ارجو مشاركة جميع ملاك بروتون وابداء اقتراحاتهم بخصوص التوكيل

[momopersona]

السلام عليكم
الكلام اللى انا هاتكلم فيه مايقللش من قيمة العربيه وحبى ليها
لكن هو مجرد اعتراض على اسلوب التوكيل اللى كره ناس غيرى فيها
وياريت نوصل لحل اخير نتبعه ونمشى عليه عشان ناخد حقوقنا

طبعا العربيه فيها مشاكل زى اى عربيه
لكن عندنا المشاكل مابتتحلش زى اى عربيه
وده طبعا عيب توكيل وسببه اللا مبالاه اللى عندنا

يعنى ممكن تقولولى كام واحد موعود بعلب الدريكسيون الجديده (وبقاله كام سنه؟)
وكام واحد بيتعمله شكرتون على القفل (وده طبعا مش حل ده تلصيم عشان نمشى)
وكام واحد بيغير مالتى فانكشن كل شهر تشتغل اسبوع ويحجز واحده جديده لمدة شهر على اساس ان الجديده مابتبوظ
وكام واحد استهلاك عربيته عالى وماتحلش (مع ملاحظة ان باقى بروتون استهلاكه كويس)

كفايه لا مبالاه بئا
وارجو انكم ماتسكتوش على حقكم او تبررو موقف التوكيل لمجرد علاقات شخصيه باحد العاملين فيه او لغيره
المشاكل موجوده و مابتتحلش فى التوكيل يعنى لا مجال للنقاش فى كون التوكيل مدان او لا

المشاكل موجوده فى مصر ومابتتحلش
ونفسها موجوده فى انجلترا وبتتحل
والسبب احنا مش بروتون ولا عز العرب


ايه الحل ؟؟؟
1- اللجوء لحماية المستهلك اللى انا متأكد انه قادر على حل مشاكلنا
2- اللجوء الى مديرين عز العرب (ومافيش فايده بياكلوك بالكلام بردو)
3-الخناق مع مركز الصيانه ( وبيرضوك على ماتمشى من وشهم المشاكل ترجع تانى)

انسب حل هو اللجوء لحماية المستهلك
وده انا قررت انى اتبعه ان شاء الله
حد مستعد يخوض التجربه معايا ؟؟؟؟؟؟؟؟؟؟؟؟؟
منعا للاحراج اللى ناوى يعمل كده ممكن يبعتلى على الخاص

وشكرا للناس الجميله اللى بتحاول تحللنا مشاكلنا فى المنتدى بس بجد مافيش فايده
وطبعا العيب مش فيكو العيب فى التوكيل اللى ربنا بلانا بيه
ولو عند اى حد رأى ااخر يقوللنا
ولو عند اى حد اعتراض على كلامى يقول
وارجو مشاركة كل الاعضاء ملاك بروتون
وشكرا

[brashy101]

كلامك مظبوط جدا يا عم momo واحترم شجاعتك....
في فعلا انفصام في الشخصيه.....
الصوره هنا في المنتدي عن التوكيل انه هيبقي حاجه تالته. ومواضيع عن اقتراحات .و شكاوي. ومراكز خدمه سريعه .واي حد عنده مشكله احنا في الخدمه(الارض مفروشه قطع غيار )...............الخ.
الحقيقه تبان لما سياتك تروح التوكيل . او سياتك تبقي عندك مشكله ومش عارف تحلها . او قطعه غيار مش موجوده . او محدش يرد عليك من الاساس(اقصد نفسي)....
ولا عزاء للمصداقيه والوعود او الثقه اللي كانت في الناس اللي بتدافع عن التوكيل وبتتكلم بلسانه..
وبرغم كل ده .....بنحب بروتون...وهنفضل نحب بروتون....مع الامل في حدوث تغير في سياسه التوكيل والناس اللي فيه .
ويبقي السؤال بدون اجابه........ما الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[momopersona]

كلامك مظبوط جدا يا عم momo واحترم شجاعتك....
في فعلا انفصام في الشخصيه.....
الصوره هنا في المنتدي عن التوكيل انه هيبقي حاجه تالته. ومواضيع عن اقتراحات .و شكاوي. ومراكز خدمه سريعه .واي حد عنده مشكله احنا في الخدمه(الارض مفروشه قطع غيار )...............الخ.
الحقيقه تبان لما سياتك تروح التوكيل . او سياتك تبقي عندك مشكله ومش عارف تحلها . او قطعه غيار مش موجوده . او محدش يرد عليك من الاساس(اقصد نفسي)....
ولا عزاء للمصداقيه والوعود او الثقه اللي كانت في الناس اللي بتدافع عن التوكيل وبتتكلم بلسانه..
وبرغم كل ده .....بنحب بروتون...وهنفضل نحب بروتون....مع الامل في حدوث تغير في سياسه التوكيل والناس اللي فيه .
ويبقي السؤال بدون اجابه........ما الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وليه نفضل على امل فى حاجه حقنا اساسا
وليه نفضل نسمع فى كلام غير واقعى ونقنع نفسنا بيه واحنا عارفين انه مش هايحصل
ااسف كلامك كله صح لكن لو ناوى تفضل على امل فى حدوث تغيير من غير ماتحاول تحقق التغيير ده
يبئا العيب فيك انت وماتلومش حد فى التوكيل لان انت اللى سايب حقك
زى بالظبط لما تحط الف جنيه قدامك على التربيزه وتقوم وتسيبهم ترجع ماتلاقيهومش تقول ده الناس حراميه والعيب فبهم وانا على امل ان حد يرجعهم

الضمان ده حاجه احنا دافعين ثمنها واحنا بنشترى ومن حقنا ان احنا نعيش 3 سنين من غير ولا مشكله فى العربيه
وبعديه بردو هما ملزمين يحلو اى مشكله مهما كانت بس بفلوس

يا ريت نبئا اكثر ايجابيه شويه عشان انا تعبت من اللى احنا فيه ده

[ahmedsiyam]

الاخ الفاضل صاحب الموضوع

السيد المهندس مدير خدمات مابعد البيع عمل موضوع بخصوص السلبيات اللى احنا شايفنها و ايضا موضوع تانى للارتقاء بخدمات مابعد البيع

و تم تجميع المقترحات دى و اعتقد انه تم عرضها على الادارة فى شركة عز العرب
اكيد الادارة بصدد اتخاذ قرارات بشأن المقترحات و السلبيات بس طبعا الكلام ده محتاج وقت علشان يتنفذ

انا شايف من وجهة نظرى انه بدل مانفتح موضوع جديد يتم الرد فى نفس المواضيع السابقة زيى الموضوع الموجود فى قسم الموضوعات المثبتة و نسال السيد المسئول عما تم و ايه اللى هايحصل و اعتقد انه عنده الرد الكافى لنا كعملاء

ده مجرد اقتراح لتوحيد الجهود و تركيز المواضيع فى موضوع واحد يبقى الكلام كله فيه

تحياتى و اتمنى ان كل مشاكل الاخوة الاعضاء تتحل فى اقرب وقت ممكن

[eslam_wega]

انا متفق معكم فى كل الكلام دة
وانا عن نفسى لما ليقت التوكيل بالشكل دة فى اول صيانة روحتها
قولت والله ولا عايز ضمان ولا يحزنون
وبعمل علطلول الصيانة بارة والدنيا معيا زى الفل الحمدلله

[momopersona]

الاخ الفاضل صاحب الموضوع

السيد المهندس مدير خدمات مابعد البيع عمل موضوع بخصوص السلبيات اللى احنا شايفنها و ايضا موضوع تانى للارتقاء بخدمات مابعد البيع

و تم تجميع المقترحات دى و اعتقد انه تم عرضها على الادارة فى شركة عز العرب
اكيد الادارة بصدد اتخاذ قرارات بشأن المقترحات و السلبيات بس طبعا الكلام ده محتاج وقت علشان يتنفذ

انا شايف من وجهة نظرى انه بدل مانفتح موضوع جديد يتم الرد فى نفس المواضيع السابقة زيى الموضوع الموجود فى قسم الموضوعات المثبتة و نسال السيد المسئول عما تم و ايه اللى هايحصل و اعتقد انه عنده الرد الكافى لنا كعملاء

ده مجرد اقتراح لتوحيد الجهود و تركيز المواضيع فى موضوع واحد يبقى الكلام كله فيه

تحياتى و اتمنى ان كل مشاكل الاخوة الاعضاء تتحل فى اقرب وقت ممكن

اهلا بيك يا استاذ احمد
كلامك سليم
لكن انا زهقت من الردود الكافيه لنا كعملاء
لانه بيبئا كلام مش اكتر ولا اقل
والله اعلم العيب منين من مدير خدمة مابعد البيع ولا من ادارة عز العرب
وشايف ان طول ما الموضوع ودى مابناخدش حقوقنا
ولو الموضوع بقه بضغط من حماية المستهلك لو العيب من الاداره هاتتظبط ولو العيب من خدمة مابعد البيع بردو هايتظبط
وشايف ان كل ما الوقت بيعدى بسبب وعود مابتحصلش ده خساره لينا
لان يكفى انى مشيت حتى الان اول 20000كم من الضمان من غير ماستمتع بالعربيه ووانا ارفان منها كمان

وطبعا كل واحد حر فى رأيه ولو حضرتك مقتنع انهم بيحاولى يحلو المشاكل براحتك طبعا لان دى عربيتك وانت ادرى مننا بيها

بس انا مازلت عند رأيى ان عز العرب هو الحل الوحيد اللى هايجبلنا حقوقنا

[momopersona]

انا متفق معكم فى كل الكلام دة
وانا عن نفسى لما ليقت التوكيل بالشكل دة فى اول صيانة روحتها
قولت والله ولا عايز ضمان ولا يحزنون
وبعمل علطلول الصيانة بارة والدنيا معيا زى الفل الحمدلله

اسلام باشا ده مش حل
لان ده حقك وكان لازم تستنفع بيه
يعنى انت كده ماريحتش نفسك ده انت كده ريحتهم هما من حاجه انت دافع ثمنها

بس على العموم يا رب ماتحتاج الضمان فى حاجه يا باشا عشان ماتحسش انك غلط

[brashy101]

يعني انت يا عم محمد عايزني اعمل ايه بالظبط ؟؟؟؟؟؟؟؟؟؟!!!!!!!!!
بالله عليك تفكك من الموضوع ال......ده لانه بيعصبني
انا حاسس ان احنا بنتعاقب بسبب حبنا للعربيه دي .....زي ميكون عارف ان احنا بنحبها ومش هنستغني عنها .فبيمسكنا من ادينا اللي بتوجعنا.........
وبالنسبه للناس اللي بتفكر تشتري العربيه ....علي قد ما هتحب العربيه وهتعجبك كتييييييييييييييير ....... عل قد ما هتكره التوكيل وهتكره اللي شار عليك بيه.
وبالنسبه للاعضاء الكرام اللي بيدافعوا عن التوكيل (مع احترامي ليهم) وجهه نظري المتواضعه .ان حضراتكوا يا اما شغالين فيه ....او علي الاقل ليكوا معارف هناك ومشاكلكو محلوووووووله...
ده انا يا عم محمد كان عندي مشكله في مثبت السرعه .ورحت مركز الغد قالولي هنبعت نكلم الصحراوي .والكلام ده بقاله شهرين .وعملت موضوع عشان حد من الناس اللي هنا يساعدني لو يقدر...محدش رد من الاساس......
والتوكيل المحترم مش مكتفي انه عمل الضمان 60 الف . للأ ده بيتلصم كمان ..يعني لو سياتك معملتش هناك صيانه او اتنين يقلك العربيه بالسلامه ...يا باشمهندسين وايه المشكله ؟ يقلك هو كده.....طيب يعني كده الماتور برده الضمان ؟؟؟؟؟؟؟؟؟؟ يقلك لا العربيه كلها ....طيب ازاي مش الضمان جزئي؟؟؟؟؟؟؟؟؟؟يقلك هو كده.

ويا ريت حد بيرد علييينا او بيعبرنا بعد تعب القلب ده .والمواضيع اللي راحه جايه.

[hesham_soaida]

يعنى ممكن تقولولى كام واحد موعود بعلب الدريكسيون الجديده (وبقاله كام سنه؟)
وكام واحد بيتعمله شكرتون على القفل (وده طبعا مش حل ده تلصيم عشان نمشى)
وكام واحد بيغير مالتى فانكشن كل شهر تشتغل اسبوع ويحجز واحده جديده لمدة شهر على اساس ان الجديده مابتبوظ
وكام واحد استهلاك عربيته عالى وماتحلش (مع ملاحظة ان باقى بروتون استهلاكه كويس)
المشاكل
ايه الحل ؟؟؟
1- اللجوء لحماية المستهلك اللى انا متأكد انه قادر على حل مشاكلنا

[momopersona]

يعني انت يا عم محمد عايزني اعمل ايه بالظبط :i_angr1[1]:؟؟؟؟؟؟؟؟؟؟!!!!!!!!!
بالله عليك تفكك من الموضوع ال......ده لانه بيعصبني
انا حاسس ان احنا بنتعاقب بسبب حبنا للعربيه دي .....زي ميكون عارف ان احنا بنحبها ومش هنستغني عنها .فبيمسكنا من ادينا اللي بتوجعنا.........
وبالنسبه للناس اللي بتفكر تشتري العربيه ....علي قد ما هتحب العربيه وهتعجبك كتييييييييييييييير ....... عل قد ما هتكره التوكيل وهتكره اللي شار عليك بيه.
وبالنسبه للاعضاء الكرام اللي بيدافعوا عن التوكيل (مع احترامي ليهم) وجهه نظري المتواضعه .ان حضراتكوا يا اما شغالين فيه ....او علي الاقل ليكوا معارف هناك ومشاكلكو محلوووووووله...
ده انا يا عم محمد كان عندي مشكله في مثبت السرعه .ورحت مركز الغد قالولي هنبعت نكلم الصحراوي .والكلام ده بقاله شهرين .وعملت موضوع عشان حد من الناس اللي هنا يساعدني لو يقدر...محدش رد من الاساس......
والتوكيل المحترم مش مكتفي انه عمل الضمان 60 الف . للأ ده بيتلصم كمان ..يعني لو سياتك معملتش هناك صيانه او اتنين يقلك العربيه بالسلامه ...يا باشمهندسين وايه المشكله ؟ يقلك هو كده.....طيب يعني كده الماتور برده الضمان ؟؟؟؟؟؟؟؟؟؟ يقلك لا العربيه كلها ....طيب ازاي مش الضمان جزئي؟؟؟؟؟؟؟؟؟؟يقلك هو كده.

ويا ريت حد بيرد علييينا او بيعبرنا بعد تعب القلب ده .والمواضيع اللي راحه جايه.

افهم من كلامك انك مستعد تعمل مشوار لحماية المستهلك معايا يا باشا
فى سبيل حل مشاكلك الشخصيه اولا وحل مشاكل باقى الناس الغلابه كمان
لو موافق ودوست معايا وماخدتش حقك انا مستعد اغرملك ثمن عربيه جديده (رهان يعنى)
لكن اذا مش موافق يبئا لا تلومن الا نفسك عشان انت اللى سايب حقك وزعلان
وطبعا مشاكلك هى
1- تغيير مثبت السرعه
2- تغيير علبة الدريكسيون بعلبه خاليه من العيب
3- حل اخير للمالتى فانكشن
صح !!
دى اهم 3 حاجات تقريبا عندك

والكلام ده طبعا لا يقلل من العربيه فى شىء لكن يقلل من التوكيل الجامد ده
وحبنا للعربيه مازال مستمر وكرهنا للتوكيل بردو مستمر حتى حل المشاكل (على الاقل الجماعيه)

[momopersona]

بردو افهم انك معايا فى المشوار لحماية المستهلك؟؟
ولا راضى عن المشاكل وموافق باهدار حقك ومالك

[momopersona]

يا جماعه بجد اللى على امل ان كلامهم هايحصل وان المشاكل هاتتحل
لازم يبئا عارف ان نفس الكلام بيتقال لناس من سنة 2006 ومافيش حلول حتى الان
يعنى الود مانفعش على مدار 4 سنين نجرب ناخد حقنا بالقانون بئا
وياريت حبكو الشديد للعربيه مايخليكوش تتناسو مشاكلها (اللى سهل حلها جدا)

مشوار يريحك باقى عمرك من مشاكل العربيه وتاخد ثواب فى الناس الطيبين

اللى ناوى يعمل الشكوه يقول او يبعتلى على الخاص منعا للاحراج

[hesham_soaida]

بردو افهم انك معايا فى المشوار لحماية المستهلك؟؟
ولا راضى عن المشاكل وموافق باهدار حقك ومالك

ومين قاللك بس ان انا عندي مشاكل, أنا بس بشجع اللعبة الحلوة. بصراحة انا كنت في الصحراوي من اربع شهور واتعرفت على دكتور صيدلي عنده بيرسونا برده, وبصراحة كان راجل حقنة, قاللي أي مشكلة تقابلك تروح على طول لحماية المستهلك وقاللي عنوانه تقريبا في شارع أحمد عرابي. كان عنده مشكلة علبة الدريكسيون ومشاكل أخرى, قاللي متحليتش غير لما اشتكى عز العرب لحماية المستهلك. وبصراحة كانوا مهتمين بالراجل اهتمام خاص, فواضح انه هو دا بقا النظام في بلدنا

[ahmedfathy77]

السلام عليكم ورحمة الله وبركاته

اولا لازم نشكر حضرتك على حماسك وحبك للعربية ورغبتك فى التغيير للافضل ولكن فيه كام نقطه لازم يبقوا واضحين قبل التفكير فى اى خطوة

اولا : حضرتك ذكرت بعض المشاكل فى العربية زى الشيكارتون والمالتى فانكشون اللى بيبوظ واستهلاك البنزين العالى وواضح جدا ان دى مش مشكلة فى التوكيل لانه مش هو اللى بيصنع لا العربيه ولا قطع غيارها ولا حتى بيجمعها العربية بتيجى من ماليزيا على المينا على سيادتك ,كون حاجة باظت ده مش ذنبه بس دوره انه يصلحها او يبعت يجيب لك قطعة الغيار لو مش متوفرة واعتقد ان فيه ناس كتير علقت ان فيه تطور كبير ملحوظ فى الفترة الاخيرة فى التوكيل لازم يذكر.

ثانيا : انا لغاية دلوقتى مش عارف ايه مشكلة عربية حضرتك الحالية بالظبط المشاكل المطروحة عامة مش محددة وموجودة فى اى عربية فى الدنيا حتى تويوتا طالتها مشاكل التصنيع ومش العادية اللى زى دى, دى مشاكل مميته وكلنا قرينا عنها انما فى اى موضوع بيتكلم عن الشكاوى مينفعش التعميم لازم كل واحد يتكلم يكون عنده مشكلة محددة وواضحة برقم الشاسيه ويكون التوكيل تعنت معاه فيها ومحلهاش وبالتالى يمكن الانتقال لمرحلة الشكوى الجماعية ولغاية دلوقتى محدش اتكلم فى الموضوع بشكل موضوعى عن مشاكل حصلت والتوكيل محلهاش .

ثالثا : فيه شرط واضح لو حد عاوز يشتكى فى حماية المستهلك ان المستهلك يكون حاول يحل المشكلة وديا مع مكان الشراء فهل حد جرب انه يدخل ويعرض شكواه فى الموضوع المخصص للشكاوى فى المنتدى او كتب حاجة فى المقترحات اللى المفروض التوكيل بيجمعها عشان يطور نفسه ومحدش رد عليه او رحت التوكيل ومحدش عبرك وسابوك من غير اى اهتمام بيك فى الحالة دى يكون من حقك تشتكى انما نظام نلم الرجالة ونطلع على حماية المستهلك بدون ترتيب اوخطوات سابقة لحل المشكلة مع التوكيل يبقى زى ماهيروحوا زى ما هيرجعوا .

أستاذ مومو اى مشكلة فى الدنيا ممكن تتحل وديا وبالادب اللى بيحرج اللى قدامك و انا بخبرتى مع المنتدى هنا من سنة تقريبا وتعايشى مع الناس ومشاكلهم مع التوكيل والعربية احب اقول لحضرتك ان لا التوكيل احسن توكيل فى مصر ولا اسوا ولكن واضح فعلا ان فيه محاولات جادة للتطوير وتحسين الخدمة والمعاملة ولو فيه خمسة او عشرة بيشتكوا من التوكيل عشان عندهم مشاكل هتلاقى زييهم عشر مرات على الاقل راضيين عن التوكيل بس لان مفيش مشكلة مبيتكلموش وده عيب فينا برضه زى مابنذكر العيوب بمنتهى الصراحة والقوة لازم برضه نذكر المزايا عشان نعكس صورة حقيقية عن التوكيل سواء كانت وحشة او حلوة

فى الاخر انا اؤيد راى استاذ احمد صيام لازم توحيد الجهود وابداء ارائنا ومشاكلنا ومقترحاتنا بشكل عملى فى موضوع موحد او اتنين للحصول على اعلى فائدة ممكنة وتطوير التوكيل

سلامى للجميع

[momopersona]

السلام عليكم ورحمة الله وبركاته
وعليكم السلام ورحمة الله
اولا لازم نشكر حضرتك على حماسك وحبك للعربية ورغبتك فى التغيير للافضل ولكن فيه كام نقطه لازم يبقوا واضحين قبل التفكير فى اى خطوة
صح
اولا : حضرتك ذكرت بعض المشاكل فى العربية زى الشيكارتون والمالتى فانكشون اللى بيبوظ واستهلاك البنزين العالى وواضح جدا ان دى مش مشكلة فى التوكيل لانه مش هو اللى بيصنع لا العربيه ولا قطع غيارها ولا حتى بيجمعها العربية بتيجى من ماليزيا على المينا على سيادتك ,كون حاجة باظت ده مش ذنبه بس دوره انه يصلحها او يبعت يجيب لك قطعة الغيار لو مش متوفرة واعتقد ان فيه ناس كتير علقت ان فيه تطور كبير ملحوظ فى الفترة الاخيرة فى التوكيل لازم يذكر.

ااسف بس كلام حضرتك مش منطقى خالص
يعنى انا المفروض اروح ماليزيا ولا ايه
دلوائتى انا واخد العربيه بضمان الوكيل اللى هو عز العرب يعنى هو المسئول الرسمى عن اى مشكله تحصل
ولو العربيه فيها عيوب يبئا دى مشكلته هو اللى جابها وانا خادتها بضمان منه هو
لو في مشكله فى مصانع بروتون تبئا العربيات ترجعله وى تويوتا وفولكس وهوندا
وده كلام قانونى جدا ان هو المسئول عن الحاجات دى
وطبعا كون ان حاجه باظت هو ملزم يصلحها غصب عنه
لو سوء استخدام ياخد ثمنها ولو عيب تصنيع تبئا فى الضمان
كلمة مافيش حل للمشكله دى فى امريكا تقفل الشركه بس تحيا مصر والمصريين الطيبين
بالنسبه لقطع الغيار مش المفروض انى استناها تيجى لا لازم تبئا موجوده اساسا بالكامل فى التوكيل وده كلام قانونى بردو
وطبعا العربيه بتيجى من ماليزيا للمينا ليا بعد المراجعه الملزم بيها عز العرب عشان يبئا مسئول عن اى عيب بداية من استلامها من بروتون
وفعلا فى تغيير فى المعامله فى التوكيل
يعنى زمان كانو بيقولولنا هو كده وده عيب فى العربيه و مالوش حل وسلام
دلوائتى بئى يقوللك ايوه يا فندم حضرتك ليك حق وان شاء الله الحل قرب يوصل وهانكلم حضرتك وشكرا لزيارتك عز العرب وولا الهوا بردو

ثانيا : انا لغاية دلوقتى مش عارف ايه مشكلة عربية حضرتك الحالية بالظبط المشاكل المطروحة عامة مش محددة وموجودة فى اى عربية فى الدنيا حتى تويوتا طالتها مشاكل التصنيع ومش العادية اللى زى دى, دى مشاكل مميته وكلنا قرينا عنها انما فى اى موضوع بيتكلم عن الشكاوى مينفعش التعميم لازم كل واحد يتكلم يكون عنده مشكلة محددة وواضحة برقم الشاسيه ويكون التوكيل تعنت معاه فيها ومحلهاش وبالتالى يمكن الانتقال لمرحلة الشكوى الجماعية ولغاية دلوقتى محدش اتكلم فى الموضوع بشكل موضوعى عن مشاكل حصلت والتوكيل محلهاش .

يا باشا انا باتكلم عن حق جماعى مش كل همى مشاكلى بس
ولو همى مشاكلى بس كنت حلتها من زمان غصب عنهم لكن انا باتكلم فى حقوق ناس ضايعه وسمعة عربيه باظت بسببهم
و انا لو عندى مشكله فرديه مش مشكله
لكن طبعا كلنا عندنا المشاكل المطروحه فى الموضوع ولو مش عندك تبئا غريبه جدا طبعا
لان على كلام التوكيل دى عيوب تصنيع فى كل بروتون والعيب مش فينا طبعا ده فى بروتون واحنا مالناش ذنب
رقم شاسيه ايه اللى حضرتك عايزه انت بتتكلم جد ؟؟ طب ليه ؟؟

ثالثا : فيه شرط واضح لو حد عاوز يشتكى فى حماية المستهلك ان المستهلك يكون حاول يحل المشكلة وديا مع مكان الشراء فهل حد جرب انه يدخل ويعرض شكواه فى الموضوع المخصص للشكاوى فى المنتدى او كتب حاجة فى المقترحات اللى المفروض التوكيل بيجمعها عشان يطور نفسه ومحدش رد عليه او رحت التوكيل ومحدش عبرك وسابوك من غير اى اهتمام بيك فى الحالة دى يكون من حقك تشتكى انما نظام نلم الرجالة ونطلع على حماية المستهلك بدون ترتيب اوخطوات سابقة لحل المشكلة مع التوكيل يبقى زى ماهيروحوا زى ما هيرجعوا .

انا معايا ورق الصيانات نفس الحاجات اللى بشتكى منها فى صيانة الالف هى فى 5 وال 10 وال15 وماتحلتش حتى الان
الاهتمام مايكونش كلام وبس لازم يبئا افعال اشوف العربيه اتغيرت بعد الصيانه والعيوب اتحلت
زى ما هايروحو زى ماهيرجعو ازاى ؟؟ هو حضرتك ماتعرفش حماية المستهلك؟؟
انا مابقولش نلم الرجاله انا بدور على حل يجيب حقوقنا مش باتكلم على الفاضى
لو حضرتك ممكن تحللنا مشاكلنا بطريقه تانيه ياريت تقولهالنا وبلاش دفاع وخلاص بدون فايده

أستاذ مومو اى مشكلة فى الدنيا ممكن تتحل وديا وبالادب اللى بيحرج اللى قدامك و انا بخبرتى مع المنتدى هنا من سنة تقريبا وتعايشى مع الناس ومشاكلهم مع التوكيل والعربية احب اقول لحضرتك ان لا التوكيل احسن توكيل فى مصر ولا اسوا ولكن واضح فعلا ان فيه محاولات جادة للتطوير وتحسين الخدمة والمعاملة ولو فيه خمسة او عشرة بيشتكوا من التوكيل عشان عندهم مشاكل هتلاقى زييهم عشر مرات على الاقل راضيين عن التوكيل بس لان مفيش مشكلة مبيتكلموش وده عيب فينا برضه زى مابنذكر العيوب بمنتهى الصراحة والقوة لازم برضه نذكر المزايا عشان نعكس صورة حقيقية عن التوكيل سواء كانت وحشة او حلوة

طب وهو حماية المستهلك مش ادب ولا ايه (ده جهاز بيحمينى من الحاجات دو وحقى الجأله لما ماخودش حقى بالود)
حضرتك انا حتى الان ماقابلتش واحد فى التوكيل الا رأيه انه اسوأ توكيل فى مصر
وانا فعلا باذكر المزايا اللى هى فى رأيى التلفزيون اللى فى الاستراحه
والباقى كله عيوب معامله وميكانيكا وكذب ووعود بقالها 4 سنين مع ناس غيرى ونفاق وكله بجد حاجه تقرف

فى الاخر انا اؤيد راى استاذ احمد صيام لازم توحيد الجهود وابداء ارائنا ومشاكلنا ومقترحاتنا بشكل عملى فى موضوع موحد او اتنين للحصول على اعلى فائدة ممكنة وتطوير التوكيل

انا بصراحه مش عارف حضرتك بتتكلم فى ايه
مشاكل موجوده مع 90% من الملاك ومابتتحلش ومعامله سيئه وعيوب صناعه وبردو هما مش غلطانين ومش مسئولين عن مشاكل العربيه اللى ناتجه من سوء تصنيع:e_braces[1]:
ازاى ؟؟
بجد انا قربت اتجنن من الكلام الغريب ده
يا ترى انت مقتنع بالكلام ده ازاى
وااسف على الاطاله
سلامى للجميع

الرد فى الداخل باللون ده