غريب أمر الويرا بالغردقه

[abokoko]

انا فعلا بسال كتير عن ال ويرا بس هنا فى الغردقه مش لاقى حد عارضها للبيع واعرف واحد معاه ويرا بس متمسك بيها
طاب البطه بتبدا من سنه كام وممكن حد معاه صوره ليها معذره ولكن اشكال الانسر كتير وانا مش خبير بيهم

[ahmed_h_g]

هيه ديه اللانسر 93

[abokoko]

شكرا يا باشا على الصور
والشكل ده بشوفه جنبنا فى العمارات بس معرفش هى معروضه للبيع او لا عموما الف شكر

[abokoko]

على فكره انا دخلت موقع كونتاكت للسيارات المستعمله واتفرجت شويه على بعض الانواع زى
لادا\\لانسر 90الى 94\\كرولا92\\هوينداى اكسيل 93 واكسنت 99\\لانوس
1 \\ويرا

دى العربيات اللى ممكن تكون فى حدود اللى بدور عليه بس
1- الاسعار اعلى شويه من اللى معايا غالبا (( من 25 الىى 30 ))
2- مش لاقى فى الغردقه حد عارض عربيات على النت
وفى موقع مش فاكر اسمه كان فى عربيه لادا حديثه وبسعر معقول اتصلت بصاحبها وعرفت منه انها اتباعت وراحت لصاحب نصيبها
عموما لسه بدور انا باتمهل شويه وكمان شويتين لانى خسرت كتير فى العربيه ال125 اللى اشتريتها واتعلمت عليها وفيها ومنها ومنه لله اللى باعها لى بموتورها الموفت وبلاويها وخلانى فضلت اصرفت عليها وهى عايزه كمان وكمان وعديت ال 21 تمنها واصلاحها وفى الاخر بعتها ب8.5 منه لله اللى باعها لى علشان كده انا بدور وانا خايف
بس صراحه محتاج عربيه علشان الاسره قبل احتياجى

العربيه بالنسبه لى = كرامه

يا رب اكرمنا جميعا بعربيه كويسه

[ahmed_h_g]

كويس ... متستعجلش
متابع معاك .

[abokoko]

جميل جدا وجودى معاكم ووجودكم معايا
رد الاستاذ احمد ((( متابع معاك ))) كانه اخ او صديق حميم حاجه تفرح
رحله البحث عن سياره اليوم 15/3
اولا عربيه لادا 2007 عليها اقساط حوالى 16 الف وصاحبها عايز 20 فى ايده او 33 الف وهو اللى يكمل الاقساط (السعر غالى فى الحاله الاولى #وغير مطمن فى الحاله الثانيه )
ثانيا بالامس جائنى الرد على رينو كليو 2002 بحاله جيده وبحاجه فقط الى اسكاترا والسعر 33 الف ( عرضت 30 وهو رفض وفرحت انه رفض لان صيانتاها وقطع غيارها غاليه حسب معلوماتى من الموقع هنا )
بالامس اتصل بى صديق عمل ليخبرنى عن 131 موديل 80 ( رفضت لانى بعت سياره قديمه ولن اعود الى الموديلات القديمه مره اخرى الاستثناء الوحيد فقط بيجو استيشن 505 وان تكون بحاله جيده جدا جدا وفى حدود اوائل ال30 هل انا مخطأ ؟؟ )
مع تحياتى وتقديرى لكل الاخوه

[ahmed_h_g]

يا هندسه حضرتك تأمر احنا أكتر من أخوات
بالنسبه للمجموعه اللى بتدور فيها بصراحه كلها مش عجبانى
سيبك من عربيات زمان كفايه شغل عفشه وميكانيكا والكلام ده
زمان كان موديل 2000 كان حديث دلوقتى موديل 2000 فات عليه 10 سنين
سيبك من الفيات واللادا والبيجو و....
خليك فى حاجه حديثه
لما فكرت فى الويرا فرحتلك علشان أنا عديت على معظم القديم اللى مكتوب من ضمنهم الأكسل
فقلت أكيد حضرتك جربت القديم وقلت خلاص كفايه قديم
لو فلوسك مش هتكفى عربيه حديثه أصبر شويه علشان مترجعش تندم تانى (نصيحه)

[abokoko]

يا استاذ احمد كلام سعادتك 100/10 مظبوط
لكن
الفلوس بتحكم الاختيار
عن نفسي اتمنى يكون عندى كيا كارينز كسياره عائليه
او برتون بيرسونا
وبتعجبنى الاكس تريل وبستغرب ليه هى مش منتشره رغم انها رخيصه
بحترم الفولو كعربيه فيها وقار
وبعتبر المرسيدس ست الكل فى العربيات هههههههههههه
لكن
ليس كل ما يتمناه المرأ يناله
عموما الف مليون مره الحمد لله انى كان عندى عربيه وان شاء الله هيكون عندى عربيه
لانى زى ما قلت من قبل
العربيه= كرامه
لى انا شخصيا لاسرتى هنا فى الغردقه او فى السفر للبلد الصعيد
صح ولا انا غلطان ؟؟؟؟

[ahmed_h_g]

تمام بس الصبر مفتاح الفرج
مفيش عربيه قديمه صاحبها بايعها علشان يجدد مفيش الكلام ده دلوقتى
علشان كده بقول لحضرتك كل ما بتزود فلوسك كل ما هتريح نفسك فى المستقبل ولا حضرتك هتبيع وهتشترى كل يوم ؟؟

[abokoko]

حضرتك غيرت الويرا بال bmw وافترض انك بعت الويرا
ونقول ده كان من نصيب اللى اشتراها
وربنا ان شاء الله يكرمنى بواحده كويسه متصانه من صاحبها
ده عشمى فى ربنا
على فكره انا جنبك فى الغردقه اقصد جنب غارب فى شركه الكهرباء وبشتغل محاسب
واسمى محمد

[ahmed_h_g]

وربنا ان شاء الله يكرمنى بواحده كويسه متصانه من صاحبها
ده عشمى فى ربنا

ان شاء الله ربنا هيكرمك يا أستاذ محمد
أنا أسمى أحمد حلمى من غارب ومتواجد الأن بالقاهره لفترة دراسه
لو عايز أى خدمه راسلنى أو كلمنى على 0165229926 أنا فى الخدمه
تحياتى .

[abokoko]

ربنا يوفقك فى دراستك آآآآآآآآآآميييييين
كلك ذوق وانا اسمى محمد توفيق
وايميلى kokoasma@yahoo.com

[abokoko]

الحمد لله اليوم اشتريت سياره
لادا 2107 <<<<2007م.
يوجد بعض المشاكل زى حظر لصالح البنك وخلافه
ورغم ذلك اشتريتها وسوف اذهب الى البنك غدا
وربنا يسترها
عموما مبأيا الحمد لله