Tweet
السلام عليكم على احسن منتدى في العالم
الحمد لله رحت يوم الثلاثاء وعملت صيانة الألف للبرسونا 2010، وبصراحة انا كنت رخم على العربية عشان رحت الصيانة وهي عاملة 1900 كم
المهم انا كنت قلقان من اللي قريته في المنتدى عن التوكيل والصيانة، لكن توكلت عل الله واتصلت الاتنين وحجزت وكمان غيرت الميعاد يوم الثلاثاء مرتين والناس كانوا ذوق ورايح اسلم العربية الساعة 12 ونص ومحدش اعترض ولا اتكلم.
في البداية جت مهندسة اسمها ايمان استلمت العربية وبتقولي انا اول مرة اشوف حد بيعمل صيانة لبرسونا 2010 وقالت لي: هم بدأوا يبيعوها طب كويس والله!!!!! بصراحة ما كنتش عارف ارد اقول ايه .. انتي في ملكوت تاني خالص
بعد كده بدأت العربية تاخد دورتها من الساعة 1 لحد الساعة 3 ونص بالتمام والكمال.
ودي ملاحظاتي باختصار:
1- العمال في التوكيل باحس انهم ولاد الحاج بروتون، مش بيردوا ولا يكلموا اي حد ودي ملاحظة عامة لكل اللي كان موجود معايا في اليوم ده.
2- في عضو في المنتدى اتكلم على موظف ظريف عاوز يلزق له العلامة بكوله، وغالبا هو نفس الشخص الظريف اللي باسأله على مشكلة الاريال قال لي برده الزقه بكوله، والحمد لله فرجت عليه اللي واقفين عشان يحترم نفسه.
3- العمال بلا استثناء كانوا باردين جدا يعني مفيش اي ضغط وتحس انهم بيتحركوا بالعافية.
4- طبعا هاضطر اروح تاني عشان اكتشفت مشكلة تاني يوم وهي اني كل ما اشغل المروحة او التكييف بالاقي في صوت عالي اوي وباحس بيه جدا تحت رجلي في الدواسات.
يلا الحمد لله انها جت لحد كده
وشكرا لاحسن منتدى
ويا ريت يكون في مقابله قريب اشوفكم فيها
احمد سليم
الحمد لله رحت يوم الثلاثاء وعملت صيانة الألف للبرسونا 2010، وبصراحة انا كنت رخم على العربية عشان رحت الصيانة وهي عاملة 1900 كم
المهم انا كنت قلقان من اللي قريته في المنتدى عن التوكيل والصيانة، لكن توكلت عل الله واتصلت الاتنين وحجزت وكمان غيرت الميعاد يوم الثلاثاء مرتين والناس كانوا ذوق ورايح اسلم العربية الساعة 12 ونص ومحدش اعترض ولا اتكلم.
في البداية جت مهندسة اسمها ايمان استلمت العربية وبتقولي انا اول مرة اشوف حد بيعمل صيانة لبرسونا 2010 وقالت لي: هم بدأوا يبيعوها طب كويس والله!!!!! بصراحة ما كنتش عارف ارد اقول ايه .. انتي في ملكوت تاني خالص
بعد كده بدأت العربية تاخد دورتها من الساعة 1 لحد الساعة 3 ونص بالتمام والكمال.
ودي ملاحظاتي باختصار:
1- العمال في التوكيل باحس انهم ولاد الحاج بروتون، مش بيردوا ولا يكلموا اي حد ودي ملاحظة عامة لكل اللي كان موجود معايا في اليوم ده.
2- في عضو في المنتدى اتكلم على موظف ظريف عاوز يلزق له العلامة بكوله، وغالبا هو نفس الشخص الظريف اللي باسأله على مشكلة الاريال قال لي برده الزقه بكوله، والحمد لله فرجت عليه اللي واقفين عشان يحترم نفسه.
3- العمال بلا استثناء كانوا باردين جدا يعني مفيش اي ضغط وتحس انهم بيتحركوا بالعافية.
4- طبعا هاضطر اروح تاني عشان اكتشفت مشكلة تاني يوم وهي اني كل ما اشغل المروحة او التكييف بالاقي في صوت عالي اوي وباحس بيه جدا تحت رجلي في الدواسات.
يلا الحمد لله انها جت لحد كده
وشكرا لاحسن منتدى
ويا ريت يكون في مقابله قريب اشوفكم فيها
احمد سليم
Comment