رائحه العادم هام ارجو المساعده

[hosamwaja2410]

السلام عليكم
انا اشتريت واجا 2005 و الحمد لله بس فيها مشكله اني لما باسرع شويه بالعربيه بدء من سرعه 60 او 70 تقريبا و كمان في المطالع و الكباري بشم رائحه عادم قويه جدا في الصالون لما بكون فاتح الشباك .
و الريحه ده مش بشمها لما بقفل الشباك
و بعد سؤال و محاولات اعتقد اني عرفت ان الرائحه ده بتيجي من الشنطه
يعني بتخش من الشكمان علي الشنطه علي الصالون لما بكون فاتح الشباك
مع العلم ان الشنطه عندي مش بتقفل كويس جدا و بتدخل ميه لما بيكون في مطر
بس ازاي الشكمان بيرد علي الشنطه لما باجري بالعربيه!
يا ريت من الساده الخبراء او اي حد قابل المشكله ديه يفهمني و يأكدلي الريحه ده بتيجي ازاي و ايه حلها
لانها خنقاني لدرجه اني فكرت ابيع العربيه
الرجاء المساعده

[ahmed_h_g]

الريحه اللى ممكن تيجى من الشنطه ريحة بنزين ويستحيل تبقى ريحة عادم
صوت الموتور عالى ولا طبيعى ؟ وأخبار استهلاك البنزين ايه ؟ كشفت عالشكمان بالكامل من أوله ؟؟؟

[hosamwaja2410]

بص يا باشا ده ريحه عادم مش بنزين
صوت الموتور عادي بس لما بشد بالعربيه بيعلي شويه و بتاع الشكمان قالي ان علو الصوت شويه نتيجه ان علبه الشكمان الورانيه خرومها بتوسع مع مرور الوقت و قالي ان مافيش اي خروم في الشكمان بمجرد سماع صوته!

[huseinshawky]

غير علبة الشوكمان و ريح بالك

[hosamwaja2410]

كمان اانا عملت تجربه بسيطه باني سديت فتحات الشنطه بالسوليتب العريض و جريت بالعربيه فريحه العادم راحت خفت شويه بس مش كليه!

[hosamwaja2410]

ايه يا جماعه ماحدش عنده حل ليا

[ahmed_h_g]

أكشف على جوان الشكمان اللى ناحية الموتور (جوان فرن الشكمان )
ديه أول حاجه تعملها
برضه مردتش عليه أخبار الأستهلاك ايه ؟؟

[hosamwaja2410]

بتاع الشكمان قالي ان الشكمان كله تمام
بالنسبه للاستهلاك مش عارف لان العربيه جديده معايا
بس اخر مره مثلا اخر مره فولت و مشيت مشاوير كلها قصيره جدا كل يوم مع تسخين العربي كويس و الوقوف في اشارات كثيره يعني حسابي مافيهوش اي مشاوير طوالي خالص و كلها مشاوير بتهلك
المهم الصفيحه عملت معايا 162 كيلو متر

[otefa]

عندك حاجة من 2 يالشكمان يايكون الحرق عندك مش مظبوط يعني بوجيهات وفلاتر
علشان تتاكد بنفسك من الشكمان هات قماشة تقيلة شوية وسد بيها الشكمان وشوف ازا كان فيه تنفيس من اي مكان
هو لو الشكمان مظبوط هاتحس ان العربية عايزة تطفي

[ahmed_h_g]

ياريت تكشف عليها فى أكتر من ورشه علشان العيب صعب جدا" يتخمن .

[hosamwaja2410]

اخ otefa حتي لو كانت في مشكله في الشكمان طب التنفيس بيخش من فين و علي العموم انا هجرب اللي انت قلت عليه بالقماشه
بس الحاجه التانيه انحتي لو فرض ان في مشكله في الحرق بوجيهات او فلتر هوا او حتي في مشكله في الانجكشن هيكون الحرق مش مظبوط تمام بس المشكله بتخش عليا رائحه العادم منين لان حتي لو في رائحه حرق مش مظبوط المفروض ان انا ما اشيمهاش و انا في الصالون و فاتح ازاز العربيه

[hosamwaja2410]

كمان هحاول اكشف عالعربيه في اكثر من ورشه بس بحاول اوصل لحل هنا بنفسي عشان اغلب الميكانيكيه مش بيفهموا