إعـــــــلان

Collapse

.

,
See more
See less

صيانه 30000 ... ومشكله صغيره ارجو مساعدتكم فيعا

Collapse
X
 
  • Filter
  • الوقت
  • Show
Clear All
new posts

  • صيانه 30000 ... ومشكله صغيره ارجو مساعدتكم فيعا

    السلام عليكم ورحمه الله وبركاته

    من يومين رحت توكيل الأسكندريه علشان صيانه 30000 .... وحبه حبشتكنات فى جينا وهى كالأتى :
    1- الباب الأمامى الأيمن مع سرعه العربيه بيتهز وبالتالى بينور نور الصالون وينور النور الخاص بالأبواب فى التابلوه بشكل متقطع (تم الحل)
    2- خشونه بسيطه فى الفتيس (تم حلها)
    3- المالتى فنكشن ( تم تنضيفه وحجز واحد جديد لزوم التغيير )
    4- بعض الأصوات الخفيفه فى المطبات (تم حلها )
    5- تقل الزجاج فى الباب الأمامى الأيمن (تم حلها بنسبه 50%)
    6- المشكله الدائمه هزه الدركسيون مابين سرعه 80 و 120 كم تقريبا (عملت ترصيص حوالى اربع مرات منها مره فى بريدجستون وعملت تدوير للعجل ومفيش فايده ) وكالعاده جهازى الترصيص والزوايا مش شغالين
    7- كشفت على التيل وقالى الأمامى محتاج تغيير ( 320 جنيه فى التوكيل ) فقولتلهم لأ هغيره بره ودلوقتى بدور فى المنتدى على مواضيع الخاصه بالتيل والنواع المتاحه وارجو مساعده حضراتكم فى الأختيار
    8- تم الكشف على التكييف وكان تمام بحمد الله وبالتالى لم يتم تغيير شحنه التكييف ولا الفلتر ( كان موضوع نقاش فى المنتدى قبل ذلك وده اللى حصل معايا)
    9- التكلفه الكليه 480 جنيه (تغيير زيت 10000 كم وفلتر )

    المفاجأه الغير ساره هى انه عند رفع السياره لتغيير الزيت اكتشفنا وجود تسريب زيت من جوان الفتيس ( تقريبا اسمه كده وهو الجوان بين الفتيس والعمود الخارج الى العجله ) المشكله ان الجوان غير موجود فى التوكيل بس على وعد باحضاره اليوم الخميس لتركيبه السبت باذن الله ولما سألتهل ده بيتغير فى الضمان ابلغونى ان الجوانات كلها تعتبر من المستهلكات مثلها مثل التيل والكاوتش على سبيل المثال وهيتكلف فى حدود 200 جنيه بالمصنعيه ... ارجو الأفاده من الساده الأعضاء الأفاضل فى هذا الموضوع وهل الموضوع يستاهل المبلغ ده

    اسمحوا لى ان اقدم خالص الشكر للاستاذ / احمد سلطان ( فايبر ) على اهتمامه الغير عادى وحبه لخدمه الناس وخاصه اعضاء المنتدى ... ربنا يتقبل كل هذه الاعمال ويجعلها فى ميزان حسناته

    وبالنسبه للتوكيل فاسمحولى اسجل احترامى لكل الساده المهندسين والفنيين والأهتمام الملموس بالشكاوى التى ابلغتهم بها فى السياره ..... والسلام عليكم




  • #2
    مبروك عالصيانه اولا
    ثانيا ان شاء الله المشكله تكون بسيطه وتتحل مش عارف اذا كانت المشكله في الضمان ولا لا
    بخصوص نقطه رقم 6 انا عندي نفس الموضوع ده برده هزه في الدركسيون احيانا تيجي واحيانا لا وعملت ترصيص برده ومازالت المشكله قائمه
    بخصوص التيل النوع اللي بتكلموا عليه دايما fbk بس مش عارف منين من اسكندريه
    انتظر رد دكتور محمد سليمان هو من اسكندريه واكيد عارف الاماكن والانواع الكويسه
    شكرا
    [CENTER]إلى القمه
    :vctry:
    [/CENTER]
    musiccairo سابقا

    Comment


    • #3
      اسلام باشا حبيبى واية ياعم الكلام الكبير الى انت قايلة عنى دة واللة ما عملت حاجة
      على فكرة
      الملتى فنكشن وصلت
      وايل سيل الكوبلن وصل
      تم الوصول اليوم الساعة4.30
      شرفنى بقا السبت اوك
      والف مبروك وعقبال الــ300000
      انشاء اللة
      [B][justify]work like u don't need the money, love like u've never been hurt, dance like nobody's watching........"[/justify][/B]

      Comment


      • #4
        لا طبعا الجوان تبع الضمان و اكد المعلومه من حماية المستهلك

        بصراحه انا لو مكانك مش هسكت حمايت المستهلك علي بروتون ماليزيا و هكلم طوب الارض. ده حقي و مش هسيبه
        [CENTER]Gen2 Is a part of me[/CENTER]

        Comment


        • #5
          المشاركة الأصلية كتبت بواسطة musiccairo مشاهدة المشاركة
          مبروك عالصيانه اولا
          ثانيا ان شاء الله المشكله تكون بسيطه وتتحل مش عارف اذا كانت المشكله في الضمان ولا لا
          بخصوص نقطه رقم 6 انا عندي نفس الموضوع ده برده هزه في الدركسيون احيانا تيجي واحيانا لا وعملت ترصيص برده ومازالت المشكله قائمه
          بخصوص التيل النوع اللي بتكلموا عليه دايما fbk بس مش عارف منين من اسكندريه
          انتظر رد دكتور محمد سليمان هو من اسكندريه واكيد عارف الاماكن والانواع الكويسه
          شكرا
          ا/ميوزيك كايرو شكرا لحضرتك على الرد وبالنسبه لموضوع هزه الدركسيون انا فعلا ساعات مبحسش بيه بصراحه مش عارفله حل بس د/ عماد على حسب علمى كان عنده نفس المشكله وبرضه رصص فى بريدجستون ومتحلش المشكله ولكن اتحلت لما رصص فى التوكيل فبيتهيألى الموضوع محتاج مشوار لتوكيل القاهره علشان الترصيص يمكن يكون ده الحل ...هو حضرتك مجربتش الترصيص هناك ؟
          اما بالنسبه للتيل انا من فتره كنت شوفت موضوع لأحد الساده الأعضاء ذكر فيه انه استخدم الريمسا الأسبانى والمفاجأه انه -كما ذكر - حل معاه مشكله مشوار دواسه الفرامل نسبيا .... وعامه متكر جدا لنصيحه حضرتك

          المشاركة الأصلية كتبت بواسطة viper911s مشاهدة المشاركة
          اسلام باشا حبيبى واية ياعم الكلام الكبير الى انت قايلة عنى دة واللة ما عملت حاجة
          على فكرة
          الملتى فنكشن وصلت
          وايل سيل الكوبلن وصل
          تم الوصول اليوم الساعة4.30
          شرفنى بقا السبت اوك
          والف مبروك وعقبال الــ300000
          انشاء اللة
          بجد ياأستاذ أحمد جمايلك عدت الحدود ..ربنا يجعله فى ميزان حسناتك ... باذن الله من 8:30 هكون عندكم ...مش هوصيك ....عاوز مالتى فنكشن من وش القفص ... والله خايف من المالتى فنكشن ده .. القديم كان فيه زرارين بس اللى مهيسين ....ربنا يستر من الجديد

          المشاركة الأصلية كتبت بواسطة a. Ibrahim مشاهدة المشاركة
          لا طبعا الجوان تبع الضمان و اكد المعلومه من حماية المستهلك

          بصراحه انا لو مكانك مش هسكت حمايت المستهلك علي بروتون ماليزيا و هكلم طوب الارض. ده حقي و مش هسيبه
          بصراحه يابشمهندس ده الكلام اللى اخدته من كذا مهندس هناك وخاصه انهم بصراحه معملوش مشاكل قدامى مع حد محتاج يغير حاجه فى الضمان بالعكس على حسب علمى انهم ثلثين جدا فى الموضوع ده... وفعلا فكره التأكيد من حمايه المستهلك فكره كويسه .... بس ده بعد ما أركبه رسمى باذن الله لأن المنظر مايطمنش بصراحه... ولك جزيل الشكر

          Comment


          • #6
            الف مبروك عالصيانه
            معلش المفروض الأويل سيل الخاص بالكوبلن عيب صناعه وبيدخل فى الضمان بدون تكلفه
            زى المشكله اللى كانت بتحصل فى بعض الموديلات السابقه فى الضفيره مع السرعه العاليه للمساحات
            كانت بتتحل فى التوكيل بدون تكلفه ومن غير ما بتبلغهم بيها أساسا"
            [SIGPIC][/SIGPIC]

            Comment


            • #7
              مبروك الصيانات
              وبالنسبه لموضوع التسريب لو لوحده ضماااااااااااان
              وخليك متأكد من ده

              اما بالنسبه للتيل
              الاحسن باللترتيب كالتالي

              الريمسا الاسباني
              ثم الاف بي كي

              تحياتي
              tweety26980 سابقاً

              Comment


              • #8
                الف مبروك الصيانة يا اسلام بيه
                وان شاء الله تتحل المشكلة فى زيارة السبت ان شاء الله
                وسلملى على احمد سلطان باشا
                وربنا يباركلك فى عربيتك ويحفظهالك ويعطيك خيرها
                [CENTER]رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ[/CENTER]
                [CENTER][img2]http://cdn2.worldcarfans.co/2007/8/medium/2070817.002.Mini6L.jpg[/img2][/CENTER]

                Comment


                • #9
                  وعليكم السلام و رحمه الله
                  5) مشكلة الرعشة ممكن باحتمال كبير جداً جداً تكون من الكوتشات باظت اكشف عليها كويس لو في اي جزء بارز او في تشقق , طبعا الكلام ده و العجل مفكوك و ياريت تعمله عند بتاع كوتشات بيفهم

                  Comment


                  • #10
                    كنت عايز اعرف التوكيل في اسكندريه
                    تقيمك ليه ايه
                    [CENTER][mtohg=null]http://upload.wikimedia.org/wikipedia/ms/f/f9/Ayat_kursi.png[/mtohg]
                    [/CENTER]
                    [SIZE=4][COLOR=RoyalBlue][B] [URL]http://www.mp3quran.net/basit_mjwd.html[/URL]
                    القران الكريم بصوت الشيخ عبد الباسط عبد الصمد

                    [/B][/COLOR][/SIZE][CENTER][SIZE=6][COLOR=RoyalBlue][B]143[/B][/COLOR][/SIZE]
                    [/CENTER]

                    Comment


                    • #11
                      الف مبروك على الصيانه
                      وواضح طبعا انك بتغير اول تيل بعد 30000 كم وده كويس جدا
                      وربنا يباركلك فيها ياباشا
                      بالنسبه لرعشة الدريكسيون جرب انقل العجل اللى ورا قدام كده وقولى النتيجه
                      (نفس المشكله كانت عندى واتحلت )
                      [CENTER][SIGPIC][/SIGPIC][/CENTER]

                      [CENTER][B][URL="http://www.nilemotors.net/Nile/162345-a.html"][SIZE=5][FONT=Impact][COLOR=darkorchid](هام للمقبلين على شراء سياره مستعمله او جديده) هساعدك فى الاختيار[/COLOR][/FONT][/SIZE][/URL][/B][/CENTER]
                      [CENTER][COLOR=darkorchid]:w6266d[/COLOR][/CENTER]
                      [CENTER][COLOR=#ff8c00][COLOR=#000000][FONT=verdana][COLOR=blue][B][URL="http://http://www.nilemotors.net/Nile/162345-a.html"]http://www.nilemotors.net/Nile/162345-a.html[/URL][/B][/COLOR][/FONT][/COLOR][/COLOR][/CENTER]

                      Comment


                      • #12
                        استاذ اسلام ارجو ان كل شى ماشى تمام انشاء اللة
                        واخبار الملتى اية
                        [B][justify]work like u don't need the money, love like u've never been hurt, dance like nobody's watching........"[/justify][/B]

                        Comment


                        • #13
                          اسف ياجماعه جدا على تأخرى فى الرد ... بس بصراحه انا بحضر للموضوع بتاعى الحصرى الجديد ..... حادثه جينا رقم 3 .... انتظرونا

                          Comment


                          • #14
                            المشاركة الأصلية كتبت بواسطة densfog مشاهدة المشاركة
                            اسف ياجماعه جدا على تأخرى فى الرد ... بس بصراحه انا بحضر للموضوع بتاعى الحصرى الجديد ..... حادثه جينا رقم 3 .... انتظرونا

                            لا حول ولا قوة الا باللة
                            خير يا اسلام باشا اية الى حصل واللة انا معرفتش ارد عليك انهاردة
                            اسف بجد
                            [B][justify]work like u don't need the money, love like u've never been hurt, dance like nobody's watching........"[/justify][/B]

                            Comment


                            • #15
                              المشاركة الأصلية كتبت بواسطة densfog مشاهدة المشاركة
                              اسف ياجماعه جدا على تأخرى فى الرد ... بس بصراحه انا بحضر للموضوع بتاعى الحصرى الجديد ..... حادثه جينا رقم 3 .... انتظرونا

                              لا حول ولا قوة إلا بالله العلي العظيم

                              أولا .. يارب تكون بخير .. لولا أنى شفت الكلام ده دلوقتى .. الساعة 4 وتلت صباحا .. كنت اتصلت بيك ؟؟؟
                              [CENTER][RIGHT][CENTER][SIGPIC][/SIGPIC]
                              [/CENTER]
                              [CENTER][RIGHT][FONT=Comic Sans MS][SIZE=4][URL="http://www.nilemotors.net/Nile/110461-a.html"][/URL][/SIZE][/FONT]

                              [/RIGHT]
                              [FONT=Comic Sans MS][SIZE=4][URL="http://www.nilemotors.net/Nile/110461-a.html"][U] شاهد شاف كل حاجة .. الصور لا تكذب أبداً[/U][/URL][/SIZE][/FONT]
                              [/CENTER]
                              [/RIGHT]
                              [/CENTER]

                              Comment

                              Working...
                              X