحة الراجل ده كان أسوأ مافي ال يوم. يمكن أسوأ من الجو.

                        قابلت الأستاذ مدحت سكيك هناك على فكرة, وقال لي إنه كان بيعمل صيانة ال 20 ألف ولقى ال event فـجه يعمل test drive لل Saga.


                        بصراحة أحسن حاجة حصلت انهارده هي الحبة الصغيرة اللي سقت فيها الجين 2 والتعرف عالعضو المحترم أستاذ مدحت سكيك.

                        وده فيديو للتست أخويا كان صوره:


                        تحياتي.
                        [CENTER] [/CENTER]

                        [CENTER][SIGPIC][/SIGPIC][/CENTER]

                        Comment


                        • #13
                          المشاركة الأصلية كتبت بواسطة nour3alanour مشاهدة المشاركة
                          ازيكم يا شباب عاملين ايه؟؟
                          أنا زميلتكم نورين (نور ده اسم الدلع)
                          البنت الوحيدة اللي كانت في التست درايف النهاردة بعد ما زميلي هيثم jisso82 حجزلي فيه علشان أجرب الجين2
                          وأنا اللي موِت الشخص اللي اسمه وائل حسين ده من الرعب والخوف باللي عملته فيه النهارده

                          بالنسبة ليك يا Raul_7 متزعلش منه
                          هو فعلا راجل غلس جدا وانا وهيثم كنا رحناله زمان في الأول علشان نسأل علي الجين وأنا فاكرة اننا أول ما خرجنا قلت لهيثم انه يبان (سوري في اللفظ) فتوة مش مندوب مبيعات خالص!
                          المهم أنا انتقمتلك منه النهاردة شر انتقام لما طلعت بالجين المانيوال حتة طلعة كانت هتخليه يموت في الكرسي اللي جنبي
                          والناس كمان كلها اتخضت ورجعت لورا

                          ههههه انا شوفتك وبصراحة كانت نتشة ميه ميه والناس كلها فعلا إتخضت

                          بس والله الحمد لله علي ده، لانه بجد خلاني أقتنع الجين بنسبة مليوووون في المية مع اني كنت مقتنعة بيها 100% أصلا
                          أنا متخيلتش ان دواسة البنزين بجد شعرة أوي كده يا دوب باللمس بتبقي العربية والله عايزة تنط وتجري ومحدش يحصلها!!
                          والمشكلة ان عربيتي الحالية موديل قديم وأهه باين من بياناتها ومن صورتها
                          فلما بدوس بنزين بدوس جامد وانا اتعودت علي الدوسة دي، بس لما جيت عملتها النهاردة مع الجين متخيلتش الاستجابة الرهيييبة دي وبجد العربية ماشاء الله فوق الوهمية
                          بس أنا مبسوطة بس في اللي اسمه وائل وياريت كنت دخلت بيه في أي صخرة علشان غلاسته دي
                          يلا ولا تزعل يا Raul

                          وبجد فعلا انا اتعلمت ان الواحد لازم يجرب الأول وبعدين يحكم علي الحاجة، العربية اللي كتير بيقولوا عليها ناشفة ووحشة والدركسيون تقيل والله محستش بأي حاجة من دول النهاردة في اللفة السريعة اللي عملناها، بالعكس حسيت الدركسيون مية تحت ايدي والعربية مش بالخشونة دي يعني، عارفة طبعا انه ده فرق تكنولوجيا السنين بين موديل حديث وموديل قديم أوي زي عربيتي وده اللي بيخليني أقول وأؤكد يا جماعة جربوا الأول وبعدين احكموا، مش الناس اللي تيجي تقول سماعي كده مش اكتر العربية ناشفة والعربية الدركسيون بتاعها مش عارف ايه!
                          بس علي فكرة مراية الصالون بالصدفة كانت مضبوطة أوي بالنسبة لي وشفت منها كويس جدا الطريق ورايا ومجال الرؤية كان واضح وسهل وبجد ظهر العربية مضايقنيش في حاجة

                          وبجد بالرغم من الجو السيئ النهاردة بس كان Event جميل وظريف واتشرفت فيه بمعرفة مهاب وأ. أحمد ابراهيم وأ. مدحت سكيك وأ. محسن صالح ده غير كمان زملاء لينا من منتدي سيارات تاني

                          زي ماقلت لازم بقه كلنا بعد كدة نجيب تي شيرتات عليها نايل موتورز علشان نعرف بعض

                          وعصير الفراولة كان بجد وهمي

                          انا مادقتش العصير بصراحة شربت ميه بس

                          وادعولي بقي انشاء الله أنضم لنادي بروتون قريب (بس من غير طلعات هجومية انتحارية تاني)

                          يارب كلنا ننضم قريباً انا نفسي في البرسونا بصراحة بس جربت الجين علشان كنت عايز المانيوال والبرسونا اللي كانو مركبين عليها النمر كانت أوتو فقالي خلاص جرب الجين ماهي نفس البرسونا بس كان معايا في الجين وفي الساجا المانيوال شاب كويس أحسن من وائل ده مش فاكر إسمة بس هو تقريبا ماكانش فيه غير هوه ووائل ده هما اللي بيطلعو التست مع الناس هوه قالي إنه من فرع مدينة نصر أصلا.

                          تحياتي
                          [CENTER] [/CENTER]

                          [CENTER][SIGPIC][/SIGPIC][/CENTER]

                          Comment


                          • #14
                            اللي أنا مستغرباله يا Reamoz انه كان فيه برسونا مانيوال ميتال جراي واقفة لكن مكانوش مطلعنها للتست درايف ولا بيحطوا عليها النمر التجارية ولا حاجة..مش عارفة ليه شغلوا الأوتو بس!
                            أنا الحقيقة مجربتش البرسونا في السواقة لكن كتير بيقولوا انها ان مكانتش زي الجين فهتكون أنعم شوية كمان
                            انت عندك حق، لازم يبقي فيه حاجة بعد كده تميز أعضاء نايل موتورز علشان يقدروا يتعرفوا علي بعض بسهولة في أي Event
                            يعني انت مثلا كنت موجود امبارح أهه وشفت الـ Show الجبار اللي انا عملته ومع ذلك معرفناش اننا زملا من نايل موتورز
                            لو ممكن يعملوا لنا نيشان زي اللي بيحطوه أعضاء الروتاري مثلا، ويا سلام لو يكون دهب
                            [CENTER][SIGPIC][/SIGPIC][/CENTER]

                            [CENTER][B][COLOR=darkred]نفسي الناس تبطل تقول "شف[COLOR=blue]ور[/COLOR]ليه" ويقولوا "شيف[COLOR=blue]رو[/COLOR]ليه"[/COLOR][/B][/CENTER]
                            [CENTER][B][COLOR=darkred]الفرق بين الـ RO والـ OR زي الفرق بين الـ T والـ S...![/COLOR][/B][/CENTER]

                            Comment


                            • #15
                              المشاركة الأصلية كتبت بواسطة nour3alanour مشاهدة المشاركة
                              اللي أنا مستغرباله يا Reamoz انه كان فيه برسونا مانيوال ميتال جراي واقفة لكن مكانوش مطلعنها للتست درايف ولا بيحطوا عليها النمر التجارية ولا حاجة..مش عارفة ليه شغلوا الأوتو بس!
                              أنا الحقيقة مجربتش البرسونا في السواقة لكن كتير بيقولوا انها ان مكانتش زي الجين فهتكون أنعم شوية كمان
                              انت عندك حق، لازم يبقي فيه حاجة بعد كده تميز أعضاء نايل موتورز علشان يقدروا يتعرفوا علي بعض بسهولة في أي Event
                              يعني انت مثلا كنت موجود امبارح أهه وشفت الـ Show الجبار اللي انا عملته ومع ذلك معرفناش اننا زملا من نايل موتورز
                              لو ممكن يعملوا لنا نيشان زي اللي بيحطوه أعضاء الروتاري مثلا، ويا سلام لو يكون دهب
                              أيوه اللي كانت واقفة جنب الواجا على يمين البوفيه مانا ركبتها وقعدت فيها كتير بصراحة العربية حلوة والواحد مكانش عايز يروح وييسبها كان هاين عليا ابات فيها

                              وحلو موضوع النيشان ده وطبعا إنتي أول واحدة لازم تاخدي نيشان على اللي عملتية في الراجل ده

                              بس موضوع الدهب ده مش هينفع من الرجالة

                              ممكن للبنات دهب والشباب بلاتين
                              [CENTER] [/CENTER]

                              [CENTER][SIGPIC][/SIGPIC][/CENTER]

                              Comment

                              Working...
                              X