امثال شعبية وحكم بروتوناوية

[nedaloo]

صباح الفل ازيهم أجمد بروتوناوية ؟ النهارده جايبلكم مجموعة حكم و أمثال شعبية على عربيات بروتون والأمثال دي كان يقولها أجدادنا البروتوناوية المصريين والسوريين للناس من شي ٤٠٠ سنة او أكثر :-)
ملحوظة: بعض الامثال باللهجة السورية ويلي مافهمش يقول لي وانا هشرحله
هنبتدى
~^~~^~~^~~^~~^~~^~~^
اذا قيل لك جبل زال من مكانه فصدق واذا قيل لك بروتون وحشة فلاتصدق
~^~~^~~^~~^~~^~~^~~^
لو عايز عربية بروتون اسأل بروتوني ولاتسأل حكيم
~^~~^~~^~~^~~^~~^~~^
قالو لعربية بروتون خدي غرزة قالت كلشي بوقته حلو
~^~~^~~^~~^~~^~~^~~^
عربية بروتون في الايد احسن من عشرة في الطريق
~^~~^~~^~~^~~^~~^~~^
اذا أتت بروتون مذمة من ناقص فهي الشهادة لها بانها كاملة
~^~~^~~^~~^~~^~~^~~^
بروتوني وافتخر ويلي مش عاجبو ينتحر ويكتب على قبره ويختصر واحد منقهر حاول يتحدى بروتوني وماقدر
~^~~^~~^~~^~~^~~^~~^
بروتوني وعربيتي بروتون ويلي عجبو عجبو يلي ماعجبو يطلع على الحيط ويهز بذنبو
~^~~^~~^~~^~~^~~^~~^
عربيات بروتون مثل السيل قوية بالنهار وبالليل
~^~~^~~^~~^~~^~~^~~^
لاتشتري عربية مش بروتون ولا تشوف احلام وحشة
~^~~^~~^~~^~~^~~^~~^
عربيات بروتون بسبع أرواح
~^~~^~~^~~^~~^~~^~~^
عربية بروتون تعرفها احسن من عربية تانية ماتعرفها
~^~~^~~^~~^~~^~~^~~^
العربية البروتون اللي ماتقدرش تشتريها قبلها وادعي انها ترخص
~^~~^~~^~~^~~^~~^~~^
خود بروتون الأصيلة ولو كانت على الحصيرة
~^~~^~~^~~^~~^~~^~~^
طول عمرك يابروتون جامدة
~^~~^~~^~~^~~^~~^~~^
يلي بيحكم على بروتون بدون مايجرب بكون عقله متخرب
~^~~^~~^~~^~~^~~^~~^
طول ماعربيتي البروتون معي بهز العالم بأصبعي
~^~~^~~^~~^~~^~~^~~^
يلي مابحبش يشوف وجه بروتون يجي يوم ويتمنى يشوف قفاها
~^~~^~~^~~^~~^~~^~~^
بروتون حلوة لما تقوم من النوم وباقي العربيات وحشة لما تغسل وجها كل يوم
~^~~^~~^~~^~~^~~^~~^
اقلب الجرة على فمها تطلع بروتون جامدة لأمها
~^~~^~~^~~^~~^~~^~~^
اشتري بروتون وابعد عن باقي العربيات وغنيلها
~^~~^~~^~~^~~^~~^~~^
اللي عربيته مش بروتون مايضربش الناس بالحجارة
~^~~^~~^~~^~~^~~^~~^
اقول بروتون جامدة يقولوا وحشة
~^~~^~~^~~^~~^~~^~~^
سمعة بروتون مثل البحر ماتتعكرش من ترعة
~^~~^~~^~~^~~^~~^~~^
من خرج من عربيته البروتون قل مقداره
~^~~^~~^~~^~~^~~^~~^
يابخت من اشترى عربية بروتون ولو بالقسط
~^~~^~~^~~^~~^~~^~~^
لو كانت عربيتك بروتون فأنت محظوظ ولو كنت صادق في حبها فأنت اكثر الناس حظا
~^~~^~~^~~^~~^~~^~~^
لاتسألني عن بروتون فلا توجد كلمات قادرة على وصفها
~^~~^~~^~~^~~^~~^~~^
بروتون تعني صفقة رابحة فقوتها تمنحك الأمان
~^~~^~~^~~^~~^~~^~~^
من طلب العلا يشتري عربية بروتون
~^~~^~~^~~^~~^~~^~~^
اعظم تحدي أن تبيع عربيتك البروتون وتضحك ودموعك في عينيك
~^~~^~~^~~^~~^~~^~~^
من لايعرف قيمة بروتون لايستحقها
~^~~^~~^~~^~~^~~^~~^
يارب تكون عجبتكم تحياتى

[tamer_aj]

الله ينور ياباشا, وأهلا بك في منتدي نايل موتورز وسط إخوتك المصريين.

[MohabSaeed]

منور يا باشا انتا و كل اهل سوريا الكرام .

[ALYBOB]

اهلا بك وبكل الاشقاءالعرب



.

[husseinodeba]

عربيات بروتون .....مش هتقدر تشيل ايدك من على الدركسون

[د.محمود صلاح]

هههههههههههههه ,, مشاركة ممتازة وتجميعه حلوة

[jisso82]

موضوع دمه خفيف فعلا و فكرتنا بأخونا السابق سامر بروتون يا رب يرجعلنا بالسلامة

[karaktar]

اقلب الجينا على فمها تطلع البروتون امها

[ahmed_h_g]

ههههههههههه
جميله جداااااااااااااااااااااااا"
الف شكر .

[nedaloo]

موضوع دمه خفيف فعلا و فكرتنا بأخونا السابق سامر بروتون يا رب يرجعلنا بالسلامة

العضو سامر بروتون انا عارفه من زمان وهو فعلا من الشخصيات المحترمة وبحب مساعدة الناس ومتعصب جدا لبروتون لدرجة ان لو حد اتكلم على عربيات بروتون ممكن يعصب عليه وممكن توصل معاه للضرب حسب ما قال لي انا تعرفت عليه في التوكيل كان عندي صيانة وهو كان بيستلم عربيته بعد الحادثة الجامدة جدا اللي صارت معاه وهو اللي عرفني على المنتدى بس بقالنا زمان ماحكيناش مع بعض عشان هو دائما مشغول في دراسته ودا اللي أجبره يغيب عن المنتدى حتى قليل جدا ان اشوفه فاتح الميل بتاعه بس هو وعدني ان هيرجع للمنتدى تاني في
1/7/2010
او قبل في حال تحسنت ظروفه ولو عاوز الميل بتاعه كلمني على الخاص وانا هبعتهولك تحياتى ياباشا

[eslamashour2005]

تسلم ايدك موضوع جميل
و علي راي المثل
ملقوش في الجين عيب قالوا يا اصفر الاستبن

[ahmad alshaaer]

تسلم ايدك موضوع جميل
و علي راي المثل
ملقوش في الجين عيب قالوا يا اصفر الاستبن

هههههههههههه

جامده دي

تحياتي

ولصاحب الموضوع الرائع كمان

[waleedfesal]

موضوع طريف جدا
ودا منى للبرتون.......

- اجرى جري الوحوش..... البرتون ماتلحقوش
- المجروحين يمسكوا يمين
- من حق الكبير يتدلع
- للكبار فقط
ودى بعض الامثله المقلوبه واحد صاحبى بعتهالى على الاميل

1 - اللى بيته من إزاز ميغيرش هدومه فى الصالون .
2 - فاقد الشىء يدور عليه .
3 - اقلب القدره على فومها الفول يقع منها .
4 - تأتى الرياح محمله بالأتربة .
5 - ياخبرالنهارده بفلوس بكره ينزل عليه أوكازيون .
6 - اللى معاه قرش محيره يجيب حمام ويحمره ..
7 - جت الحزينه تفرح شغلت شريط حكيم وقعدت ترقص .
8 - قال يامحشحشين يكفيكوا شر الكمين .
9 - اللى ياكل لوحده يشبع .
10 - لاتبكى على اللبن فى البسكوت .
11 - اقطع عرق و حته بتلو .
12- اطبخى ياجاريه الأنبوبه فاضيه يا سيدى .
13- لو حبيبك عسل ما تحطلوش طحينة .
14 - اللى يتلسع من الشوربه يتصل بالمطافى .
15 - وبكره ترجع ريما من عند خلتها فى مارينا .
16 - ياداخل بين البصله وقشرتها حط قطرة علشان هادمع من ريحتها .
17 - اصوم اصوم وافطر على المدفع .
18 - القرش الأبيض بيعوم فى البحر الأحمر .
19 - ضربوا الأعور على عينه قالهم كسرتوا النضاره ,
20 - قالوا للحرامى أحلف قالهم وحياة قلبى وأفراحوا .
21- اللى ميشفش من الغربال يكشف نظر .
22- المال السايب يعلم الطلبه .
23 - نام وارتاح وكل عسل نحل التمساح .
24 - من خرج من داره مينساش يأخد المفتاح معاه .
25 - الباب اللى يجيجلك منه الريح شيله وركب قبنورى .
26 - المضطر يركب التاكسى .
27 - رب صدفة خير من ألف ليلة و ليلة .
28 - اللى يخاف من العفريت يعمل عبيط .
29 - المركب اللى فيها رايسين يلعبوا طاولة .
30 - اللى خدتوا القرعه تخدوا ام الخلول.

32 - أكل العيش يحب الطعميه ثانيا

اتمنى انها تعجبكو وماكنش رخمت عليكم:b4_033:

[mnabil1980]

شكرا على الموضوع وخد الحكمة دى كمان

"ان فاتك الواجا اتمرمغ فى الساجا"

[nedaloo]

شكرا لمروركم تحياتى