واجا 2009 هاف أوبشن

[nour_afdp]

أنا بشتري واجا 2009 هاف أوبشن مستعمله ( عاملة 11 ألف كيلو ) صاحبها عايز 67 ألف جنيه
عايز أعرف رأيكم في العربيه دي و في السعركمان ولو ممكن تنصحوني بإيه
أرجو الإفادة سريعا نظرا لضيق الوقت
وشكرا مقدما للجميع

[eng.m7md.ali]

هيا كسعر انا بصراحة مستغرب
بس لازم تروح التوكيل وتكشف عليها

[ramyar]

اوتوماتك ولا مانوال

[nour_afdp]

العربية مانيوال هاف أوبشن
يعني بدون ABS EBD - بدون جنوط - بدون Air bags

[ramyar]

العربية مانيوال هاف أوبشن
يعني بدون abs ebd - بدون جنوط - بدون air bags

الهاف اوبشن 2009 تعمل 76000 وعلي فكره الي موجوود في التوكيل 2009 2010 لسه ما وصلش كمان انتا لو حابب ممكن تاخد خصم محتره عليها علي الزيرو وكمان غير الخصم بتاعها يبقي عربيتك الي بتتكلم عليها غاليه

[eng.m7md.ali]

العربية مانيوال هاف أوبشن
يعني بدون abs ebd - بدون جنوط - بدون air bags

اه
انا كدة فهمت
انا كنت فاكر سعرها 83000
انت ممكن تجيبها زيرو 2009 بي 73000 بعد الخصم
وربنا يوفقك

[ramyar]

لا مش 73000 هوا لو حابب ممكن ياخد خصم اكبر والعربيه تقل عن 73000

[ehab49]

ان مستغرب من السعر دة جدا 2009 67000 حتي لو هاف اوبشن تنزل في السنة 9000 دة لو مشترية بسعر الرسمي 76000 . ثانيا مفيش خصم اكتر من 3000 جنية بالاعتذار الي الاستاذ ramyar دة لو علي كلام حضرتك ممكن العربية تخلص 70000

[Mohamed.Kader]

السلام عليكم
ياجماعة ممكن أقول حاجة ومحدش يزعل مني من أصحاب الواجا
أنا شايف أن الواجا شكلها ودواخلها مش بتوع عربية 2009:2010 بيتهيألي أنها كانت المفروض يكون جيلها جيل الكورولا 2003:2006 والميتسوبيشي 2003 متعدش لغاية 2010 بنفس الشكل دا فيمكن يكون دا السبب ورا أنها سعر إعادة البيع مش حلو وسامحوني لو ديأتكم