صوت غريب قالقني.....

[kareem_aljamal]

ساعات في النقر و الحتت المكسرة شوية بسمع خبطة جامدة جدا من تحت العربية
هي مش حكة في العربية هو الصوت كأن حاجة بتخبط في بعضها من تحت ؟؟؟
انا هعمل صيانة ال 5 كمان كام يوم كده بس مش عارف الصوت ده قالقني
هو مش بيجي على طول هو ساعات اه و ساعات لأ .........
ممكن يكون من العفشة ؟؟؟

[ahmad--ezzat]

قلهم على المشكله...وقلهم كمان ان الموضوع مش تربيط عفشه لانها اتربطت قبل كده والصوت موجود (اشتغلهم عشان يشوفوا العربيه)....خليهم يكشفوا على البطاحات او الجلب او الحجات وان شاء الله خير

[ehab49]

ان شاء لله تطلع حاجة بسيطة بس يارت تقول الي حصل معاك في التوكيل وردهم عليك اية بضبط ونوع العربية واسف علي التطويل في الحديث .

[tamer_aj]

المشكلة في علبة الدريكسيون, و أعتقد إنها بتظهر جامد مع أي ملف مكسر, و الموضوع ده غير مقلق بالمرة و علي فكرة مالوش حل في التوكيل, و هما بعتوا المشكلة لماليزيا عشان يطورلها حل و بعدين هايتعدل في كل العربيات إن شاء الله.

م. تامر حافظ

[momenhamdy]

المشكلة في علبة الدريكسيون, و أعتقد إنها بتظهر جامد مع أي ملف مكسر, و الموضوع ده غير مقلق بالمرة و علي فكرة مالوش حل في التوكيل, و هما بعتوا المشكلة لماليزيا عشان يطورلها حل و بعدين هايتعدل في كل العربيات إن شاء الله.

م. تامر حافظ

+11111111111111

تمام زي ما قال البشمهندس تامر

و الموضوع دي غير مقلق خالص في العربيه

و حتي الظاهره دي الماليزين مسمينها كارفور نويز

تحياتي

[kareem_aljamal]

العربية جين 2 2010
انت بتقول في الملفات الصوت ده بيظهر
لأ انا ببقى ماشي عادي مش بلف ولا حاجة بس في نقرة او بلاعة في الشارع ببقى مضطر اني اخدها فالصوت بيطلع
هتابع معاكم ان شاء الله

[eng.m7md.ali]

هو دة الصوت اللي انا كنت بتكلم عنه من فترة
ده مش عيب في العفشة ولا حاجة الحكاية كلها انك لو واخد النقرة دي على سرعة عالية الصوت ده بيطلع انا سالتهم في التوكيل وقالي علشان العفشة اسبور من ورا
اكيد الصوت عامل اكنو حديدتيين بيخبطو في بعض صح ولا انا اللي عندي ده حاجة تانية؟؟
الصوت بيطلع اكتر لو في حد قاعد ورا ولا لا؟

[Osama.shihata]

المشكلة في علبة الدريكسيون, و أعتقد إنها بتظهر جامد مع أي ملف مكسر, و الموضوع ده غير مقلق بالمرة و علي فكرة مالوش حل في التوكيل, و هما بعتوا المشكلة لماليزيا عشان يطورلها حل و بعدين هايتعدل في كل العربيات إن شاء الله.

م. تامر حافظ

فعلا الكلام ده حقيقى بالفعل
وانا كنت قاعد مع مهندس امر وكد لى انهم لسا بالفعل موصلوش للحل ولكن الامر غير مقلق بالمرة
وان شاء الله اول ما التعديل يجى هيبلغونا علطول

[kareem_aljamal]

الصراحة الصوت فعلا كأنه حديد بيخبط تحت العربية
بس لو زي ما انت قولت انه من العفشه هل ده يضر و يعمل مشكلة و هل ليه حل عندهم ؟؟؟؟

[eng.m7md.ali]

الصراحة الصوت فعلا كأنه حديد بيخبط تحت العربية
بس لو زي ما انت قولت انه من العفشه هل ده يضر و يعمل مشكلة و هل ليه حل عندهم ؟؟؟؟

للاسف محدش عارفلها حل
هل ده فعلا طبيعي في كل البروتون ولا عيب؟؟

[hesham_soaida]

للاسف محدش عارفلها حل
هل ده فعلا طبيعي في كل البروتون ولا عيب؟؟

الصوت دا كان عندي, وكنت بسمعه جاى من الخلف لما بكون ماشي بسرعة على مطب أو حفرة صغيرة, روحت التوكيل اللي في العجوزة, وبعد الكشف المكثف الذي شمل تجربة السيارة أثناء وجود احد الميكانيكية داخل الشنطة الخلفية للسيارة وهي مغلقة, وبعد التشحيم والذي منه, وبعد مشاورة مدير المركز, تقرر أن المشكلة ليست لها أي علاقة بالعفشة, والصوت مصدره الرفرف الخلفي. مدير المركز أمر بتشحيم الشدادات الخلفية, والمهندس قاللي لو الصوت استمر يبقى الحل اني أربط الرفرف في الصحراوي. بصراحة انا مابسمعش الصوت دا دلوقتي اللي عامل زي حديدتين بيخبطوا في بعض, مش عارف دا علشان أنا مابحاولش أسمع ولا الصوت فعلا راح. أهم حاجة العفشة سليمة يا ريس

[Ahmed_SpY]

الصوت ده عندى برضو

[ehab49]

الصوت دا كان عندي, وكنت بسمعه جاى من الخلف لما بكون ماشي بسرعة على مطب أو حفرة صغيرة, روحت التوكيل اللي في العجوزة, وبعد الكشف المكثف الذي شمل تجربة السيارة أثناء وجود احد الميكانيكية داخل الشنطة الخلفية للسيارة وهي مغلقة, وبعد التشحيم والذي منه, وبعد مشاورة مدير المركز, تقرر أن المشكلة ليست لها أي علاقة بالعفشة, والصوت مصدره الرفرف الخلفي. مدير المركز أمر بتشحيم الشدادات الخلفية, والمهندس قاللي لو الصوت استمر يبقى الحل اني أربط الرفرف في الصحراوي. بصراحة انا مابسمعش الصوت دا دلوقتي اللي عامل زي حديدتين بيخبطوا في بعض, مش عارف دا علشان أنا مابحاولش أسمع ولا الصوت فعلا راح. أهم حاجة العفشة سليمة يا ريس

بس ان بسمع الصوت دة بردة بس مش علطول ذي ما حضرتك بتوصف بس عندي جانب الشمال في الخلف يعني اروح واكشف علي الرفرف يمكن هو السبب ولا عيب في كل انوع سيارات البروتون.

[eng.m7md.ali]

بس ان بسمع الصوت دة بردة بس مش علطول ذي ما حضرتك بتوصف بس عندي جانب الشمال في الخلف يعني اروح واكشف علي الرفرف يمكن هو السبب ولا عيب في كل انوع سيارات البروتون.

انا كمان عندي الصوت ده من الجنب اللشمال ورا

[eng.m7md.ali]

الصوت دا كان عندي, وكنت بسمعه جاى من الخلف لما بكون ماشي بسرعة على مطب أو حفرة صغيرة, روحت التوكيل اللي في العجوزة, وبعد الكشف المكثف الذي شمل تجربة السيارة أثناء وجود احد الميكانيكية داخل الشنطة الخلفية للسيارة وهي مغلقة, وبعد التشحيم والذي منه, وبعد مشاورة مدير المركز, تقرر أن المشكلة ليست لها أي علاقة بالعفشة, والصوت مصدره الرفرف الخلفي. مدير المركز أمر بتشحيم الشدادات الخلفية, والمهندس قاللي لو الصوت استمر يبقى الحل اني أربط الرفرف في الصحراوي. بصراحة انا مابسمعش الصوت دا دلوقتي اللي عامل زي حديدتين بيخبطوا في بعض, مش عارف دا علشان أنا مابحاولش أسمع ولا الصوت فعلا راح. أهم حاجة العفشة سليمة يا ريس

انا كدة اطمنت هاروح اعملهم قرد هناك علشان يعالجو المشكلة دي