مجموعة ازرار الزجاج

[mo7amed_7asan]

ازيكم يا شباب.

بجد محتاج مساعدتكم فى الموضوع ده. انا عندى بروتون ويرا 2004

مجموعة ازرار الزجاج الاساسية (اللى فيها الاربع ازرار مع بعض) باظت والحمد لله.
مفيش اى زجاج بيفتح فى العربية خالص. و طبيعى بقيت ماشى فى اى وقت و انا مشغل التكييف.

و مش لاقى المجموعة دى فى اى حته خالص. و سالت عليها فى التوكيل. قالولى 1013 جنيه شاملة ضريبة المبيعات و الاستلام بعد شهر.

و بصراحه السعر فووووق المتوقع.

يا ريت حد يساعدنى انى اجيبها فى اسرع وقت و اقل التكاليف الممكنه علشان السعر ده حرام جدا بجد.

شكرا ليكم و مستنى ردكم انشاء الله.

[ab_badr]

شوف في اللانسر موديل قديم شوية هاتلاقيه نفس الشكل علي ما أعتقد
لأن الموديل ده كان ما بين لانسر و بروتون قبل لوتس

[ALYBOB]

انت حاولت تصلحه

[ahmed_h_g]

موجود عند أمير وجوزيف وأولاد علام بيصلح القديم .

[mby]

فيه مستخدم عند بتوع شارع دمشق كان اتعرض عليا من حوالي سنه وكمان محل شارع دمشق وصف لي واحد بيصلحهم في ميدان الحلميه بالمطريه - المشكله دي في كل الويرا

[sameh_loza]

شوف يا باشا انا حصلي نفس الموضوع ودورت عليها كتير واخيرا لقتها في عزبة شلبي ب 400 جم واخدت الزرار المفرد ب 50 جم وعاوز اقولك ممكن تلقيها في وكالة البلح وبالاخص عند واحد اسمه الشيخ مكي لانه منزل حاجات كتيره للويرا استراد الخاج بشرط انك تفك اللوحة من العربية وتسال عليها وهي نفس بتاعة لانسر البطة بالضبط .
والله المستعان .

[ahmed_h_g]

شوف يا باشا انا حصلي نفس الموضوع ودورت عليها كتير واخيرا لقتها في عزبة شلبي ب 400 جم واخدت الزرار المفرد ب 50 جم وعاوز اقولك ممكن تلقيها في وكالة البلح وبالاخص عند واحد اسمه الشيخ مكي لانه منزل حاجات كتيره للويرا استراد الخاج بشرط انك تفك اللوحة من العربية وتسال عليها وهي نفس بتاعة لانسر البطة بالضبط .
والله المستعان .

الف شكر يا أستاذ سامح عالأفاده
فين عزبة شلبى ديه ؟؟؟

[sameh_loza]

لا شكرعلي واجب ده من بعد خيرك يا استاذ احمد
شوف يا باشا عزبة شلبي دي ناحية مسطرد انا بروحلها عن طريق شارع ترعة الاسماعيلية من بعد السواح لحد نهاية شارع ترعة الاسماعيلية هاتلاقي عزبة شلبي دي علي اليمين.

[sameh_loza]

فيه مستخدم عند بتوع شارع دمشق كان اتعرض عليا من حوالي سنه وكمان محل شارع دمشق وصف لي واحد بيصلحهم في ميدان الحلميه بالمطريه - المشكله دي في كل الويرا

طب ممكن توضيح اكتر بعد اذن حضرتك

[mby]

طب ممكن توضيح اكتر بعد اذن حضرتك

الموضوع ده كان من سنه كان عندي عربيه ويرا 2004 وكان فيها نفس المشكله المفتاح بتاع الزجاج اللي جنب السواق بيعلق و حرق لي موتور الزجاج مرتين ونزلت لفيت علي المفتاح لقيت المستخدم عند محل المدينه او المحل التاني اعتقد اسمه مكه وهما الاتنين في شارع دمشق مصر الجديده و صاحب المحل هو اللي وصف لي اللي ممكن يصلحه اعتقد قالي ان المحل اللي بيصلح في ميدان الحلميه اسمه محل الشيخ وعموما انا ما اشتريتش ولا روحت صلحت لاني كنت هابيع العربيه وربنا وفق في البيع قبل الاصلاح - ممكن توصل شارع دمشق وتسالهم في المدينه او مكه عن الي بيصلح وتاخد العنوان منهم ولو عندك ائ اسئله اخري انا تحت امرك

[mo7amed_7asan]

اشكركم يا شباب

[sameh_loza]

الموضوع ده كان من سنه كان عندي عربيه ويرا 2004 وكان فيها نفس المشكله المفتاح بتاع الزجاج اللي جنب السواق بيعلق و حرق لي موتور الزجاج مرتين ونزلت لفيت علي المفتاح لقيت المستخدم عند محل المدينه او المحل التاني اعتقد اسمه مكه وهما الاتنين في شارع دمشق مصر الجديده و صاحب المحل هو اللي وصف لي اللي ممكن يصلحه اعتقد قالي ان المحل اللي بيصلح في ميدان الحلميه اسمه محل الشيخ وعموما انا ما اشتريتش ولا روحت صلحت لاني كنت هابيع العربيه وربنا وفق في البيع قبل الاصلاح - ممكن توصل شارع دمشق وتسالهم في المدينه او مكه عن الي بيصلح وتاخد العنوان منهم ولو عندك ائ اسئله اخري انا تحت امرك

الامر لله والف شكر